اس سال بذریعہ سڑک ایران، عراق کا سفر ممنوع قرار
اشاعت کی تاریخ: 27th, July 2025 GMT
وفاقی وزیر داخلہ محسن نقوی—فائل فوٹو
وفاقی وزیرِ داخلہ محسن نقوی نے کہا ہے کہ رواں سال اربعین کے لیے بذریعہ سڑک ایران اور عراق جانے کی اجازت نہیں ہو گی، زائرین صرف فضائی راستے کے ذریعے جا سکیں گے۔
محسن نقوی کا کہنا ہے کہ دفترِ خارجہ، بلوچستان حکومت اور سیکیورٹی ایجنسیوں سے طویل مشاورت کے بعد عوام کے تحفظ اور نیشنل سیکیورٹی کے پیشِ نظر یہ مشکل فیصلہ کرنا پڑا۔
پاکستان نے ایران، عراق، لبنان اور شام کے لیے سفری انتباہ جاری کردیا،
وزیرِ داخلہ محسن نقوی کی وزیر اعظم شہباز شریف سے ملاقات ہوئی، جس میں انہوں نے وزیرِ اعظم کو زائرین کی نئی پالیسی سے متعلق بریفنگ دی۔
وزیرِ اعظم نے زائرین کے لیے خصوصی پروازوں کا انتظام کرنے کی ہدایت کر دی، ملاقات میں بلوچستان میں امن و امان کی صورتِ حال پر بھی بریفنگ دی گئی۔
وزیرِاعظم نے وزیرِ داخلہ کو گوادر سیف سٹی پر کام شروع کرنے کی بھی ہدایت کی۔
خیال رہے کہ گزشتہ دنوں زائرین کی سہولت کے لیے پاکستان، ایران اور عراق نے مشترکہ ورکنگ گروپ بنانے کا فیصلہ کیا تھا۔
تہران میں سہ ملکی وزرائے داخلہ کی کانفرنس میں ایران اور عراق جانے والے زائرین کو ہر ممکن سہولت فراہم کرنے پر اتفاق کیا گیا۔
وزیرِ داخلہ محسن نقوی کا کہنا تھا کہ آئندہ سال جنوری سے پاکستانی زائرین انفرادی طور پر عراق نہیں جا سکیں گے، زائرین گروپ آرگنائزرز کی رجسٹریشن شروع کر دی گئی ہے، گروپ آرگنائزر سسٹم سے غیر قانونی طور پر عراق اور ایران جانے والوں کو روکنے میں مدد ملے گی۔
محسن نقوی نے کہا کہ آرگنائزرز زائرین کی وطن واپسی کے ذمہ دار ہوں گے، ایران اور عراق بھی نئے نظام کے ساتھ ہیں۔
محسن نقوی کا کہنا تھا کہ آرگنائزرز زائرین کی وطن واپسی کے ذمے دار ہوں گے، ایران اور عراق بھی نئے نظام کے ساتھ ہیں، سب جانتے ہیں کہ اربعین پر لاکھوں زائرین عراق جاتے ہیں، عراقی حکومت جس طرح لاکھوں زائرین کی دیکھ بھال کرتی ہے وہ قابلِ تحسین ہے، زائرین سے متعلق عراق، ایران کو پاکستان کی جانب سے ہر ممکن تعاون کی یقین دہانی کرواتے ہیں، یکم جنوری 2026ء کے بعد پاکستانی زائرین انفرادی طور پر عراق نہیں جا سکیں گے، صرف وہی لوگ انفرادی طور پر عراق جا سکیں گے جنہیں سفارتخانہ خصوصی ویزا جاری کرے گا۔
.ذریعہ: Jang News
کلیدی لفظ: ایران اور عراق جا سکیں گے محسن نقوی زائرین کی کے لیے
پڑھیں:
فتنہ الہندوستان کے دہشتگردوں کا انجام عبرتناک موت ہے: محسن نقوی
