سی ڈی اے کا غیر قانونی تعمیرات اور پلاٹس پر ایکشن، اب تک کہاں کہاں کاروائی ہوچکی ہے؟
اشاعت کی تاریخ: 12th, August 2025 GMT
کیپیٹل ڈویلپمنٹ اتھارٹی (سی ڈی اے) نے اسلام آباد کے ماسٹر پلان کی خلاف ورزی کرتے ہوئے بلیو ایریا میں قائم غیر قانونی پلاٹس، تعمیرات، سب لیٹنگ اور کمرشل استعمال کے خلاف سخت ایکشن لینے کا فیصلہ کیا تھا۔
پبلک نوٹس کے مطابق، بلیو ایریا کے اندر موجود لینڈ اسکیپ ایریا اور گرین بیلٹس کو غیر قانونی طور پر ذاتی اور کمرشل استعمال میں لانے کی شکایات موصول ہو رہی تھیں۔
سی ڈی اے کا کہنا ہے کہ بلیو ایریا کے زون 4 میں واقع پارکنگ ایریا اور گرین بیلٹس کو خالصتاً عوامی سہولیات، خوبصورتی اور ماحولیاتی تحفظ کے لیے مختص کیا گیا ہے، اور ان کا ذاتی یا کمرشل استعمال نہ صرف ماسٹر پلان کی خلاف ورزی ہے بلکہ ICT زوننگ ریگولیشنز 2020 اور دیگر قانونی قواعد و ضوابط کے بھی منافی ہے۔
اسی چیز کو مد نظر رکھتے ہوئے گزشتہ ماہ سی ڈی اے کی جانب سے نوٹس جاری اور خبردار کیا گیا تھا کہ اگر 24 گھنٹوں کے اندر متعلقہ افراد نے رضا کارانہ طور پر تجاوزات ختم نہ کیں تو سی ڈی اے خود کارروائی کرے گی، اور اس دوران ہونے والے نقصان کے ذمہ دار متعلقہ افراد خود ہوں گے۔
مزید پڑھیں: سینیٹ کمیٹی کا ایف بی آر اور سی ڈی اے کی کارکردگی پر اظہار برہمی
سی ڈی اے نے یہ بھی واضح کیا ہے کہ کسی بھی غیر قانونی سرگرمی میں ملوث افراد، بشمول کرایہ دار اور سب لیٹ کرنے والے افراد کے خلاف بھی قانونی کارروائی عمل میں لائی جائے گی۔ سرکاری زمین پر قبضہ یا غلط استعمال کرنے والے افراد کے خلاف فوجداری مقدمات بھی درج ہوں گے۔
حکام کا کہنا ہے کہ شہر کی خوبصورتی، ماحولیاتی تحفظ اور عوامی مفاد کے لیے کسی بھی قسم کی غیر قانونی سرگرمی کو برداشت نہیں کیا جائے گا، اور ایسے عناصر کے خلاف بھرپور کارروائی جاری رہے گی۔
اس نوٹس کو 15 دن ہو چکے ہیں۔ وی نیوز نے اس حوالے سے جاننے کی کوشش کی، کہ اب تک سی ڈی اے کی جانب سے کہاں کہاں کارروائی کی جا چکی ہے۔
اس بارے میں سی ڈی اے کے ترجمان نوازش علی عاصم کا کہنا تھا کہ سی ڈی اے کی جانب سے ابھی تک اسلام آباد میں مارگلہ ہلز نیشنل پارک کے ٹریل 3 پر غیر قانونی تعمیرات کے خلاف مؤثر کارروائی عمل میں لائی گئی ہے۔
مزید پڑھیں: اسلام آباد: نالوں اور سرکاری زمینوں پر غیر قانونی تعمیرات کے خلاف سی ڈی اے کا کریک ڈاؤن
ترجمان کے مطابق کاروائی کے دوران 1.
اس لے علاوہ ہر مکان کو مکمل طور پر چیک اور دستاویزی طور پر محفوظ کیا گیا تاکہ کارروائی شفاف اور قانونی طریقے سے مکمل ہو۔ مسماری کے بعد علاقے کا قبضہ ماحولیاتی تحفظ کے لیے متعلقہ شعبہ کے حوالے کیا جا رہا ہے تاکہ قدرتی ماحول کو محفوظ رکھا جا سکے۔
اسی طرح ترنول پھاٹک کے علاقے میں گرین بیلٹس سے بھاری مشینری کو ہٹا کر راستے کی روانی بحال کی گئی۔ یہ اقدامات ماحولیاتی تحفظ اور شہر میں قانون کی بالادستی کو یقینی بنانے کی جانب اہم پیشرفت ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سی ڈی اے سی ڈی اے کے ترجمان نوازش علی عاصم غیر قانونی تعمیرات
ذریعہ
ذریعہ: WE News
کلیدی لفظ: سی ڈی اے سی ڈی اے کے ترجمان نوازش علی عاصم غیر قانونی تعمیرات غیر قانونی تعمیرات ماحولیاتی تحفظ سی ڈی اے کی کے خلاف کیا گیا کی جانب کے لیے
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار