ویرات کوہلی کی 37ویں سالگرہ پر انوشکا شرما نے شادی سے متعلق اہم رازوں سے پردہ اٹھا دیا
اشاعت کی تاریخ: 5th, November 2025 GMT
بھارتی کرکٹر ویرات کوہلی آج 37 سال کے ہو گئے ہیں۔ اس موقع پر مداح نہ صرف ان کی شاندار کرکٹ کیریئر کی یاد تازہ کر رہے ہیں بلکہ ان کی بیوی، بالی ووڈ اداکارہ انوشکا شرما کے ساتھ محبت بھرا رشتہ بھی یاد کر رہے ہیں۔
ویرات اور انوشکا کی کہانی 2013 میں ایک اشتہار کے سیٹ پر ملاقات سے شروع ہوئی۔ کئی سال تک اس تعلق کو نجی زندگی رکھنے کے بعد، دونوں نے دسمبر 2017 میں شادی کر لی تھی۔
یہ بھی پڑھیں: ویرات کوہلی کے نئے ریسٹورینٹ کی قیمتوں نے سب کو حیران کردیا، نئی بحث چھڑ گئی
انوشکا نے ایک انٹرویو میں ویرات کوہلی کے بارے میں کہا کہ ’میں اپنے بہترین دوست سے شادی کر رہی ہوں۔ میں کسی ایسے شخص سے شادی کر رہی ہوں جس سے میں بہت محبت کرتی ہوں، صرف اس لیے کہ وہ ایک بہترین انسان ہے۔ جب ہم ساتھ ہوتے ہیں تو دنیا کا وجود ہی ختم ہو جاتا ہے‘۔
انہوں نے شادی کے ابتدائی دنوں میں محدود وقت گزارنے کا ذکر کرتے ہوئے کہا کہ ’شادی کے پہلے 6 مہینوں میں ہم صرف 21 یا 22 دن ایک ساتھ گزار سکے۔ یہاں تک کہ ہمارے گھر کے عملے کو بھی خوشی ہوتی ہے جب ہم دونوں ایک ساتھ گھر پر ہوتے ہیں‘۔۔
یہ بھی پڑھیں: ویرات کوہلی فٹنس کا خیال کیسے رکھتے ہیں، انوشکا شرما نے راز سے پردہ اٹھا دیا
انوشکا نے یہ بھی بتایا کہ ویرات کی شاندار یادداشت نے انہیں یقین دلایا کہ وہ ایک بہترین شریکِ حیات ہوں گے۔ ان کے مطابق ’جب ہم ڈیٹنگ کر رہے تھے، تو میں ان کی یادداشت سے بہت متاثر ہوئی۔ میں اکثر چیزیں بھول جاتی ہوں، لیکن ویرات ہر چیز یاد رکھتے ہیں۔ اسی وقت میں نے سوچا، وہ ایک بہترین زندگی کے ساتھی ہوں گے‘۔
واضح رہے کہ ویرات اور انوشکا کے دو بچے ہیں، بیٹی وامیکا اور بیٹا آکائے۔ اور یہ اس وقت لندن میں مقیم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوشکا شرما بالی ووڈ بھارتی کرکٹ ٹیم لندن ویرات کوہلی.ذریعہ: WE News
کلیدی لفظ: انوشکا شرما بالی ووڈ بھارتی کرکٹ ٹیم ویرات کوہلی ویرات کوہلی انوشکا شرما
پڑھیں:
امریکی نائب صدر وینس اور اریکا کرک کی گلے لگنے کی ویڈیو وائرل، شادی کی قیاس آرائیاں
امریکہ میں ٹرننگ پوائنٹ یو ایس اے کا ایک پروگرام اس وقت سب کی توجہ کا مرکز بن گیا جب ٹرمپ کے سابق معاون چارلی کرک کی بیوہ اریکا کرک نے نائب صدر جے ڈی وینس کو گلے لگایا۔
