صفائی کرنے والے ورکرز ہمارے ہیرو ہیں،احسن اقبال
اشاعت کی تاریخ: 22nd, June 2025 GMT
data-id="863a0a8" data-element_type="widget" data-widget_type="theme-post-content.default">
250622-08-5
نارووال(صباح نیوز)وفاقی وزیر پلاننگ اینڈ ڈیولپمنٹ احسن اقبال نے کہا ہے کہ ہمارا مذہب ہمیں صفائی نصف ایمان کا درس دیتا ہے،صفائی کرنے والے ورکرز ہمارے ہیرو ہیں۔نارووال میں وزیراعلیٰ پنجاب مریم نواز شریف کی جانب سے سیالکوٹ ویسٹ مینجمنٹ کمپنی کے عملے کو اعزازیہ دینے کی تقریب سے خطاب کرتے ہوئے احسن اقبال نے کہا کہ وزیراعلیٰ پنجاب مریم نواز شریف کی طرف سے اعزازیہ ورکرز کی محنت کا اعتراف ہے۔وزیراعلیٰ پنجاب کے خواب ستھرا پنجاب کو حقیقت بنانے کیلئے صفائی کی ڈیوٹی سرانجام دینے والے اہلکار مبارک باد کے مستحق ہیں۔ہمارا مذہب ہمیں صفائی نصف ایمان کا درس دیتا ہے ۔صفائی کی کمی کئی ایک بیماریوں کی وجہ بنتی ہے ۔آپ لوگ سینٹری ورکرز نہیں بلکہ آپ اس ملک کی صفائی ستھرائی کے ضامن ہیں۔ نبی کریم ﷺنے اپنے مبارک ہاتھوں سے اپنے گھر اور گلی کی صفائی کی۔بدقسمتی سے اپنے ماحول کو گندا رکھنا ہمارا معمول بن چکا ہے اپنے گھر،گلی،محلہ،شہر اور ملک کو صاف بنا کر ہم نے یہ ثابت کرنا ہے کہ صفائی ہمارے ایمان کا حصہ ہے۔ہمیں نونہالان وطن کو صفائی ستھرائی کی عملی تربیت دینی ہوگی ۔امریکہ و یورپ میں کوئی بندہ دفاتر اور پبلک پلیسز پر سگریٹ نوشی نہیں کرسکتا۔ہمیں اپنے لوگوں کی یہ تربیت بھی کرنی ہوگی کہ وہ گندگی پھیلانے کی بجائے صفائی کو اپنی عادت بنائیں۔ہمیں پلاسٹک بیگز کے استعمال کو ترک کرنا ہوگا ۔صفائی ستھرائی صرف پیلی وردی والے ورکر کا کام نہیں بلکہ یہ ہماری سب کی ذمے داری ہے جب لوگ اپنے گھروں میں سوتے ہیں تو آپ لوگ اپنی ڈیوٹی سرانجام دیتے ہیں صفائی ورکرز ہمارے ہیرو ہیں۔ میں آپ سب کے کام کو سلام پیش کرتا ہوں۔احسن اقبال نے کہا نارووال آج پاکستان میں ترقی کی مثال بن چکا ہے۔آج کا نارووال علم کی بستی بن چکا ہے۔انشااللہ ہم نارووال کو تعلیم کے ذریعے ترقی کا ایک نمونہ بنائیں گے ۔امن،تعلیم اور ترقی ہمارا مشن ہے۔ہمارے دروازے ظالموں کیلئے بند ہیں۔ہماری طاقت ہمیشہ کمزور لوگوں کے ساتھ ہوتی ہے۔نارووال نے میری تعلیم کی بنیاد پر میرا انتخاب کیاتھاآج میں نے تعلیم کے بہترین مواقع نارووال میں پیدا کرکے اپنا قرض اتار ہے۔وفاقی وزیر نے کہا آج سے چند سال پہلے ایک اناڑی نے ملک کی معیشت کا دیوالیہ نکال دیا تھا۔ انہوں نے کہا کہ ہم نے ملک کو سنبھالا، سخت فیصلے کیے، ملک دیوالیہ کرنے کی سازش کو ناکام بنایا، آج پوری دنیا میں پاکستان کے دیوالیہ ہونے کے چرچے نہیں ہیں، آج پوری دنیا میں اس بات کے چرچے ہیں کہ پاکستان نے دو سال میں ایک معجزہ کر دکھایا ہے۔ملکی معیشت کی بحالی کیلئے ہم نے مشکل فیصلے کیے۔ایک سیاسی جماعت سوشل میڈیا پر پاکستان،اسکی فوج اور اسکے اداروں کی مخالفت کرتی تھی آپ نے 10 مئی کو دیکھا کہ پاکستان کی فوج سے بہتر کوئی فوج نہیں ہے.
ذریعہ
ذریعہ: Jasarat News
کلیدی لفظ: احسن اقبال نے وفاقی وزیر پی ٹی آئی نے کہا
پڑھیں:
مومنہ اقبال کے شوہر کون، تفصیلات سامنے آگئیں
پاکستانی اداکارہ مومنہ اقبال کے شوہر حمزہ حبیب کی تفصیلات سامنے آگئی ہیں۔ پاکستان کے مقبول ڈراموں میں اداکاری کے جوہر دکھانے والی مومنہ اقبال حال ہی میں رشتہ ازدواج میں منسلک ہوئی ہیں۔ لاہور میں ان کی دعائے خیر ، مہندی ، مایوں اور نکاح کی تقریبات منعقد ہو چکی ہیں جن کی تصاویر اور ویڈیوز سوشل میڈیا پر خوب وائرل ہیں۔ میڈیا رپورٹس کے مطابق مومنہ اقبال کے دلہا حمزہ حبیب کا تعلق لاہور سے ہے، وہ کامیاب اور مالی طور پر مستحکم کاروباری شخصیت ہیں تاہم وہ ہمیشہ میڈیا کی نظروں سے دور رہے۔ حالیہ دنوں میں مومنہ اقبال کو (ن ) لیگی ایم پی اے ثاقب چدھڑ کی جانب سے مبینہ ہراسانی اور دھمکیوں کے معاملے پر حمزہ حبیب اپنی اہلیہ کی حمایت میں سامنے آنے کے بعد خبروں کا مرکز بن گئے۔ حمزہ حبیب کے مطابق ان کی اور مومنہ اقبال کی منگنی خاندانوں کی باہمی رضامندی سے ہوئی جب کہ دونوں خاندانوں کے درمیان دیرینہ دوستانہ تعلقات بھی ہیں۔ جوڑے نے مئی 2026 کے آخر میں ایک نجی تقریب میں نکاح کیا تھا۔ اس سے قبل اداکارہ مومنہ اقبال نے اپنی سوشل میڈیا سٹوری کے ذریعے انکشاف کیا تھا کہ ایک بااثر سیاسی شخصیت کی جانب سے انہیں اور ان کی فیملی کو جان سے مارنے کی دھمکیاں دی جارہی ہیں۔ جس پر نیشنل سائبر کرائم انویسٹی گیشن ایجنسی اپنی تحقیقات کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