پنجاب اسمبلی میں اپوزیشن کے 26 ارکان کے لیے بری خبر
اشاعت کی تاریخ: 6th, August 2025 GMT
راؤ دلشاد: پنجاب اسمبلی میں اپوزیشن کے 26 ارکان کی نااہلی کا معاملہ ایک بار پھر سر اٹھانے لگا ہے۔
ن لیگی ارکان نے اسپیکر ملک محمد احمد خان کی رولنگ کو چیلنج کرنے کا فیصلہ کر لیا ہے۔
ذرائع کے مطابق ارکان کی جانب سے یہ فیصلہ قانونی مشاورت کے بعد کیا گیا ہے، اور اب اس بات پر غور جاری ہے کہ درخواست سپریم کورٹ میں دی جائے یا ہائیکورٹ میں۔
ن لیگی ارکان افتخار چھچھڑ، امجد علی جاوید اور ملک احمد سعید ذاتی حیثیت میں اسپیکر کی رولنگ کو عدالت میں چیلنج کریں گے۔
الیکشن کمیشن نے پارلیمنٹ کے پانچ اور صوبائی اسمبلی کے تین ارکان کو نااہل قرار دے دیا،9 نشستیں خالی ہو گئیں
پارٹی ذرائع کا کہنا ہے کہ اس معاملے کو ہر صورت منطقی انجام تک پہنچایا جائے گا, قانونی ٹیم سے مشاورت جاری ہے اور جلد ہی عدالتی کارروائی کا آغاز متوقع ہے۔
.ذریعہ: City 42
پڑھیں:
سینٹ، قومی اسمبلی میں اپوزیشن لیڈروں سمیت 9 ارکان پارلیمنٹ نااہل
اسلام آباد (وقائع نگار) الیکشن کمشن نے اپوزیشن لیڈر قومی اسمبلی اور سینٹ میں قائد حزب اختلاف عمر ایوب اور شبلی فراز سمیت 9 ارکان کو نااہل قرار دے دیا۔ الیکشن کمشن کے ذرائع کے مطابق نااہل ہونے والوں میں صاحبزادہ حامد رضا، زرتاج گل، رائے حیدر علی، جنید افضل ساہی، رائے حسن مرتضی، عنصر اقبال سمیت 9ارکان اسمبلی اور سینیٹرز شامل ہیں۔ الیکشن کمشن نے ان ارکان کی نااہلی کا باقاعدہ نوٹیفکیشن بھی جاری کردیا جس کے مطابق آئین کے آرٹیکل 63 ون ایچ کے تحت تمام ارکان کو نااہل قرار دیا گیا۔ الیکشن کمشن نے لکھا ہے کہ انسداد دہشت گردی عدالت فیصل آباد کے فیصلے کی روشنی میں اراکین سزا پا چکے ہیں، اس لیے ارکان قومی اسمبلی اور سینٹیرز کو نااہل قرار دیا جاتا ہے۔ دوسری جانب الیکشن کمشن نے قومی اسمبلی اور سینٹ کی 9 نشستوں کو خالی قرار دے دیا۔ واضح رہے کہ چند روز قبل، فیصل آباد میں انسداد دہشت گردی عدالت نے 9 مئی کے 3 مقدمات کا فیصلہ سناتے ہوئے عمر ایوب، شبلی فراز اور زرتاج گل وزیر سمیت پاکستان تحریک انصاف کے 196 رہنمائوں اور کارکنوں کو 10 سال تک قید کی سزائیں سنائی تھیں۔ دریں اثناء الیکشن کمشن نے نااہلی کے ریفرنس میںپی ٹی آئی کے رہنما اور قومی اسمبلی میں اپوزیشن لیڈر عمر ایوب کی عدم پیشی کے باعث ریفرنس پر سماعت غیر معینہ مدت تک ملتوی کر دی۔ چیف الیکشن کمشنر کی سربراہی میں 5 رکنی بنچ نے عمر ایوب کے خلاف نا اہلی کے ریفرنس پر سماعت کی، تاہم عمر ایوب آج بھی پیش نہیں ہوئے۔ دوران سماعت جونیئر وکیل نے الیکشن کمشن کو بتایا کہ وکیل پشاور ہائیکورٹ میں ہیں، اس لئے پیش نہیں ہوئے، اگلی تاریخ دے دی جائے، جس کے بعد چیف الیکشن کمشنر نے ریمارکس دیئے کہ انہیں اگلی تاریخ دے دیں۔ بعدازاں الیکشن کمشن نے عمر ایوب نااہلی کیس کی سماعت غیر معینہ مدت تک ملتوی کر دی۔
سلیمان اور قاسم احتجاج کاحصہ بنیں گے یانہیں، عمران خان کااہم اعلان سامنے آگیا