بلوچستان کی تجارتی اور سماجی بہتری کے لیے فوری اقدامات کی ضرورت ہے، سینیٹ قائمہ کمیٹیوں کا مطالبہ
اشاعت کی تاریخ: 31st, July 2025 GMT
سینیٹ کی قائمہ کمیٹی برائے کامرس کی چیئرپرسن انوشہ رحمان اور سینیٹ کی قائمہ کمیٹی برائے خزانہ کے چیئرمین سینیٹر سلیم مانڈوی والا نے دیگر سینیٹرز کے ہمراہ کوئٹہ میں مشترکہ پریس کانفرنس کرتے ہوئے کہا کہ بلوچستان کی تجارتی اور سماجی صورتحال کو بہتر بنانے کے لیے فوری اور سیاسی اقدامات کی ضرورت ہے۔
سلیم مانڈوی والا نے کہا کہ گزشتہ 6 ماہ سے ایران اور پاکستان کے درمیان تجارت میں مختلف مسائل درپیش ہیں، جن کے حل کے لیے سینیٹ کی ٹیم کوئٹہ آئی ہے۔ انہوں نے کہا کہ بلوچستان کے مسائل صرف مقامی نہیں بلکہ قومی اہمیت رکھتے ہیں اور انہیں سیاسی طور پر ایڈریس کرنا وقت کی ضرورت ہے۔
ان کا کہنا تھا کہ اگر یہاں مسائل حل نہ ہوئے تو آپ کو اسلام آباد بلوایا جائے گا۔ صوبے کی فضا کو بہتر بنانا ہوگا، احساس محرومی دور کرنا وفاق کی ذمہ داری ہے۔ بلوچستان کی اہمیت کسی بھی دوسرے صوبے سے کم نہیں۔
مزید پڑھیں: وزیر اعلیٰ بلوچستان کا ریٹائرڈ افسر کی دوبارہ تقرری پر سخت نوٹس، انکوائری کا حکم
سینیٹر مانڈوی والا نے اعتراف کیا کہ ایران گیس پائپ لائن پر جیسے ہی پیشرفت ہونے لگتی ہے، امریکا کی جانب سے پابندیاں سامنے آ جاتی ہیں، اور اس پراجیکٹ سے پاکستانی عوام کو کوئی خاطر خواہ فائدہ نہیں ہو رہا۔ ان کا کہنا تھا کہ ایران سے پیٹرول پر بلوچستان میں کوئی بندش نہیں، پابندیاں دیگر علاقوں میں ترسیل سے متعلق ہیں۔
انوشہ رحمان نے گفتگو کرتے ہوئے کہا کہ سینیٹ کی پوری ٹیم بلوچستان کے مسائل جاننے اور انہیں حل کرنے کی نیت سے یہاں آئی ہے۔ ان کا کہنا تھا کہ پاکستان کی بسٹر ٹریڈ پالیسی کا مرکز افغانستان، ایران اور روس ہیں، لیکن ایران کی داخلی صورتحال مختلف ہونے کے سبب اسے الگ طریقے سے دیکھا جانا چاہیے۔
انہوں نے تجویز دی کہ پرائیویٹ سیکٹر کے لیے تجارتی کنسورشیم قائم کیا جائے اور پاکستان و ایران کے درمیان آنے جانے والے مال میں توازن پیدا کیا جائے۔ انوشہ رحمان نے کہا کہ بلوچستان کے لیے ہر ممکن اقدام کے لیے تیار ہیں اور تاجروں کو سہولیات فراہم کرنا ضروری ہے۔
مزید پڑھیں: دہشتگردی کے مکمل خاتمے اور بلوچستان کی سماجی و اقتصادی ترقی کے لیے پرعزم ہیں، فیلڈ مارشل عاصم منیر
ان کا کہنا تھا کہ اگلی بار جب ہم کوئٹہ آئیں گے تو بلوچستان کے کئی تجارتی مسائل حل ہو چکے ہوں گے۔ سینیٹروں کا کہنا تھا کہ تجارت کے فروغ سے روزگار بڑھے گا اور بارڈر ایشوز محض ایران تک محدود نہیں بلکہ تمام سرحدی ممالک سے متعلق ہیں۔
انہوں نے اس بات پر زور دیا کہ امریکا اور یورپی یونین پاکستان کے دیرینہ تجارتی شراکت دار ہیں، اور کسی ایک ملک سے معاہدہ دوسرے پر اثرانداز نہیں ہوگا۔
پریس کانفرنس میں بلوچستان کے سینیٹرز بھی شریک تھے، اور اس بات پر اتفاق کیا گیا کہ بلوچستان کو قومی دھارے میں لانے اور اس کی تجارت کو ترقی دینے کے لیے مشترکہ اور مستقل کوششوں کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوشہ رحمان بلوچستان سینیٹ سینیٹ کی قائمہ کمیٹی برائے خزانہ سینیٹ کی قائمہ کمیٹی برائے کامرس سینیٹر سلیم مانڈوی والا.
ذریعہ
ذریعہ: WE News
کلیدی لفظ: بلوچستان سینیٹ سینیٹ کی قائمہ کمیٹی برائے خزانہ سینیٹ کی قائمہ کمیٹی برائے کامرس سینیٹر سلیم مانڈوی والا سینیٹ کی قائمہ کمیٹی برائے ان کا کہنا تھا کہ بلوچستان کے بلوچستان کی کہ بلوچستان مانڈوی والا کی ضرورت ہے کے لیے کہا کہ
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