امریکی سینیٹر نے اسرائیلی کو دی جانے والی امداد بند کرنیکا مطالبہ کر دیا
اشاعت کی تاریخ: 10th, July 2025 GMT
امریکی کانگریس کی رکن مارجرے ٹیلر گرین نے اسرائیل کو امریکی مالی امداد بند کرنے کا مطالبہ کیا ہے۔
گرین نے کہا کہ وہ دفاعی بجٹ میں ایسی ترامیم پیش کریں گی جن سے اسرائیل کو ملنے والے 500 ملین ڈالر کی اضافی امداد ختم کی جا سکے۔
یہ بھی پڑھیں:نیتن یاہو وائٹ ہاؤس سے خاموشی سے روانہ، غزہ مذاکرات میں کوئی پیشرفت نہ ہوسکی
ان کا کہنا تھا کہ اسرائیل پہلے ہی امریکا سے ہر سال 3.
دوسری جانب اسرائیلی وزیرِ اعظم بنیامین نیتن یاہو نے بدھ کے روز واشنگٹن میں امریکی سینیٹ کے ارکان اور محکمہ دفاع کے حکام سے ملاقات کی تاکہ مشرق وسطیٰ، خاص طور پر ایران اور غزہ کے بارے میں بات چیت کی جا سکے۔
اس ملاقات میں ریپبلکن اور ڈیموکریٹ دونوں پارٹیوں سے تعلق رکھنے والے سینیٹرز شامل تھے، جن میں سینیٹ کے اکثریتی رہنما جان تھون اور اقلیتی رہنما چَک شومر بھی شامل تھے۔
یہ ملاقات نیتن یاہو اور سابق صدر ڈونلڈ ٹرمپ کے درمیان پیر اور منگل کی شام کو ہونے والی بات چیت کے بعد ہوئی، جس میں خاص طور پر غزہ کی صورتحال، جنگ بندی کی کوششوں، اور حماس کے 7 اکتوبر 2023 کے حملے کے بعد کے حالات پر تبادلہ خیال کیا گیا۔
یہ بھی پڑھیں:حماس نے 10 اسرائیلی یرغمالیوں کی رہائی پر آمادگی ظاہر کر دی
بدھ کو نیتن یاہو نے امریکی وزیرِ دفاع پیٹ ہیگستھ کے ساتھ پینٹاگون (امریکی دفاعی ہیڈکوارٹر) کا دورہ بھی کیا۔
نیتن یاہو نے کہا کہ اسرائیل اور امریکا کی شراکت داری کی طاقت کو ’پوری دنیا نے محسوس کیا، جیسے دو شیروں کی دھاڑ ہو‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل امریکا امریکی سینیٹر ایران پینٹاگون حماس مارجرے ٹیلر گرینذریعہ: WE News
کلیدی لفظ: اسرائیل امریکا امریکی سینیٹر ایران پینٹاگون مارجرے ٹیلر گرین نیتن یاہو
پڑھیں:
جس کے پاس موبائل فون ہے، وہ اسرائیل کا ایک ’ٹکڑا‘ اٹھائے ہوئے ہے، نیتن یاہو
تل ابیب(نیوز ڈیسک) اسرائیلی وزیرِ اعظم بینجمن نیتن یاہو نے دعویٰ کیا ہے کہ جس کسی کے ہاتھ میں بھی موبائل فون ہے، وہ اسرائیل کا ایک ’ٹکڑا‘ رکھتا ہے۔
ٹی آر ٹی ورلڈ کے مطابق مغربی مقبوضہ بیت المقدس میں امریکی کانگریس کے وفد سے ملاقات کے دوران خطاب کرتے ہوئے نیتن یاہو نے کہا کہ جو بھی موبائل فون کا مالک ہے وہ بنیادی طور پر اپنے ہاتھ میں اسرائیل کا ایک ٹکڑا اٹھائے ہوئے ہے۔
نیتن یاہو نے مزید کہا کہ اسرائیل کی ادویات، غذائیں بنانے کی صلاحیت کی پوری دنیا معترف ہے، بہت سی قیمتی دوائیں اور غذائیں اسرائیل تیار کرتا ہے۔
انہوں نے کہا کہ ہمیں بعض ملکوں نے ہتھیاروں کی فراہمی روک دی ہے، تو کیا اس سے یہ سب بند ہوجائے گا؟، اسرائیل انٹیلی جنس کی صلاحیت کی طرح ہتھیار بنانے میں بھی مہارت رکھتا ہے۔
اسرائیلی وزیر اعظم کا کہنا تھا کہ بعض لوگ کہتے ہیں کہ اسرائیل تنہا ہوگیا، لیکن ایسا کچھ نہیں ہے، اسرائیل اس ’محاصرے‘ کو توڑنے کی طاقت رکھتا ہے، ہم ہتھیار خود بنانے میں بھی ماہر ہیں۔
نیتن یاہو نے کہا کہ مغرب میں جو لوگ یہ سمجھتے ہیں کہ ہم اس محاصرے سے نہیں نکل سکتے تو جان لیں کہ ہم اس سے نکل کر دکھائیں گے۔
حالیہ برسوں میں اسرائیلی جاسوس سافٹ ویئر کمپنی پیگاسس پر غیر ملکی رہنماؤں کی جاسوسی کے الزامات بار بار لگتے رہے ہیں۔
تل ابیب نے لبنان میں پیجر فونز پر حملوں کی ایک لہر بھی شروع کی، جو اس بات کو اجاگر کرتا ہے کہ اسرائیلی فوج مواصلاتی صنعت میں بھی ملوث رہی ہے۔
Post Views: 4
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