اسلام ٹائمز: صدر ٹرمپ کو ایران پر حملہ کرنے کی اتنی جلدی تھی کہ انہوں نے اپنی کانگریس سے بھی اس کی منظوری نہیں لی۔ اس جنگ نے ٹرمپ کے چہرے پر جو اثرات چھوڑے ہیں ان کی وجہ سے وہ اب امریکی عوام کو منھ دکھانے کے قابل نہیں رہے۔ کل تک جو میزائل ایران کی زمین سے پرواز کر رہے تھے آج وہ ٹرمپ کے چہرے سے ہوائیاں بن کر اڑ رہے ہیں۔ تحریر: سید تنویر حیدر
اسرائیل نے ایران کے ساتھ جو براہ راست جنگ چھیڑی تھی، امریکہ نے اس میں اپنا حصہ ڈال کر یہ خیال کیا تھا کہ اس جنگ میں وہ بزعم خود فتح یاب ہو کر اپنی کامیابی کی ایک نئی تاریخ رقم کرے گا لیکن وقت کے ہاتھ میں جو قلم تھا اس نے ٹرمپ کی خواہشات کے برعکس ایسی تاریخ لکھی ہے جس کا ہر باب اپنے دامن میں ٹرمپ کی رسوائی کی ایک تاریخ لیے ہوئے ہے۔ 2006ء میں جب اسرائیل نے لبنان پر حملہ کیا تھا تو اس وقت بھی امریکہ کی سیکرٹری آف فارن افئرز، ”کنڈولیزا رائس“ امریکہ کا ترتیب دیا ہوا نقشہ لیے مڈل ایسٹ میں گھوم رہی تھیں لیکن ”حزب اللہ“ نے پھر اس نقشے کے کئی ٹکڑے کر دیئے۔
آج بھی اپنی میڈیکل رپورٹس کی روشنی میں ”مخبوط الحواس“ قرار دیے جانے والے ڈونلڈ ٹرمپ اپنے ذہن میں ایران کی بربادی کا جو خبط لیے ہوئے تھے اسے ایران کے میزائیلوں کی دھمک نے ایسا ٹھکانے لگایا ہے کہ اب وہ ایران کا شکریہ ادا کرتے نظر آ رہے ہیں۔ ایران جب ایک طرف اپنی ایٹمی تنصیبات پر امریکہ کے بے مقصد گرائے گئے میزائلوں کا حساب برابر کر رہا تھا تو اس وقت دوسری جانب ٹرمپ دن میں آسمان پر نظر آنے والے تاروں کی گنتی کر رہے تھے۔ اس صورت حال نے امریکی صدر کو ایسا چکر دیا ہے کہ کل تک وہ جو جنگ کے راستے پر گامزن تھا، آج اس کی سوئی امن کی راہ پر آ کر اٹک گئی ہے۔
صدر ٹرمپ کو ایران پر حملہ کرنے کی اتنی جلدی تھی کہ انہوں نے اپنی کانگریس سے بھی اس کی منظوری نہیں لی۔ اس جنگ نے ٹرمپ کے چہرے پر جو اثرات چھوڑے ہیں ان کی وجہ سے وہ اب امریکی عوام کو منھ دکھانے کے قابل نہیں رہے۔ کل تک جو میزائل ایران کی زمین سے پرواز کر رہے تھے آج وہ ٹرمپ کے چہرے سے ہوائیاں بن کر اڑ رہے ہیں۔ یہ جنگ تو شاید عارضی طور پر ختم ہو جائے لیکن اس کے بعد امریکی عوام ٹرمپ کے مواخذے کی جو جنگ شروع کریں گے وہ اپنے انجام تک پہنچے گی۔ اس جنگ نے ٹرمپ کے اسرائیل سے عشق کے اس جذبے کو نقطہء انجماد تک پہنچا دیا ہے جو وہ اپنے دل ناتواں میں رکھتے تھے۔
ایران کی سب سے بڑی کامیابی یہ ہے کہ وہ اسرائیل کے خلاف اپنی لڑی جانے والی اس ”فائٹ“ میں ٹرمپ کو ”ریسلنگ رنگ“ سے باہر پھینک دے۔ ٹرمپ جو کسی دور میں ایک ریسلر کی حیثیت سے ریسلنگ کے قواعد و ضوابط کو پس پشت ڈال کر اپنے حریف کا سر مونڈنےکے عادی تھے، انہیں خبر ہونی چاہیئے کہ اب انہوں نے جس جنگ میں قدم رکھا ہے وہ کھیل کا میدان نہیں ہے بلکہ یہ خیبر کی طرز کا ایسا میدان ہے جس میں ان کا مقابلہ خیبر شکن کے وارثین سے ہے۔
ذریعہ
ذریعہ: Islam Times
کلیدی لفظ: ٹرمپ کے چہرے ایران کی
پڑھیں:
امریکا کے ایران پر مسلسل 13ویں شب بھی حملے، ٹرمپ نے مزید بڑی کارروائی کا عندیہ دے دیا، تہران کا سخت ردعمل
امریکا نے ایران کے خلاف مسلسل تیرہویں رات بھی فضائی حملے کیے ہیں، جبکہ امریکی صدر ڈونلڈ ٹرمپ نے عندیہ دیا ہے کہ وہ ایران کے خلاف ’بہت بڑے حملے‘ کا فیصلہ کرنے کے قریب ہیں۔ دوسری جانب ایران نے خبردار کیا ہے کہ امریکی جارحیت میں مزید اضافہ ہوا تو اس کی قیمت واشنگٹن کو پہلے سے کہیں زیادہ چکانا پڑے گی۔
امریکی سینٹرل کمانڈ (سینٹکام) کے مطابق تازہ کارروائی 2 گھنٹے سے زائد جاری رہی، جس کے دوران ایران کے فوجی اہداف کو نشانہ بنایا گیا۔ امریکی فوج کا کہنا ہے کہ ان حملوں کا مقصد ایران کی عسکری صلاحیت، بالخصوص ساحلی نگرانی، فضائی دفاع اور فوجی انفراسٹرکچر کو مزید کمزور کرنا ہے۔
