پاک فوج اور اداروں کی وجہ سے آج ہم آزاد فضا میں سانس لے رہے ہیں، پی پی رکن اسمبلی
اشاعت کی تاریخ: 12th, August 2025 GMT
پی پی کی رکن سندھ اسمبلی اور پہلی مسیحی خاتون پارلیمانی سیکریٹری نے کہا ہے کہ پاک فوج نے دشمن کی ہر سازش کو ناکام بنایا اور اپنے اداروں کی وجہ سے ہم آزاد فضا میں سانس لے رہے ہیں۔
پاکستان پیپلز پارٹی کی رکن سندھ اسمبلی اور پہلی مسیحی خاتون پارلیمانی سیکریٹری، روما مشتاق مٹو نے ملیر میں ایک بڑے عوامی اجتماع سے خطاب کرتے ہوئے شہداء کی قربانیوں، پاک فوج کی بہادری، اور قومی یکجہتی کی اہمیت پر روشنی ڈالی۔
محترمہ روما مشتاق مٹو نے آپریشن بنیاد مرصوص اور معرکۂ حق کے شہداء کو خراج تحسین پیش کرتے ہوئے کہا کہ پاک فوج، رینجرز اور پولیس کی قربانیوں کی بدولت ہی آج ہم آزاد فضا میں سانس لے رہے ہیں۔
انہوں نے کہا کہ دشمن کی ہر سازش کو ناکام بنانے میں ہماری افواج کا کردار قابل تعریف ہے۔ انہوں نے پارٹی چیئرمین بلاول بھٹو زرداری کے وژن کی تعریف کرتے ہوئے کہا کہ وہ عوامی یکجہتی، جمہوری اقدار اور اقلیتی حقوق کے تحفظ کے لیے کوشاں ہیں۔
روما مشتاق مٹو نے اس بات پر زور دیا کہ پاکستان میں تمام مذاہب کے لوگ برابر ہیں اور قومی پرچم کا سفید رنگ اقلیتوں کی نمائندگی کرتا ہے۔
اپنے خطاب میں انہوں نے خواتین کی شمولیت، نوجوانوں کی تعلیم اور کردار سازی، غربت کے خاتمے، اور بین المذاہب ہم آہنگی کو فروغ دینے پر بھی زور دیا۔
اجتماع میں دیگر مقررین، جن میں رکن سندھ اسمبلی راجہ رزاق، فاروق اعوان اور ٹاؤن چیئرمین نذیر بھٹو شامل تھے، انہوں نے بھی عوامی خدمت اور ملکی ترقی کے لیے اتحاد و اتفاق کو ناگزیر قرار دیا۔
اجتماع کے اختتام پر شرکاء نے ملک کی سلامتی اور ترقی کے لیے متحد رہنے کا عہد کیا اور "پاکستان زندہ باد" کے نعرے لگائے۔
.ذریعہ: Express News
پڑھیں:
عرفان صدیقی سانس کی تکلیف کے باعث اسپتال میں زیر علاج ہیں، اہل خانہ
سینیٹر عرفان صدیقی(فائل فوٹو)۔مسلم لیگ ن کے رہنما سینیٹر عرفان صدیقی سانس کی تکلیف کے باعث اسلام آباد کے مقامی اسپتال میں زیر علاج ہیں۔
اہل خانہ نے سینیٹر عرفان صدیقی سے متعلق سوشل میڈیا پر جھوٹ پر مبنی اطلاعات کو انتہائی قابل مذمت قرار دیا۔
اہل خانہ نے کہا کہ سینیٹر عرفان صدیقی سانس کی تکلیف کے باعث انتہائی نگہداشت یونٹ میں زیر علاج ہیں۔
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