بھاگیہ شری کی 19 سال کی عمر میں بھاگ کر شادی؛ سلمان خان کا کردار سامنے آگیا
اشاعت کی تاریخ: 2nd, September 2025 GMT
بالی وُوڈ کی بلاک بسٹر فلم "میں نے پیار کیا" نے جہاں سلمان خان کو راتوں رات اسٹار بنا دیا، وہیں اسی فلم سے بھاگیہ شری نے بھی اپنی شاندار انٹری دی تھی۔
لیکن شہرت کے اس سفر کے آغاز ہی میں بھاگیہ شری نے سب کو حیران کر دیا جب انھوں نے اپنے بچپن کے پیار، ہمالے ڈاسانی سے صرف 19 سال کی عمر میں بھاگ کر شادی کرلی۔
بھاگیہ شری نے یہ شادی اپنے والدین کی مرضی کے خلاف کی تھی، ان کے والدین اس رشتے کے سخت خلاف تھے، حتیٰ کہ شادی میں خاندان کا کوئی ایک بھی فرد شریک نہیں ہوا تھا۔
ایسے وقت میں بھاگیہ شری کے ساتھ کھڑے ہونے والے واحد شخص ان کی پہلی فلم کے ہیرو سلمان خان ہی تھے۔
ایک انٹرویو میں بھاگیہ شری نے بتایا کہ جب میں نے شادی کا فیصلہ کیا تو میرے اپنے خاندان میں سے کوئی شریک نہیں تھا۔ اُس وقت سلمان میرے ساتھ تھے اور سب سے آخر میں جانے والے بھی وہی تھے۔
بھاگیہ شری نے مزید کہا کہ مجھے بالکل بھی اندازہ نہیں تھا سیٹ پر شرارتیں کرنے والا سلمان خان اتنی ذمہ داری کا مظاہرہ کرے گا اور میرا اتنا ساتھ دے گا۔ یہ ان کا خلوص تھا جس کی میں نے بالکل توقع نہیں کی تھی۔
اداکارہ نے ماضی کو یاد کرتے ہوئے مزید بتایا کہ اُس دور میں سلمان خان نہایت شرارتی مگر بےحد محبت کرنے والے دوست تھے۔ جنہوں نے میرا ساتھ دیا، میرا خیال رکھا اور ہر حال میں میرا دفاع کیا۔
آج جب وہ اپنی زندگی کے اُس موڑ کو یاد کرتی ہیں تو انہیں سب سے زیادہ سلمان خان کی یہی دوستی اور حفاظت کرنے والا رویہ یاد آتا ہے۔
یاد رہے کہ فلم "میں نے پیار کیا" 29 دسمبر 1989 کو ریلیز ہوئی تھی جس کے ہدایت کار سورج برجاتیہ تھے جب کہ سلمان خان اور بھاگیہ شری کا بطور ہیرو ہیروئن ڈیبیو تھا۔
یہ فلم اُس وقت کی سپر ہٹ ثابت ہوئی، باکس آفس پر تقریباً 28 کروڑ روپے سے زائد بزنس کیا، جو 1989 کے لحاظ سے ریکارڈ توڑ کامیابی تھی۔
اس فلم نے سلمان خان کو راتوں رات اسٹار بنا دیا اور سورج برجاتیہ کے کیریئر کا بھی کامیاب آغاز کیا لیکن بھاگیہ شری شادی کے بعد فلم انڈسٹری سے علیحدہ ہوگئی تھی۔
اس فلم کی کامیابی میں رومانوی اور مدھر گیتوں نے بڑا حصہ ڈالا تھا۔ تمام گانے دیو کوہلی اور اسد بھوپالی نے لکھے جب کہ موسیقار رام لکشمن تھے۔
کبوتر جا جا اور دل دیوانہ بن سجنا کے مانے نہ ایس پی بالا اور لتا منگیشکر نے گاکر امر کردیئے جو آج تک زبان زد عام ہیں۔
.ذریعہ: Express News
پڑھیں:
امریکی نائب صدر وینس اور اریکا کرک کی گلے لگنے کی ویڈیو وائرل، شادی کی قیاس آرائیاں
