پنجاب کے عوام کو اپنی چھت، اپنا گھر مبارک ہو: مریم نواز
اشاعت کی تاریخ: 6th, August 2025 GMT
پنجاب کی وزیرِ اعلیٰ مریم نواز—فائل فوٹو
پنجاب کی وزیرِ اعلیٰ مریم نواز کا کہنا ہے کہ پنجاب کے عوام کو اپنی چھت، اپنا گھر مبارک ہو، اپنی چھت اپنا گھر پروجیکٹ میرے دل کے زیادہ قریب ہے۔
لاہور میں اپنی چھت، اپنا گھر منصوبے کی تقریب سے خطاب کرتے ہوئے انہوں نے کہا کہ 7 ماہ میں 64 ہزار افراد کو قرضے دیے جا چکے ہیں، یہ قرض بغیر سود کے فراہم کیے گئے ہیں، 45 ہزار زیرِ تعمیر اور 9 ہزار گھروں کی تعمیر مکمل ہو چکی۔
مریم نواز نے کہا کہ امید ہے کہ 5 سال میں 5 لاکھ گھروں کی تعمیر مکمل ہو جائے گی، بہت سارے لوگ ہیں جن کے پاس گھر بنانے کے لیے وسائل نہیں، پوری دنیا میں ہماری ہاؤسنگ اسکیم کی مثال دی جائے گی۔
ان کا کہنا ہے کہ نواز شریف نے ہاؤسنگ پروجیکٹ میں میرا بہت حوصلہ بڑھایا، کم تنخواہ والے افراد کی کہانیاں دل دہلا دیتی ہیں، ہم پر الزام لگتا ہے کہ ہم لاہور کو ہی پنجاب سمجھتے ہیں، یہ غلط ہے۔
وزیر اعلیٰ پنجاب مریم نواز نے ملک کی پہلی اربن.
وزیرِ اعلیٰ پنجاب نے کہا کہ پورے پنجاب میں ہاؤسنگ پروجیکٹ کے تحت گھر بنا رہے ہیں، گھروں کی تعمیر کے لیے قرضے 100 فیصد میرٹ پر دیے گئے، دوسروں کا گھر تعمیر کرنے والے مزدور آج اپنے گھر کے مالک بن گئے۔
انہوں نے کہا کہ جب وزیرٍ اعلیٰ بنی تھی تو آپ کو گھر دینے کا وعدہ کیا تھا، آج سے پہلے لوگوں کو خواب دکھائے جاتے رہے، ہم نے سچ کر دکھایا، ہم نے زیادہ شور نہیں مچایا، زیادہ ڈھنڈورا نہیں پیٹا۔
مریم نواز کا کہنا ہے کہ میں یہی چاہتی ہوں کہ حکومت خود چل کر عوام کے دروازے تک پہنچے، میں چاہتی ہوں مریضوں کی ادویات ان کے گھر کی دہلیز پر پہنچیں، اپنی زمین اپنا گھر کا پروجیکٹ بھی لانچ کرنے جا رہے ہیں۔
ان کا کہنا ہے کہ اپنی زمین اپنا گھر پراجیکٹ کے پہلے مرحلے میں 2 ہزار پلاٹ دیے جائیں گے، آج ملک بھر میں ترقی کا عمل جاری ہے، آج پاکستان اللّٰہ تعالیٰ کے فضل سے سفارتی محاذ پر بھی کامیابی حاصل کر رہا ہے۔
پنجاب کی وزیرِ اعلیٰ مریم نواز کا یہ بھی کہنا ہے کہ بے ہنگم شور اور گالی گلوچ کی سیاست ختم ہو گئی، فتنہ پھیلانے والے کیا جانیں خدمت کا مزہ کیا ہوتا ہے۔
ذریعہ: Jang News
کلیدی لفظ: کا کہنا ہے کہ مریم نواز کا نے کہا کہ اپنی چھت اپنا گھر
پڑھیں:
اپنی چھت اپنا گھر پراجیکٹ کے تحت روزانہ 290 گھر بن رہے ہیں:عظمیٰ بخاری
ویب ڈیسک :پنجاب کی وزیر اطلاعات عظمیٰ بخاری نے کہا ہے کہ اپنی چھت اپنا گھر پراجیکٹ کے تحت روزانہ 290 گھر بن رہے ہیں۔
صوبائی وزیر اطلاعات و ثقافت عظمی بخاری نے میڈیا سے بات کرتے ہوئے کہا کہ آج سے وزیراعلی پنجاب کے کاموں کی تفصیلات دی جائیں گی، ان کا کہنا تھا کہ آج سولہ منصوبوں بارے معلومات فراہم کروں گی،صوبائی وزیر اطلاعات نے کہا کہ بہت سے کام ایسے ہیں جن کا کبھی اعلان بھی نہیں کیا گیا، دس ملین سے زائد روپے سیلاب متاثرین میں بانٹے جا چکے ہیں، سیلاب آنے کے دو ماہ کے اندر اندر تمام لوگوں کو مالی معاونت فراہم کر دی جائے گی۔
آئی سی سی سہ ماہی اجلاس کا آغاز آج سے دبئی میں ہو گا
