عمران خان کی کئی ماہ بعد بیٹوں سے فون پر بات کروا دی گئی
اشاعت کی تاریخ: 2nd, August 2025 GMT
راولپنڈی ( اُردو پوائنٹ اخبارتازہ ترین۔ 02 اگست 2025ء ) پاکستان تحریک انصاف کے پیٹرن انچیف عمران خان کی کئی ماہ بعد ان کے بیٹوں سے فون پر بات کروا دی گئی۔ راولپنڈی کی اڈیالہ جیل میں سابق وزیراعظم عمران خان اور ان کی اہلیہ بشریٰ بی بی کیخلاف توشہ خانہ ٹو کیس کی سماعت ہوئی، اس موقع پر عمران خان نے بتایا کہ بیٹوں سے فون پر بات کروا دی گئی، کئی ماہ بعد ایک گھنٹے سے زائد بچوں سے بات ہوئی ہے، اس کے علاوہ اخبارات بھی ملے ہیں اور ٹی وی بھی آن ہے۔
میڈیا سے گفتگو کرتے ہوئے بانی چیئرمین پی ٹی آئی کی ہمشیرہ علیمہ خان نے کہا کہ عمران خان کے بیٹے ہمارے ساتھ رابطے میں ہیں، ان میں سے ایک کا نائیکوپ گم ہو گیا ہے اور دوسرے کو مل نہیں رہا تو انہوں نے دو درخواستیں دیں ہیں، جن میں سے ایک اپنا نائیکوپ کارڈ ایشو کروانے کے لیے ہے اور دوسری درخواست میں ویزے کے لیے بھی اپلائی کیا ہے، یہ ویزہ دے نہیں رہے اور درخواست موصول نہ ہونے کا جھوٹ بول رہےہیں، سوموار کو جمائمہ خان کی نمائدہ سفارت خانہ جائے گی تاکہ قاسم اور سلیمان کے ویزے کے بارے میں خود جاکر پوچھ کر آئیں۔(جاری ہے)
ان کا کہنا ہے کہ عمران خان نے بیٹوں کو آنے سے منع نہیں کیا، عمران خان کے بیٹوں قاسم اور سلیمان نے کل کے انٹرویو میں بڑا واضح کہا ہے کہ اگر یہ لوگ گرفتار بھی کریں تو وہ پھر بھی آئیں گے، میرے خیال میں پی ٹی آئی کے پاس کوئی لائحہ عمل ہوگا وہ جان بوجھ کر متضاد بیان دے کر میڈیا کے لوگوں کو دھوکہ دے رہے ہوں گے تاکہ آپ لوگوں کو احتجاج کے بارے میں کوئی اصلی چیز نہ پتا چلے، میں سنا تھا کہ 5 اگست کو سڑکیں وغیرہ بلاک ہوں گی، پارٹی نے کوئی پلان بنایا ہو گا وہ ہی بہتر بتا سکتے ہیں، ہم نے ہمیشہ عمران خان کے ساتھ تحریک میں شرکت کی ہے۔ علیمہ خان نے کہا کہ پراسیکیوشن کے ایک درجن سے زائد وکلا کھڑے ہوتے ہیں جبکہ ہمارے آج بھی دو کیسوں میں ایک وکیل کو اندر جانے دیا ہے وکیل ہمیشہ پوری ٹیم کے ساتھ کام کرتا ہے انہوں نے عمران خان کو ائیسولیٹ کر دیا ہے، اطلاعات ہیں کہ یہ آج مجھے گرفتار کر لیں گے کیونکہ میرے وارنٹ نکلے ہوئے ہیں میں آج اڈیالہ کے باہر ہی ہوں اگر انہوں نے گرفتار نا کیا تو منگل کو میں اور فیملی یہیں اڈیالہ کے باہر ہوں گے، ہمارا اللہ پر ایمان ہے ہم ان کی گرفتاریوں اور پرچوں سے نہیں ڈرتے۔.ذریعہ: UrduPoint
کلیدی لفظ: تلاش کیجئے
پڑھیں:
عمران خان کی رہائی کیلئے جنگ جاری رکھیں گے، علیمہ خان
ابھی تک تو کورٹس کے اندر کھڑے ہیں، کل ہم آکر کہیں پر بھی بیٹھ جائیں گے،ہمشیرہ بانی
یہ نہیں ہو سکتا آپ سوچیں ہم ڈر جائیں گے ، جیلوں میں ڈالنا ہے ڈال دو،میڈیا سے گفتگو
بانی پی ٹی آئی کی بہن علیمہ خان نے کہا ہے کہ ہم بانی پی ٹی آئی کی رہائی کیلئے جنگ جاری رکھیں گے۔علیمہ خان نے اسلام آباد ہائی کورٹ کے باہر میڈیا سے گفتگو کرتے ہوئے کہا کہ ابھی تک تو کورٹس کے اندر کھڑے ہیں، کل ہم آکر کہیں پر بھی بیٹھ جائیں گے، ہم اپنی جانیں دے دیں گے لیکن عمران خان کے لیے لڑیں گے، یہ نہیں ہو سکتا کہ آپ سوچیں کہ ہم ڈر جائیں گے، جیلوں میں ڈالنا ہے ڈال دو۔علیمہ خان نے کہا کہ اگر آپ کو فکر ہے کہ ہم کہیں باہر رہ کر کیسز لڑیں گے یا بانی کا پیغام دیں گے، اگر آپ ڈرتے ہیں اور ہمیں جیلوں میں ڈالیں گے تو ہم تیار ہیں۔علیمہ خان نے کہا کہ صبح کہا گیا کہ آپ عدالت جائیں گی تو آپ کو گرفتار کر لیا جائے گا، پہلے یہ بتائیں کہ یہی کیس ہے نا کہ پی ٹی آئی کا پیغام دیا ہے، آپ عمران خان سے اتنے خوفزدہ ہیں کہ ہر حرکت سے اپنا خوف ظاہر کر رہے ہیں۔علیمہ خان نے کہا کہ صرف پاکستان کے آگے نہیں باقی دنیا میں بھی آپ اپنا مذاق اڑا رہے ہیں، لوگوں کوبھی نظر آرہا ہے، آپ گرفتار کریں اور پھر بتائیں کہ کس چیز کے لیے عمران خان کے ایک اور فیملی ممبر کوگرفتار کیا، یہ خود پھنسے ہوئے ہیں ہمیں جیل میں ڈالیں، میری بہنیں بھی تیار ہیں وہ پیغام آپ کو دے دیں گی، اگر وہ نہیں ہوں گی تو ہمارے بچے کھڑے ہو جائیں گے، سب کو جیل میں ڈال دیں، انہوں نے کہا کہ ہم بانی پی ٹی آئی کی رہائی کے لیے یہ جنگ جاری رکھیں گے۔
کراچی، نادرن بائی پاس پر پلاسٹک کے گودام میں آگ لگ گئی