اریکا کرک نے کہا کہ ’میں اپنے شوہر کی کچھ مشابہت جے ڈی وینس میں دیکھتی ہوں‘۔ ان کے اس بیان نے ان کی ذاتی زندگی کے حوالے سے قیاس آرائیوں کو جنم دیا۔
Erika Kirk: “No one will ever replace my husband, but I do see some similarities of my husband in JD”pic.twitter.com/Gm4PHz4D3c
— Republicans against Trump (@RpsAgainstTrump) October 31, 2025
یہ واقعہ اس وقت پیش آیا جب اریکا نے ستمبر میں چارلی کے قتل کے بعد پہلی بڑی عوامی تقریب میں شرکت کی۔ یہ دائیں بازو کی سرگرم کارکن اور ڈونلڈ ٹرمپ کی قریبی ساتھی تھے، جو یونیورسٹی ایونٹ میں تقریر کرتے ہوئے گولی لگنے سے جاں بحق ہو گئے۔
اریکا نے کہا کہ جب ہماری ٹیم نے میرے عزیز دوست جے ڈی ونس سے آج تقریر کرنے کو کہا، تو میں واقعی نے اس پر غور کیا، کیونکہ ظاہر ہے کہ آج کا دن بہت جذباتی ہے لیکن اگلا جملہ ہی لوگوں کی توجہ کا مرکز بن گیا جس میں ان کا کہنا تھا کہ ’میں اپنے شوہر کی کچھ مشابہت جی ڈی میں دیکھتی ہوں‘۔
یہ بھی پڑھیں: امریکی پابندیوں سے چھوٹ کا خاتمہ: بھارت کی چابہار حکمت عملی پر کاری ضرب
اس موقع پر جے ڈی ونس نے اسٹیج پر اریکا کو گلے لگایا، جس کی تصاویر اور ویڈیوز فوراً وائرل ہو گئیں۔ اس کے بعد معروف صحافی شینن واٹس نے ٹویٹ کیا کہ وینس اگلے سال کے آخر تک طلاق کا اعلان کریں گے اور اریکا کرک سے شادی کریں گے۔ ٹرانس جینڈر کارکن اری ڈرینن نے بھی ٹویٹ کی کہ ’وہ پہلے نائب صدر ہوں گے جو عہدے میں رہتے ہوئے طلاق لیں گے‘۔
جے ڈی وینس کی شادی اوشا وینس سے ہوئی ہے، جو ہندو خاندان سے تعلق رکھتی ہیں، اور ان کا یہ ازدواجی رشتہ بعض شدت پسند حلقوں میں بحث کا موضوع رہا ہے۔ وینس نے حال ہی میں کہا کہ وہ امید رکھتے ہیں کہ ان کی بیوی ایک دن مسیحیت قبول کریں گی، تاہم بعد میں وضاحت کی کہ اوشا کے پاس مسیحیت اختیار کرنے کا کوئی ارادہ نہیں ہے۔
یہ بھی پڑھیں: امریکا کے کم عمر نائب صدر جے ڈی وینس کا تعارف، مسئلہ فلسطین پر ان کا طرز عمل کیا ہوسکتا ہے؟
وینس 2028 کے صدارتی انتخاب میں میگا امیدوار کے طور پر حصہ لینے کی توقع رکھتے ہیں، جب ٹرمپ اپنی آخری مدت مکمل کر رہے ہوں گے۔ ایسی صورت میں، میگا کے حامی ‘ہندو فرسٹ لیڈی’ کو قبول نہیں کر سکتے۔ یہی وجہ ہے کہ طلاق کی افواہوں کو ہوا مل رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اریکا کرک امریکی نائب صدر شادی امریکی نائب صدر طلاق امریکی نائب صدر وینس وائرل ویڈٰو
خیبرپختونخوا میں 1349 مطلوب دہشت گردوں کی فہرست جاری، سر کی قیمت 3 کروڑ روپے تک مقرر