امریکہ میں ٹرننگ پوائنٹ یو ایس اے کا ایک پروگرام اس وقت سب کی توجہ کا مرکز بن گیا جب ٹرمپ کے سابق معاون چارلی کرک کی بیوہ اریکا کرک نے نائب صدر جے ڈی وینس کو گلے لگایا۔
اریکا کرک نے کہا کہ ’میں اپنے شوہر کی کچھ مشابہت جے ڈی وینس میں دیکھتی ہوں‘۔ ان کے اس بیان نے ان کی ذاتی زندگی کے حوالے سے قیاس آرائیوں کو جنم دیا۔
Erika Kirk: “No one will ever replace my husband, but I do see some similarities of my husband in JD”pic.twitter.com/Gm4PHz4D3c
— Republicans against Trump (@RpsAgainstTrump) October 31, 2025
یہ واقعہ اس وقت پیش آیا جب اریکا نے ستمبر میں چارلی کے قتل کے بعد پہلی بڑی عوامی تقریب میں شرکت کی۔ یہ دائیں بازو کی سرگرم کارکن اور ڈونلڈ ٹرمپ کی قریبی ساتھی تھے، جو یونیورسٹی ایونٹ میں تقریر کرتے ہوئے گولی لگنے سے جاں بحق ہو گئے۔
اریکا نے کہا کہ جب ہماری ٹیم نے میرے عزیز دوست جے ڈی ونس سے آج تقریر کرنے کو کہا، تو میں واقعی نے اس پر غور کیا، کیونکہ ظاہر ہے کہ آج کا دن بہت جذباتی ہے لیکن اگلا جملہ ہی لوگوں کی توجہ کا مرکز بن گیا جس میں ان کا کہنا تھا کہ ’میں اپنے شوہر کی کچھ مشابہت جی ڈی میں دیکھتی ہوں‘۔
یہ بھی پڑھیں: امریکی پابندیوں سے چھوٹ کا خاتمہ: بھارت کی چابہار حکمت عملی پر کاری ضرب
اس موقع پر جے ڈی ونس نے اسٹیج پر اریکا کو گلے لگایا، جس کی تصاویر اور ویڈیوز فوراً وائرل ہو گئیں۔ اس کے بعد معروف صحافی شینن واٹس نے ٹویٹ کیا کہ وینس اگلے سال کے آخر تک طلاق کا اعلان کریں گے اور اریکا کرک سے شادی کریں گے۔ ٹرانس جینڈر کارکن اری ڈرینن نے بھی ٹویٹ کی کہ ’وہ پہلے نائب صدر ہوں گے جو عہدے میں رہتے ہوئے طلاق لیں گے‘۔
جے ڈی وینس کی شادی اوشا وینس سے ہوئی ہے، جو ہندو خاندان سے تعلق رکھتی ہیں، اور ان کا یہ ازدواجی رشتہ بعض شدت پسند حلقوں میں بحث کا موضوع رہا ہے۔ وینس نے حال ہی میں کہا کہ وہ امید رکھتے ہیں کہ ان کی بیوی ایک دن مسیحیت قبول کریں گی، تاہم بعد میں وضاحت کی کہ اوشا کے پاس مسیحیت اختیار کرنے کا کوئی ارادہ نہیں ہے۔
یہ بھی پڑھیں: امریکا کے کم عمر نائب صدر جے ڈی وینس کا تعارف، مسئلہ فلسطین پر ان کا طرز عمل کیا ہوسکتا ہے؟
وینس 2028 کے صدارتی انتخاب میں میگا امیدوار کے طور پر حصہ لینے کی توقع رکھتے ہیں، جب ٹرمپ اپنی آخری مدت مکمل کر رہے ہوں گے۔ ایسی صورت میں، میگا کے حامی ‘ہندو فرسٹ لیڈی’ کو قبول نہیں کر سکتے۔ یہی وجہ ہے کہ طلاق کی افواہوں کو ہوا مل رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اریکا کرک امریکی نائب صدر شادی امریکی نائب صدر طلاق امریکی نائب صدر وینس وائرل ویڈٰو
کراچی، نادرن بائی پاس پر پلاسٹک کے گودام میں آگ لگ گئی