کوٹری ،بلدیہ کی ناقص کارکردگی پر شہری دہری پریشانی میں مبتلا
اشاعت کی تاریخ: 20th, September 2025 GMT
data-id="863a0a8" data-element_type="widget" data-widget_type="theme-post-content.default">
کوٹری(نمائندہ جسارت)بلدیہ کوٹری کی ناقص کارکردگی کی وجہ سے شہری دوہری پریشانی میں مبتلا۔برسات کا اور ڈرنیج کا پانی گلی کوچوں میں جمع ہونے سے آمدورفت متاثر۔آلودہ پانی کھڑاہونے سے مچھروں کی افزائش نسل میں اضافہ۔شہری وبائی امراض میں مبتلا ہونے لگے۔چیئرمین بلدیہ کوٹری ارباب جعفر شورو دفتر سے غائب۔بلدیاتی بجٹ کاغذوں میں جمع خرچ ہونے لگا۔ماہانہ لاکھوں روپے اینٹے جانے کا انکشاف۔تفصیلات کے مطابق میونسپل کمیٹی کوٹری میں اقرباپروری اور بیقاعدگیوں کے سبب جامشورو کا ہیڈ کواٹر شہر گندگی غلاضت کے ڈھیڑ میں تبدیل بنتا جارہا ہے حالیہ بارشوں کے بعد شہر کے متعدد مقامات پر برساتی پانی اور سیوریج نظام غیر فعال ہونے کے سبب گٹروں اور نالیوں کا پانی ابل کر تالاب کی شکل اختیار کرچکا ہے۔کوٹری کے علاقہ ٹیلیگراف کالونی مہاجر کالونی نانگولائن سمیت دیگر مقامات پر گلی کوچوں میں آلودہ پانی کھڑا ہونے سے مچھروں کی افزائش نسل میں تیزی سے اضافہ ہورہا ہے تو دوسری طرف شہری وبائی امراض میں مبتلاہونے لگے ہیں شہریوں کی بڑی تعداد سرکاری وغیرسرکاری طبی مراکز میں علاج معالجے کیلئے پہنچ رہے ہیں جس وجہ سے شہریوں میں شدید غم وغصہ پایاجاتا ہے۔ذرائع کا کہنا ہے بلدیہ کوٹری کو ماہانہ ڈھائی کروڑ روپے سے زائد فنڈز ملتا ہے جبکہ بلدیاتی آمدنی کی مد میں لاکھوں روپے مزید ملتے ہیں اسکے باوجود شہر میں صفائی ستھرائی کا نظام ابتر بنا ہوا ہے جبکہ کچرا اٹھانے کی ذمہ داری بلدیہ کوٹری سے لیکر سندھ سالٹ ویسٹ منجمنٹ کیحوالے کی ہوئی ہے۔اس ضمن میں سماجی رہنماء جی ایم خاصخیلی نے کہا ہے کہ بلدیہ کوٹری کے درجنوں ملازمین گھر بیٹھے تنخواہیں وصول کررہے ہیں اور بلدیاتی حکام سرکاری فنڈز کاغذوں میں جمع خرچ کرکے لاکھوں روپے اینٹ رہے ہیں جبکہ چیئرمین بلدیہ کوٹری ارباب جعفر شورو بھی دفتر آنے کی زحمت گنوارہ نہیں کرتے ہیں سائلین کی بڑی تعداد اپنی شکایات دفتر میں لیکر پہنچتے ہیں مگر دفتر ویران نظر آتا ہے جس سے شہر کا حلیہ ہی تبدیل ہوکر رہ گیا ہے انہوں نے وزیراعلی سندھ صوبائی وزیر بلدیات اور چیف سیکریٹری سندھ سے نوٹس لیکر معاملہ کی تحقیقات کا مطالبہ کیا ہے۔
.
ذریعہ
ذریعہ: Jasarat News
کلیدی لفظ: بلدیہ کوٹری
پڑھیں:
گھوٹکی اور گردونواح میں بجلی کا بریک ڈاؤن، شہری مشکلات کا شکار
سٹی 42:سندھ کے ضلع گھوٹکی، تحصیل اوباڑو اور گردونواح میں تیز آندھی اور بارش کے باعث بجلی کا نظام شدید متاثر ہو گیا، جس کے نتیجے میں متعدد علاقوں میں گزشتہ روز سے بجلی کی فراہمی معطل ہے اور شہری شدید مشکلات کا سامنا کر رہے ہیں۔
حکام کے مطابق تیز آندھی کے باعث ہائی ٹرانسمیشن لائنوں کو نقصان پہنچا، جس سے 132 کے وی گڈو گرڈ بند ہو گیا اور گھوٹکی، ڈہرکی، میرپور ماتھیلو، اوباڑو سمیت کئی شہروں میں بجلی کا بریک ڈاؤن پیدا ہوگیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
بجلی کی طویل بندش کے باعث شہری اذیت میں مبتلا ہیں جبکہ کاروباری سرگرمیاں بھی متاثر ہوئی ہیں۔ گرمی اور حبس کے موسم میں بجلی کی عدم فراہمی نے عوام کی مشکلات میں مزید اضافہ کر دیا ہے۔
حکام کا کہنا ہے کہ سکھر الیکٹرک پاور کمپنی (سیپکو) کا عملہ متاثرہ ٹرانسمیشن لائنوں اور بجلی کے نظام کی بحالی کے لیے ہنگامی بنیادوں پر کام کر رہا ہے۔
متعلقہ حکام کے مطابق تمام متاثرہ علاقوں میں جلد از جلد بجلی بحال کرنے کی کوششیں جاری ہیں اور فنی خرابیوں کو دور کرنے کے لیے ٹیمیں فیلڈ میں موجود ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