ایشیا کپ کے سپر فورمرحلے میں آج پاکستان اور سری لنکا آمنے سامنے ہوں گے
اشاعت کی تاریخ: 23rd, September 2025 GMT
data-id="863a0a8" data-element_type="widget" data-widget_type="theme-post-content.default">
ایشیا کپ کے سپر فور مرحلے میں آج پاکستان اور سری لنکا کی ٹیمیں ایک دوسرے کے مدِ مقابل ہوں گی۔
ٹی ٹوئنٹی ایشیا کپ 2025 کے سپر فور مرحلے میں آج پاکستان اور سری لنکا کے درمیان فیصلہ کن میچ ابوظہبی میں کھیلا جائے گا، جہاں گرین شرٹس کو فائنل تک رسائی برقرار رکھنے کے لیے لازمی فتح درکار ہے۔ شکست کی صورت میں اگر مگر کا کھیل شروع ہو جائے گا۔
دونوں ٹیمیں 2022 کے ایشیا کپ فائنل کے بعد پہلی بار ٹی ٹوئنٹی میچ کھیلیں گی، دونوں ٹیمیں سپر فور میں ایک ایک میچ ہار چکی ہیں، اس لیے آج کا مقابلہ فائنل کے امکانات کے لیے غیر معمولی اہمیت رکھتا ہے۔
ٹورنامنٹ کے اس اہم میچ سے قبل ٹیم مینجمنٹ نے ایک تبدیلی پر غور کیا ہے، امکان ہے کہ حسین طلعت کی جگہ نوجوان بیٹر حسن نواز کو ٹیم میں شامل کیا جائے، جبکہ فاسٹ بولنگ کے شعبے میں شاہین شاہ آفریدی اور حارث رؤف پر ہی انحصار کرنے کا فیصلہ کیا گیا ہے۔
اعداد و شمار کے مطابق پاکستان اور سری لنکا کے درمیان مجموعی طور پر 23 ٹی ٹوئنٹی میچز کھیلے جا چکے ہیں جن میں پاکستان کو 13 اور سری لنکا کو 10 میں کامیابی ملی، تاہم آخری پانچ مقابلوں میں سری لنکا نے برتری حاصل کی ہے۔
ایشیا کپ 2022 میں پاکستان اور سری لنکا کی ٹیمیں دبئی میں سپر فور کے مرحلے اور فائنل میں مدمقابل آئی تھیں، جہاں دونوں میچوں میں سری لنکا نے کامیابی حاصل کی، اس سے قبل 2019 میں بھی تین ٹی ٹوئنٹی میچوں پر مشتمل ہوم سیریز میں پاکستان کو سری لنکن ٹیم کے ہاتھوں وائٹ واش کا سامنا کرنا پڑا تھا۔
میچ سے قبل پاکستانی اوپنر صاحبزادہ فرحان نے کہا کہ کھلاڑی بھرپور اعتماد کے ساتھ میدان میں اتریں گے اور کامیابی کے لیے پرعزم ہیں۔ دوسری جانب سری لنکن کپتان نے واضح کیا کہ پاکستان کے خلاف میچ ان کے لیے انتہائی اہم ہے اور ٹیم کی کوشش ہوگی کہ اگلے دونوں میچز جیت کر فائنل میں جگہ بنائی جائے۔
پاکستان ٹیم 25 ستمبر کو اپنا تیسرا میچ بنگلادیش کے خلاف کھیلے گی، جبکہ سپر فور مرحلے سے کوالیفائی کرنے والی دو نمایاں ٹیمیں 28 ستمبر کو فائنل میں آمنے سامنے ہوں گی۔
یاد رہے کہ ایشیا کپ ٹی ٹوئنٹی کے سپر فور مرحلے کے دوسرے میچ میں بھارت نے پاکستان کو چھ وکٹوں سے شکست دی تھی۔ پاکستان کی جانب سے بھارت کو 172 رنز کا ہدف دیا گیا تھا، جسے بھارتی ٹیم نے انیسویں اوور میں چار وکٹوں کے نقصان پر با آسانی حاصل کرلیا۔
ذریعہ
ذریعہ: Jasarat News
کلیدی لفظ: پاکستان اور سری لنکا سپر فور مرحلے کے سپر فور ٹی ٹوئنٹی ایشیا کپ کے لیے
پڑھیں:
’اکیلا میسی کچھ نہیں کر سکتا‘، فٹبال لیجنڈ کا بیان
برازیل کے سابق اسٹار فٹبالر رونالڈو نازاریو نے 2026 فیفا ورلڈ کپ کے فائنل میں ارجنٹینا کے خلاف اسپین کی فتح کو ٹیم ورک کی بہترین مثال قرار دیتے ہوئے کہا ہے کہ صرف ایک کھلاڑی میچ کا فیصلہ نہیں کر سکتا۔
ہسپانوی اخبار سے گفتگو میں رونالڈو نے کہا کہ اگرچہ فائنل صرف ایک گول کے فرق سے ختم ہوا۔ تاہم، پورے میچ کے دوران اسپین کا مکمل غلبہ رہا۔
انہوں نے کہا کہ انہین زیادہ گولز کی توقع تھی لیکن وہ نہ ہو سکے، اس کے باوجود اسپین نے پورے مقابلے پر مکمل کنٹرول برقرار رکھا۔
رونالڈو کے مطابق ارجنٹینا کے کپتان لیونل میسی بھی اسپین کی اجتماعی کارکردگی کے سامنے فرق پیدا نہ کر سکے۔ انہوں نے کہا کہ ایک کھلاڑی اکیلا کچھ نہیں کر سکتا، اصل طاقت ٹیم اور مشترکہ کھیل میں ہوتی ہے۔
برازیل کے لیجنڈ نے ارجنٹینا کی فائنل تک رسائی کو سراہتے ہوئے اسپین کے کھیل کی بھی تعریف کی۔ ان کا کہنا تھا کہ اسپین کا اندازِ منفرد ہے اور مسلسل گیند پر کنٹرول ہی اس کی کامیابی کی بنیاد ہے۔
رونالڈو نے مزید کہا کہ اسپین نے ایک بار پھر ثابت کر دیا ہے کہ اجتماعی کھیل اور گیند پر مسلسل قبضہ جدید فٹبال میں کامیابی کی کنجی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم