کییف پر روسی حملوں میں ہلاکتوں کی تعداد اب 31
اشاعت کی تاریخ: 1st, August 2025 GMT
اسلام آباد (اُردو پوائنٹ ۔ DW اردو۔ 01 اگست 2025ء) کییف پر روسی حملوں میں ہلاکتوں کی تعداد اب 31
کییف پر روسی حملوں میں ہلاکتوں کی تعداد اب 31، ڈرون حملے اب بھی جارییوکرینی حکام کے مطابق دارالحکومت کییف پر جمعرات کو کیے گئے روسی حملوں میں ہلاکتوں کی تعداد بڑھ کر آج بروز جمعہ 31 تک جا پہنچی ہے۔ بتایا گیا ہے کہ ہلاکتوں کی تعداد میں یہ اضافہ ملبے تلے سے مزید لاشیں برآمد ہونے کے بعد ہوا۔
جمعرات کی شب کیے گئے روسی فضائی حملوں میں ابتدائی طور پر 16 افراد کی ہلاکت کی اطلاع دی گئی تھی، جن میں چھ اور دو سال کے دو بچے اور ایک 17 سالہ لڑکا بھی شامل تھا۔ سول ڈیفنس فورس کے مطابق ان حملوں میں تقریباً 160 افراد زخمی بھی ہوئے۔
اگلی ہی رات روس نے ایک بار پھر ڈرون حملے جاری رکھے، جن می زاپوریژیا کے علاقے میں 63 سالہ شخص ہلاک ہو گیا۔
(جاری ہے)
اسی حملے میں مزید چار افراد زخمی ہوئے۔ڈنیپروپیٹروفسک میں بھی چار افراد ڈرون حملوں میں زخمی ہوئے، جن میں ایک سالہ بچہ اور 14 سالہ لڑکی شامل ہیں۔ یوکرینی ایئر فورس کے مطابق روس نے تازہ ترین حملوں میں 72 ڈرونز استعمال کیے، جن میں سے 44 کو مار گرایا گیا، جبکہ 28 مختلف مقامات پر آ کر گرے۔
متاثرہ علاقوں میں خارکیف، ڈونیسک، ڈنیپروپیٹروفسک اور کییف شامل ہیں۔
یوکرینی صدر وولودیمیر زیلنسکی نے جمعے کو بتایا کہ روس نے صرف جولائی کے مہینے میں یوکرین پر حملوں میں 3,800 سے زائد ڈرون اور تقریباً 260 میزائل استعمال کیے۔
زیلنسکی نے سوشل میڈیا پلیٹ فارم ایکس پر لکھا، ’’ہم اس بات کو قدر کی نگاہ سے دیکھتے ہیں کہ صدر ٹرمپ، یورپی رہنما اور دیگر شراکت دار صورتحال کا ادراک رکھتے ہیں اور روس کی مذمت کرتے ہیں۔‘‘
انہوں نے مزید کہا کہ روسی حملوں کو صرف امریکہ، یورپ اور دیگر عالمی طاقتوں کی مشترکہ کاوشوں سے ہی روکا جا سکتا ہے۔
ذریعہ: UrduPoint
کلیدی لفظ: تلاش کیجئے کییف پر
پڑھیں:
ٹاس کے موقع پر بھارتی کپتان تبدیلیوں کی تعداد بھول گئے
کراچی:انگلینڈ سے پانچویں اور آخری ٹیسٹ میں ٹاس کے موقع پر بھارتی کپتان شبمن گل پلئینگ الیون میں تبدیلیوں کی تعداد ہی بھول گئے۔
شبمن گل پانچویں ٹیسٹ میں ایک بار پھر ٹاس ہار گئے جس کے بعد فرسٹریشن یا کسی اور سبب وہ تبدیلیاں یاد نہیں رکھ سکے۔
جب ٹاس کے موقع پر پریزینٹر اور سابق کرکٹر روی شاستری نے گل سے سوال کیا تو انہوں نے کہا ہم نے 3 تبدیلیاں کی ہیں، دھرو جوریل، کرن نائر اور پراسدھ کرشنا کو ریشابھ پنت، شردل ٹھاکر اور جسپریت بمرا کی جگہ الیون میں شامل کیا ہے۔
ٹیم شیٹ سے معلوم ہوا کہ بھارت نے اصل میں الیون میں 4 تبدیلیاں کی ہیں، شبمن گل، آکاش دیپ کا ذکر کرنا بھول گئے جنہیں گروئن انجری کی وجہ سے چوتھے میچ میں آرام دیا گیا تھا، ان کی واپسی ہوئی اور انشول کمبوج کو جگہ خالی کرنا پڑی۔
پی ٹی آئی رہنما شبلی فراز کے ناقابل ضمانت وارنٹ گرفتاری جاری