یہ بھی پڑھیں:ایران امریکا کشیدگی پھر شدت اختیار کرگئی، کیا مشرق وسطیٰ ایک بڑی جنگ کے دہانے پر ہے؟
ادھر امریکی صدر ڈونلڈ ٹرمپ نے صحافیوں سے گفتگو میں کہا کہ ایران نے ابھی تک ’کافی تکلیف نہیں دیکھی‘ اور وہ ایک بڑے پیمانے کے حملے کے بارے میں فیصلہ کرنے کے قریب ہیں۔ امریکی صدر کے اس بیان نے خطے میں کشیدگی مزید بڑھا دی ہے اور عالمی سطح پر خدشات میں اضافہ ہوا ہے کہ جنگ مزید وسیع ہو سکتی ہے۔
ایران کے وزیر خارجہ عباس عراقچی نے امریکی دھمکیوں پر ردعمل دیتے ہوئے کہا کہ ’بے معنی جارحیت‘ کسی مسئلے کا حل نہیں بلکہ اس سے امریکا کو زیادہ بھاری قیمت ادا کرنا پڑے گی۔ ایرانی قیادت کا کہنا ہے کہ ملک اپنی خودمختاری اور دفاع پر کوئی سمجھوتہ نہیں کرے گا۔
???? 13TH STRAIGHT NIGHT OF POUNDING IRAN.
U.S. forces just completed another round of strikes on Iranian military targets.
Command centers.
Drone storage.
Communication networks.
Coastal surveillance.
Maritime capabilities.
AMERICA KEEPS WINING ✌️???????????????? https://t.co/0y5aM7FeEr pic.twitter.com/0AWYpSnco6
— Xander Xand (@Xander24Xand) July 24, 2026
ایرانی ذرائع ابلاغ کے مطابق گزشتہ چند گھنٹوں کے دوران تہران، خنداب، خرم آباد، کنارک اور جاسک سمیت مختلف شہروں میں دھماکوں، میزائل حملوں اور فضائی دفاعی نظام کی سرگرمیوں کی اطلاعات موصول ہوئی ہیں۔ بعض علاقوں میں فضائی دفاعی نظام نے آنے والے اہداف کو روکنے کی کوشش کی، تاہم نقصانات کی مکمل تفصیلات فوری طور پر سامنے نہیں آسکیں۔
دوسری جانب برطانیہ نے اعلان کیا ہے کہ اگر اس کے مفادات یا سرزمین کو کسی بھی قسم کا خطرہ لاحق ہوا تو اس کی مسلح افواج دفاع کے لیے مکمل طور پر تیار ہیں۔ یہ بیان ایران کی پاسدارانِ انقلاب کی اس وارننگ کے بعد سامنے آیا، جس میں کہا گیا تھا کہ اگر امریکی بمبار طیارے برطانوی اڈوں سے ایران پر حملوں کے لیے استعمال ہوئے تو ان اڈوں کو بھی ممکنہ اہداف سمجھا جا سکتا ہے۔
???????? U.S. STRIKES IRAN FOR 13TH CONSECUTIVE NIGHT
The U.S. military has launched another round of strikes against Iran, marking the 13th consecutive night of attacks.
CENTCOM: “US forces started another night of strikes against Iranian military targets at 6:45 p.m. ET (2245 GMT)… pic.twitter.com/iDXtuU2CJE
— Mossad Commentary (@MOSSADil) July 24, 2026
بین الاقوامی ذرائع ابلاغ کے مطابق جنگ کے پھیلنے سے عالمی توانائی منڈی شدید دباؤ کا شکار ہے۔ بحیرہ احمر اور آبنائے ہرمز میں کشیدگی بڑھنے کے باعث خام تیل کی قیمت 100 ڈالر فی بیرل سے تجاوز کر گئی، جبکہ عالمی منڈیوں میں بھی غیر یقینی صورتحال دیکھی جا رہی ہے۔ تجزیہ کاروں کا کہنا ہے کہ اگر تنازع مزید شدت اختیار کرتا ہے تو عالمی تجارت اور تیل کی سپلائی بری طرح متاثر ہو سکتی ہے۔
اقوام متحدہ کے سیکریٹری جنرل انتونیو گوتریس نے بھی صورتحال پر شدید تشویش کا اظہار کرتے ہوئے خبردار کیا ہے کہ مشرقِ وسطیٰ ایک ایسے موڑ پر پہنچ چکا ہے جہاں مزید عسکری کارروائیاں پورے خطے کو ایک بڑے بحران میں دھکیل سکتی ہیں۔ انہوں نے تمام فریقوں پر زور دیا ہے کہ کشیدگی کم کرنے اور سفارتی حل تلاش کرنے کی کوششیں تیز کی جائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایران خلیج صدر ٹرمپ مشرق وسطیٰ
بھارت سے جنگ اور افغانستان میں کارروائی خارج ازامکان نہیں، وزیردفاع