اسپیکر پنجاب اسمبلی کی مداخلت پر اپوزیشن کے 9 گرفتار اراکین رہا
اشاعت کی تاریخ: 6th, August 2025 GMT
اسپیکر پنجاب اسمبلی ملک محمد احمد خان کی مداخلت اور احکامات پر اپوزیشن کے گرفتار ہونے والے 9 اراکین کو پولیس نے رہا کردیا۔
ایکسپریس نیوز کے مطابق پنجاب اسمبلی کا اجلاس شروع ہوا تو اپوزیشن اراکین حسب معمول نعرے بازی کرتے ہوئے ایوان میں داخل ہوئے اور اسپیکر ڈائس کا گھیراؤ کیا۔
اپوزیشن نے کچھ دیر اسپیکر کے سامنے کھڑے ہوکر ٹوکن احتجاج کیا اور پھر اراکین اپنی نشستوں پر بیٹھ گئے۔
اسپیکر پنجاب اسمبلی نے کہا کہ اپوزیشن کے 9 اراکین اسمبلی کے خلاف ایف ائی ار رکوا دی گئی ہے۔ انہوں نے کہا کہ میاں مجتبی شجاع الرحمان کو گرفتار ایم پی ایز کو رہا کروا کر اسمبلی میں لانے کی ہدایت کی۔
بعد ازاں اسپیکر کی ہدایت پر پولیس نے حکومت وفد کے پہنچنے پر اپوزیشن کے 9 اراکین کو رہا کیا۔ ڈپٹی اپوزیشن لیڈر معین ریاض قریشی نے رہائی کے بعد اپنے پیغام میں کہا کہ اس قسم کی گرفتاریاں ہمیں اور ہمارے حوصلے اور ایمان مضبوط کریں گی۔ ہم خان کے ساتھ اور خان کے نظریے کے ساتھ سیسہ پلائی دیوار کی طرح کھڑے ہیں۔
Tagsپاکستان.
ذریعہ: Al Qamar Online
کلیدی لفظ: پاکستان پنجاب اسمبلی اپوزیشن کے
پڑھیں:
پی ٹی آئی رہنما شیخ وقاص کی قومی اسمبلی کی سیٹ خطرے میں، مگر کیوں؟
اسپیکر قومی اسمبلی ایاز صادق نے پیر کے روز ایوان کی کارروائی کے دوران تحریک انصاف کے رکن قومی اسمبلی شیخ وقاص اکرم کی مسلسل غیر حاضری پر آئینی وضاحت دیتے ہوئے کہا ہے کہ اگر کوئی رکن 40 دن تک مسلسل اجلاسوں سے غیر حاضر رہے تو اس کی نشست خالی قرار دینے کی تحریک پیش کی جا سکتی ہے۔
یہ بھی پڑھیں:
اسپیکر ایاز صادق نے اجلاس کے دوران رولنگ دیتے ہوئے کہا کہ وہ بطور اسپیکر، آئین اور قواعد کے مطابق ایوان کو آگاہ کر رہے ہیں کہ رول 44 (1) کے تحت شیخ وقاص اکرم اسمبلی سیشن کے 40 دنوں سے بغیر کسی رخصت لیے مسلسل غیر حاضر ہیں، تحریک پیش ہونے اور منظور ہونے کی صورت میں ان کی نشست خالی قرار دی جا سکتی ہے۔
شیخ وقاص اکرم چالیس دن سے قومی اسمبلی سے غائب ہیں۔سیٹ خالی ہوسکتی ہے
سپیکر قومی اسمبلی نے خطرے کی گھنٹی بجا دی ۔ pic.twitter.com/ldkE5BisG3
— tariq mahmood ch (@tariqchaaj) August 5, 2025
اس موقع پر پی ٹی آئی کے رکن ملک عامر ڈوگر نے اعتراض اٹھاتے ہوئے کہا کہ یہ جو رول آپ پڑھ رہے ہیں، بتائیں کہ اب تک ایوان میں کب قواعد پر مکمل عملدرآمد ہوا، ہمارے اراکین کو پارلیمنٹ ہاؤس سے گرفتار کیا گیا، انہیں جیلوں میں ڈالا جا رہا ہے، یہ سب ظلم ہوتا رہا ہے۔
جس پر اسپیکر ایاز صادق نے جواب دیا کہ ہم نے متعدد بار پروڈکشن آرڈر جاری کیے ہیں، ملک عامر ڈوگر نے اسے پی ٹی آئی کا آئینی حق قرار دیتے ہوئے کہا کہ یہ ہمارا حق ہے، جواباً اسپیکر ایاز صادق نے استفسار کیا کہ یہ حق 2018 سے 2022 کے درمیان کہاں تھا۔
مزید پڑھیں:
اس پر بحث مزید شدت اختیار کر گئی، جس پر پی ٹی آئی رکن ملک عامر ڈوگر نے کہا کہ اگر یہی ماحول برقرار رکھنا ہے تو پارلیمنٹ کو تالا لگا دیں، ایوان میں اس موقع پر کشیدگی دیکھی گئی، تاہم اسپیکر نے اجلاس کی کارروائی کو قواعد و ضوابط کے مطابق آگے بڑھانے پر زور دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر قومی اسمبلی پی ٹی آئی شیخ وقاص اکرم قومی اسمبلی نشست
10سال سزا الیکشن نے اعجاز چوہدری ‘ احمد بھچر ‘ احمد چٹھہ کو نااہل قراردیدیا