انہوں نے کہا کہ مالی معاونت کی ترسیل میں شفافیت برقرار رکھی گئی ہے، افسران سے پیسے لے کر پوسٹنگ کی روایت پنجاب سے ختم کر دی گئی ہے، افسران کی کارکردگی جانچنے کے لئے کے پی آئیز بنائے گئے ہیں،انہوں نے کہا کہ مریم نواز کے منصوبے فائلوں کے لئے نہیں بنتے ہیں، تمام منصوبوں کو مکمل کروانے کے لئے پہرہ بھی دیا جاتا ہے، ان کا کہنا تھا کہ پتا چلا تھا کہ کے پی میں کوئی بہت بڑی ایجاد ہوئی ہے، کاش کوئی ایسی عینک بن جائے جس سے کے پی حکومت کی اصل کارکردگی نظر آ سکے۔
سال 2025 کا روشن ترین سپر مون کل رات آسمان پر نمودار ہوگا
صوبائی وزیر اطلاعات نے کہا کہ سی ایم کے ستھرا پروگرام کو پوری دنیا میں قابل ستائش سمجھا جا رہا ہے،ستھرا پنجاب منصوبے کی وجہ سے ایک لاکھ چالیس ہزار افراد کو روزگار ملا، ستھرا پنجاب کے تحت 94 ہزار ٹن ویسٹ اٹھائی گئی ہے، یہ دنیا کا غالبا سب سے بڑا صفائی کا پروگرام ہے،انہوں نے کہا کہ الیکٹرک بسوں کا ایک منصوبہ بھی مریم نواز نے شروع کیا، ہر ضلع اور تحصیل کی خواہش ہے کہ ان کو الیکٹرک بسیں ملیں،الیکٹرک بسوں کا پہلا فیز مکمل ہوگیا ہے جب کہ دوسرا فیز شروع ہونے والا ہے، دوسرا فیز دسمبر میں مکمل ہو جائے گا، گیارہ سو الیکٹرک بسیں 42شہروں میں چلیں گی۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
انہوں نے کہاکہ پچھلے سال اس سال کی نسبت زیادہ اسموگ تھی، سموگ میٹیگیشن کی وجہ سے آنے والے دنوں میں سموگ مزید بہتر ہو گا،عظمی بخاری نے کہا کہ خصوصی افراد کو معاون آلات فراہم کرنے کے منصوبے کا پہلا فیز مکمل ہو گیا ہے، اس منصوبے کے تحت ایک بچے کو مصنوعی بازو لگائی گئی،ان کا کہنا تھا کہ لائیو سٹاک کے منصوبے کا بھی پہلا فیز مکمل کر لیا گیا ہے، بلا سود موٹرسائیکلوں کی فراہمی کے منصوبے میں ستائیس ہزار بائیکس دی گئیں۔
غزہ میں 2 سال بعد تعلیمی سرگرمیاں بحال، اسکولوں میں پھر سے رونق لوٹ آئی
اپنی چھت اپنا گھر پراجیکٹ کے تحت ایک لاکھ چار ہزار آٹھ سو خاندانوں کو قرضہ فراہم کر دیا گیا ہے، اس منصوبے کے تحت تیس ہزار گھر بن چکے ہیں، اس منصوبے کے تحت روزانہ 290 گھر بن رہے ہیں،انہوں نے کہا کہ واسا کا توسیعی منصوبہ بھی شروع کیا گیا، پنجاب کے 38 شہروں میں واسا کو پھیلایا گیا۔ انہوں نے کہا کہ گیارہ نئی پی ایچ ایز بنائی گئی ہیں، دھی رانی پروگرام کے تحت پانچ ہزار شادیاں کروائی جا چکی ہیں،لوگوں کو ہر دو ماہ بعد گھروں میں ادویات فراہم کی جا رہی ہے، 7 ہزار بچوں کی ہارٹ سرجریز ہو چکی ہیں، کلینک ان وہیلز سے لاکھوں لوگ مستفید ہو چکے ہیں، کئی ڈی ایچ کیوز اور بی ایچ کیوز کو ری ویمپ کر دیا گیا ہے، سرگودھا کارڈیالوجی ہسپتال مکمل ہو چکا ہے، لاہور میں کینسر ہسپتال تکمیل کے قریب ہے۔
ڈاکٹر نے محبوبہ کی خاطر اہلیہ کو موت کے گھاٹ اتار دیا
صوبائی وزیر اطلاعات نے کہا کہ سموگ کنٹرول پروگرام کے تحت فضائی آلودگی پر قابو پایا جا چکا ہے، اس وقت ساڑھے سات لاکھ کسان کارڈ کسان استعمال کر رہے ہیں، گرین ٹریکٹر پروگرام کا پہلا فیز مکمل ہو گیا ہے،طلباء کے لئے انٹرن شپ پروگرام جاری ہے، صوبائی وزیر اطلاعات عظمیٰ بخاری نے کہا کہ آج میں نے پندرہ کے قریب نئے منصوبوں کی تفصیلات بارے آگا ہ کیا ہے۔
جہاں پارا چنار حملہ ہوا وہ راستہ دوسرے ملک سے آتا ہے، اپنا دشمن پہچانیں، جسٹس مسرت ہلالی