بھارت نے انگلینڈ کو دوسرے ٹیسٹ میں شکست دے کر سیریز 1-1 سے برابر کردی
اشاعت کی تاریخ: 6th, July 2025 GMT
BIRMINGHAM:
بھارت نے کپتان شبمن گل کی شان دار بیٹنگ اور بولرز نے بہترین کارکردگی کے باعث انگلینڈ کو سیریز کے دوسرے میچ میں باآسانی 336 رنز سے شکست دے کر سیریز 1-1 سے برابر کردی۔
برمنگھم میں کھیلے گئے دوسرے ٹیسٹ میچ میں بھارت نے انگلینڈ کو جیت کے لیے 608 رنز کا بڑا ہدف دیا، جس کے جواب میں انگلینڈ کی پوری ٹیم صرف 271 رنز بنا کر آؤٹ ہوگئی۔
انگلینڈ نے دوسری اننگز میں ایک بڑے ہدف کے تعاقب میں آخری روز بیٹنگ شروع کی تو ان کا اسکور 3 وکٹوں پر 72 رنز تھا، موسم بھی میزبان انگلینڈ کو شکست سے بچانے کے لیے مہربان ہوا لیکن بیٹنگ ناکام ہوئی۔
میچ کے پانچویں اور آخری روز کا کھیل بارش کی وجہ سے دیر سے شروع ہوا لیکن بھارت کے آکاش دیپ کی بولنگ کے سامنے انگلینڈ کے بولر بے بس دکھائی دیے اور ٹیم کو شکست سے بچا نہ سکے۔
انگلینڈ کے اولی پوپ اور ہیری بروکس کی شراکت 80 کے اسکور پر آکاش دیپ نے توڑ دی جب اولی پوپ 24 رنز بنا کر آؤٹ ہوئے، اس کے بروکس کی اننگز بھی 23 رنز سے آگے نہیں بڑھ سکی۔
کپتان بین اسٹوکس اور پہلی اننگز میں سنچری بنانے والے جیمی اسمتھ نے شراکت داری آگے بڑھائی تو اس موقع پر لگ رہا تھا کہ انگلینڈ میچ کو برابر کرنے کی پوزیشن پر آگیا ہے لیکن واشنگٹن سریندر نے ان کی امیدوں پر پانی پھیر دیا۔
واشنگٹن سریندر نے بھارت کو اہم موقع پر انگلش کپتان اسٹوکس کی وکٹ دلائی، اس وقت انگلینڈ کا اسکور 153 رنز تھا۔
دوسرے اینڈ سے اسمتھ نے ذمہ دارانہ بیٹنگ جاری رکھی لیکن کرس ووکس صرف 7 رنز تک ان کا ساتھ دے پائے تاہم بریڈن کارس نے 48 گیندوں پر 38 رنز بنا کر اچھا ساتھ دیا لیکن 226 کے اسکور پر اسمتھ کی اننگز تمام ہوئی۔
اسمتھ نے 9 چوکوں اور 4 چھکوں کی مدد سے 99 گیندوں پر 88 رنز کی اننگز کھیلی، ان کی وکٹ بھی آکاش دیپ کے حصے میں آئی، بریڈن کارس 38 رنز بنا کر آؤٹ ہوگئے۔
انگلینڈ کی پوری ٹیم 608 رنز کے تعاقب میں 271 رنز بنا کر آؤٹ ہوئی اور 336 رنز کے بھاری مارجن سے شکست کھا گئی، بھارت کی یہ کامیابی شبمن گل کی بدستور ٹیسٹ کپتان پہلی فتح ہے۔
بھارت نے دوسرے ٹیسٹ کی پہلی اننگز میں 587 رنز بنائے تھے جس میں کپتان شبمن گل 269 رنز شامل تھے، دوسری اننگز 6 وکٹوں پر 427 رنز پر ڈیکلیئر کردی تھی اور شبمن گل نے دوسری اننگز میں بھی 161 رنز کی اننگز کھیلی تھی۔
دوسری انگلینڈ کی ٹیم پہلی اننگز میں 407 رنز بنا کر آؤٹ ہوئی اور 180 رنز کے خسارے کا سامنا کرنا پڑا اور دوسری اننگز میں پوری ٹیم 271 رنز پر آؤٹ ہوگئی۔
شبمن گل کو ریکارڈ بیٹنگ پر میچ کا بہترین کھلاڑی قرار دیا گیا۔
خیال رہے کہ انگلینڈ نے 5 میچوں کی سیریز کے پہلے میچ میں بھارت کو 5 وکٹوں سے شکست دے دی تھی۔
انگلینڈ اور بھارت کے درمیان سیریز کا تیسرا میچ 10 جولائی کو لارڈز میں شروع ہوگا۔
.
