پی ایس ایل حکام کی فرنچائزز سے اسٹیک ہولڈرز سے واجبات کے حصول میں مدد کی درخواست
اشاعت کی تاریخ: 5th, November 2025 GMT
پاکستان سپر لیگ (پی ایس ایل) حکام نے اسٹیک ہولڈرز سے واجبات کے حصول میں مدد کرنے کی درخواست کی ہے۔
تفصیلات کے مطابق گزشتہ روز پاکستان سپر لیگ (پی ایس ایل) حکام، فرنچائز مالکان اور آفیشلز کی اہم میٹنگ ہوئی۔
میٹنگ میں ٹیم آفیشلز ویڈیو کال پر موجود رہے، میڈیا اور سوشل میڈیا میں تند و تیز بیانات کی وجہ سے شہرت حاصل کرنے والے ملتان سلطانز کے مالک علی ترین حیران کن طور پر شریک نہ ہوئے، البتہ ان کے نمائندے موجود تھے۔
میٹنگ کے دوران بورڈ حکام نے فرنچائزز سے یہ بھی کہا کہ اسٹیک ہولڈرز سے واجبات کے حصول میں آپ بھی اپنا کردار ادا کریں۔
یاد رہے کہ اب تک پی سی بی کو واجبات کا انتظار ہے۔
دریں اثناء سابق ڈائریکٹر انٹرنیشنل عثمان واہلہ نے ایک بار پھر پی ایس ایل کو جوائن کر لیا۔ وہ گزشتہ روز ہونے والی میٹنگ میں شریک ہوئے۔
میٹنگ میں باضابطہ طور پر فرنچائزز کو آگاہ کیا گیا کہ 11 ویں ایڈیشن میں مزید 2 ٹیموں کا اضافہ کیا جائے گا، البتہ مزید تفصیلات پر بات نہیں ہوئی، پلیئرز کی ریٹینشن پر بھی تبادلہ خیال ہوا۔
.ذریعہ: Express News
کلیدی لفظ: پی ایس ایل
پڑھیں:
پاکستان پکل بال فیڈریشن کی جنرل کونسل میٹنگ،نئے عہدے داروں کا اعلان
data-id="863a0a8" data-element_type="widget" data-widget_type="theme-post-content.default">
کراچی (اسپورٹسڈیسک) پاکستان پکل بال فیڈریشن کی جنرل کونسل میٹنگ اور پکل بال سیمینار کا انعقاد کراچی کے ہوٹل مہران میں ہواجس کے دورا ن ناصرف ملک بھر میں کھیل کے فروغ کے لئے باتچیت کی گئی اور تجاویز پیش کی گئیں بلکہ نئے عہدے دارا ن کا اعلان بھی کیا گیا۔سندھ اولمپک ایسوسی ایشن کے پیٹرن شیخ شکیل الیاس نے مہمان خاص کی حیثیت سے اجلاس میں شرکت کی۔پاکستان پکل با ل فیڈریشن کے جن عہدے داروں کا انتخاب اور اعلان کیا گیا ان میں چیئر مین مخدوم علی ریاض،صدر امتیاز احمد شیخ،سی ای او مقبول آرائیں،سینئر نائب صدر سرفرا ز احمد خان، نائب صدورکبیر احمد اور سیدہ غازیہ قاضی، سیکریٹری جنرل فیصل ظفر،اسسٹنٹ سیکریٹری شارق صدیقی ،فنانس سیکریٹری عظمت پاشا،ڈائرکٹر مارکیٹنگ نمرہ خان،پبلک ریلیشن آفیسر مراد حسین،میڈیا کو آرڈی نیٹر زاہدغفاراور ایگزیکٹو کمیٹی کے اراکین ذرین امتیاز، ام لیلیٰ اور غیاث الدین انصاری شامل ہیں۔پاکستان پکل با فیڈریشن کے نئے عہدے داروں نے اجلاس میں ملک بھر میں اس کھیل کی ترقی اور ترویج کے لئے مسلسل کوششوں کی ضرور ت پر زور دیا اور کھیل کوگراس روٹ لیول پر فروغ دینے کے لئے مربوط لائحہ عمل بنانے کا اعلان کیاجبکہ کی جانب سے جلد ہی بین الاقوامی پکل بال ایونٹس میں شرکت کا اعلان بھی کیا گیا،جس کے مطابق پاکستانی ٹیم آئندہ ماہ 22 تا 24دسمبر تک جاپان میں شیڈول ایونٹ میں شرکت کرے گی، جب کہ آئندہ سال امریکہ، ملائیشیا اور تھائی لینڈ میں منعقد ہونے والے بین الاقوامی مقابلوں میں بھی بھرپور شرکت کے عزم کا اعاد ہ کیاگیا۔اجلاس میں قومی ٹیم کے بین الاقوامی ایونٹس میں شرکت کے اعلان کی پر زور انداز میں ستائش کی گئی۔واضح رہے کہ پاکستان پکل بال فیڈریشن نا صرف انٹرنیشنل/ورلڈ پکل بال فیڈریشن اور ایشیا پکل بال فیڈریشن سے الحاق یافتہ ہے بلکہ یہ ادارہ حکومت پاکستان کے سوسائٹی ایکٹ 1860کاپی رائٹ (سی آر) اور ٹریڈ مارک (ٹی ایم) کے ساتھ باقاعدہ طور پر رجسٹرڈ ہے۔سیمینار میں ملک بھر سے فیڈریشن کے اراکین،ا سپورٹس کوآرڈی نیٹرز، کوچز، اور مختلف تعلیمی اداروں سے تعلق رکھنے والے نمائندگان نے بھی بھرپور شرکت کی۔
ترکیہ کی درخواست، پاکستان طالبان سے مذاکرات دوبارہ شروع کرنے پر رضامند