فوٹو بشکریہ سوشل میڈیاوفاقی وزیرِ داخلہ محسن نقوی نے کہا ہے کہ بھارتی اسپانسرڈ دہشتگردوں اور آلہ کاروں کو کہیں بھی چھپنے کی جگہ نہیں ملے گی، فتنہ الہندوستان کے دہشتگردوں کا انجام عبرتناک موت ہے۔
وفاقی وزیرِ داخلہ محسن نقوی کوئٹہ میں وزیر اعلیٰ سیکریٹریٹ پہنچے، وزیرِ اعلیٰ سرفراز بگٹی نے وفاقی وزیرِ داخلہ محسن نقوی کا استقبال کیا، دونوں رہنماؤں کے درمیان ملاقات ہوئی۔
وفاقی وزیرِ داخلہ محسن نقوی کی زیرِ صدارت امن و امان سے متعلق اجلاس منعقد کیا گیا۔
اجلاس میں آئی جی پولیس، آئی جی ایف سی نارتھ، ڈی آئی جی سی ٹی ڈی، ڈی آئی جی اسپیشل برانچ، محکمۂ داخلہ اور قانون نافذ کرنے والے اداروں کے اعلیٰ حکام نے شرکت کی۔
وزیرِ اعلیٰ سرفراز بگٹی نے بلوچستان میں امن و امان کی مجموعی صورتحال اور سیکیورٹی اقدامات پر بریفنگ دی۔ اجلاس میں فتنہ الہندوستان کے خلاف مختلف علاقوں میں سیکیورٹی فورسز کی کارروائیوں کا تفصیلی جائزہ لیا گیا۔
اجلاس کے دوران صوبائی ایکشن پلان پر عمل درآمد اور اس میں درپیش رکاوٹوں کا جائزہ بھی لیا گیا۔
وزیرِداخلہ اور وزیرِ اعلیٰ کے درمیان ملاقاتعلاوہ ازیں وفاقی وزیر داخلہ اور وزیراعلیٰ بلوچستان کے درمیان ملاقات بھی ہوئی، اس دوران بلوچستان میں فتنہ الہندوستان کے دہشتگردوں کی سرکوبی کے لیے کیے گئے اقدامات سمیت صوبے میں امن و امان کی مجموعی صورتحال پر تبادلہ خیال کیا گیا۔
اس دوران وفاق اور بلوچستان کے درمیان بحالی امن و مختلف امور پر روابط مزید مضبوط بنانے اور پاکستان دشمن عناصر کے لیے زمین تنگ کرنے پر اتفاق کیا گیا۔
دونوں رہنماؤں نے شہداء کی قربانیوں کو خراج عقیدت پیش کیا اور شہداء کے لیے دعا کی۔
اس موقع پر محسن نقوی نے کہا کہ بھارتی اسپانسرڈ دہشتگردوں اور ان کے سہولت کاروں کو انجام تک پہنچائیں گے، ریاستی رٹ چیلنج کرنے والوں کے ساتھ آہنی ہاتھوں سے نمٹا جائے گا، دہشتگردی کے خلاف جنگ میں بلوچستان حکومت کی مکمل سپورٹ جاری رکھیں گے۔
دوسری جانب وزیرِ اعلیٰ بلوچستان نے اظہارِ خیال کرتے ہوئے کہا کہ صوبے میں امن کے قیام کے لیے ہر ممکن اقدامات کیے گئے ہیں، بلوچستان میں امن کے قیام کے لیے ریاستی ادارے مکمل ہم آہنگی سے سرگرم ہیں، یہ جنگ سیکیورٹی فورسز کی نہیں، پوری قوم کی جنگ ہے، تخریب کاری اور دہشتگردی میں ملوث عناصر کے خلاف کارروائیاں تیز کر دی گئی ہیں۔
وزیر اعلیٰ میر سرفراز بگٹی کا کہنا تھا کہ سیکیورٹی فورسز اور عوام کی قربانیاں رائیگاں نہیں جائیں گی، ہر قیمت پر امن قائم کریں گے۔
اسرائیل کا رفح کے قریب فوجی چھاؤنی قائم کرنے کا فیصلہ، فلسطینیوں پر اپنا تسلط قائم رکھنے کا بہانہ