ذریعہ
ذریعہ: Express News
کلیدی لفظ: انگلینڈ کو کی اننگز بھارت نے شبمن گل
پڑھیں:
فیفا ورلڈکپ 2026 ، کونسی ٹیم فیورٹ؟، اوپٹا سپر کمپیوٹر نے حیران کن پیشگوئی کردی
دنیائے کھیل کا سب سے بڑا اور مقبول ترین میلہ ’فیفا فٹبال ورلڈکپ 2026‘ اپنی تمام تر رعنائیوں کے ساتھ 12 جون سے شروع ہونے جا رہا ہے۔
فٹبال کی تاریخ کا یہ اب تک کا سب سے انوکھا اور تاریخی ٹورنامنٹ ہوگا جس کی مشترکہ میزبانی امریکا، میکسیکو اور کینیڈا کر رہے ہیں۔
اس بار ورلڈکپ محض ایک کھیل نہیں بلکہ اعصاب کی جنگ ثابت ہونے والا ہے، کیونکہ تاریخ میں پہلی بار 32 کے بجائے 48 ٹیمیں عالمی اعزاز کے لیے ایک دوسرے سے ٹکرائیں گی۔
یہ بھی پڑھیں:104 میچز، 48 ٹیمیں اور اربوں شائقین، فیفا ورلڈ کپ 2026 میں کیا کچھ نیا ہونے جارہا ہے؟
جہاں شائقین کا جوش و خروش عروج پر ہے، وہی کھیلوں کے معروف ڈیٹا ماڈل ’اوپٹا سپر کمپیوٹر‘ نے آرٹیفیشل انٹیلی جنس کی مدد سے 10 ہزار سیمولیشنز تیار کر کے فاتح ٹیم کے حوالے سے ایک سنسنی خیز پیشگوئی کر دی ہے۔
ٹورنامنٹ کا نیا فارمیٹ اور راؤنڈ آف 32 کا تاریخی آغازماضی کے برعکس اس بار ٹورنامنٹ کے ڈھانچے میں بڑی تبدیلیاں کی گئی ہیں۔ ٹورنامنٹ میں شریک 48 ٹیموں کو 12 گروپس میں تقسیم کیا گیا ہے اور ہر گروپ 4 ٹیموں پر مشتمل ہے۔
اس نئے فارمیٹ کے تحت ایونٹ کے دوران مجموعی طور پر ریکارڈ 104 میچز کھیلے جائیں گے۔ ہر گروپ سے پہلے اور دوسرے نمبر پر آنے والی ٹیمیں ناک آؤٹ مرحلے میں کوالیفائی کریں گی، جس سے ایونٹ کی تاریخ میں پہلی بار ’راؤنڈ آف 32′ کا سنسنی خیز آغاز ہوگا۔
زیادہ ٹیموں کی شمولیت کے باعث جہاں مقابلوں کا جوش بڑھے گا، وہیں کسی بھی ٹیم کے لیے فائنل تک کا سفر طویل اور تھکا دینے والا ہوگا۔
اوپٹا سپر کمپیوٹر کیا ہے اور یہ کیسے کام کرتا ہے؟شائقین فٹبال کے لیے یہ جاننا ضروری ہے کہ ’اوپٹا سپر کمپیوٹر‘ کوئی روایتی فزیکل کمپیوٹر نہیں ہے۔ یہ دراصل آرٹیفیشل انٹیلی جنس (اے آئی) ٹیکنالوجی پر مبنی ایک انتہائی ایڈوانس ماڈل ہے جو فٹبالرز اور ٹیموں کے موجودہ فارم، ماضی کے ریکارڈز اور ہزاروں دیگر ڈیٹا پوائنٹس کا تجزیہ کرتا ہے۔
یہ ماڈل ڈیٹا کی بنیاد پر پورے ٹورنامنٹ کو 10 ہزار سے زیادہ بار ڈیجیٹل طور پر سیمولیٹ کرتا ہے اور پھر پیشگوئی کرتا ہے کہ کس ٹیم کے ٹورنامنٹ جیتنے، فائنل میں پہنچنے یا کسی خاص میچ میں کامیابی حاصل کرنے کے کتنے فیصد امکانات موجود ہیں۔
’اسپین‘ فیورٹ، مگر ایک بڑا دھچکا بھیاوپٹا سپر کمپیوٹر کی 10 ہزار ڈیجیٹل سیمولیشنز کے بعد جو نتائج سامنے آئے ہیں، انہوں نے فٹبال کی دنیا کو حیران کر دیا ہے۔ ماڈل نے تمام تر غیریقینی صورتحال کے باوجود ’اسپین‘ کو ٹرافی جیتنے کے لیے واضح طور پر فیورٹ قرار دیا ہے۔
مزید پڑھیں: اسلام آباد میں فیفا ورلڈ کپ 2026 کی تقریبات کا آغاز، سیالکوٹ کی فٹبال نے میلہ لوٹ لیا
سپر کمپیوٹر کے مطابق اسپین کے ورلڈکپ جیتنے کا امکان 16.1 فیصد ہے۔ تاہم دلچسپ اور پریشان کن بات یہ ہے کہ جہاں اسپین کو فاتح قرار دیا گیا ہے، وہیں ڈیٹا یہ بھی بتاتا ہے کہ اسپین وہ واحد بڑی ٹیم ہے جس کے کوارٹر فائنل تک نہ پہنچنے کا امکان 52.1 فیصد ہے۔ یعنی اگر اسپین ابتدائی ناک آؤٹ مرحلے عبور کرنے میں کامیاب رہا، تو اس کے سیمی فائنل میں پہنچنے کا امکان 39 فیصد جبکہ فائنل میں پہنچنے کا امکان 25.6 فیصد ہوگا۔
دیگر بڑی ٹیموں کے جیتنے کے امکاناتسپر کمپیوٹر کے مطابق ٹرافی کی دوڑ میں اسپین تنہا نہیں ہے بلکہ دیگر روایتی حریف بھی اس کے تعاقب میں ہیں۔ سپر کمپیوٹر نے 4 بڑی ٹیموں کے جیتنے کے امکانات کو 10 فیصد سے زیادہ قرار دیا ہے۔ اس فہرست میں فرانس دوسرے نمبر پر ہے جس کے ورلڈکپ جیتنے کا امکان 13 فیصد ظاہر کیا گیا ہے۔ اسی طرح انگلینڈ 11.2 فیصد امکان کے ساتھ تیسرے اور لیونل میسی کی ارجنٹینا (دفاعی چیمپیئن) 10.4 فیصد امکان کے ساتھ چوتھے نمبر پر ممکنہ فاتح قرار دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین امریکا اوپٹا سپر کمپیوٹر برطانیہ ٹیم فیورٹ حیران کن پیش گوئی فیفا ورلڈ کپ لندن ورلڈ کپ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