پاکستان سنٹرل ایشیا کا گیٹ وے ہے، ٹرانزٹ ٹریڈ معاہدوں سے اخراجات میں کمی ہو گی: جام کمال خان
اشاعت کی تاریخ: 23rd, September 2025 GMT
وفاقی وزیر تجارت جام کمال خان نے کہا ہے کہ پاکستان سنٹرل ایشیا کا گیٹ وے ہے، ٹرانزٹ ٹریڈ معاہدوں سے تجارتی اخراجات میں نمایاں کمی آئے گی اور خطے میں اقتصادی سرگرمیوں کو فروغ ملے گا۔
وہ اسلام آباد میں 7 آسیان ممالک کے سفرا سے ملاقات کے موقع پر گفتگو کر رہے تھے۔ ملاقات میں پاکستان اور آسیان ممالک کے درمیان تجارتی، سرمایہ کاری اور عوامی روابط بڑھانے پر اتفاق کیا گیا۔
اجلاس میں انڈونیشیا، ملائیشیا، فلپائن، تھائی لینڈ، برونائی، ویتنام اور میانمار کے سفرا شریک ہوئے۔ وزیر تجارت نے آسیان ممالک کو ٹیکنالوجی، ہنر اور انفراسٹرکچر میں شراکت داری کی دعوت دیتے ہوئے کہا کہ آسیان کمپنیوں کے لیے سی پیک کے تحت خصوصی اقتصادی زونز سرمایہ کاری کے بہترین مواقع فراہم کرتے ہیں۔
مزید پڑھیں: کئی ممالک پاکستانی معدنیات میں سرمایہ کاری سے مطمئن ہیں، وزیر تجارت جام کمال خان
جام کمال خان نے وفود کو پاکستان کی نئی تجارتی پالیسی، گاڑیوں کی درآمدی پالیسی اور ٹیرف میں اصلاحات پر بریفنگ دی اور بتایا کہ پہلی بار پاکستان میں ٹریڈ ڈسپیوٹ ریزولوشن کمیشن قائم کیا گیا ہے تاکہ سرمایہ کاروں کو شفاف اور تیز تر سہولت فراہم کی جا سکے۔
ملاقات میں آسیان ممالک کے سفرا نے پاکستان کی معاشی پیشرفت اور استحکام پر اطمینان کا اظہار کیا۔ ملائیشین سفیر نے پاکستانی کمپنیوں کو چِپ میکنگ انڈسٹری میں کردار دینے کی پیشکش بھی کی۔
سفرا نے مذہبی سیاحت، ہنر کے تبادلے اور سپلائی چین شراکت داریوں کو مزید فروغ دینے پر بھی زور دیا۔ اتفاق کیا گیا کہ تجارتی و ادارہ جاتی تعاون بڑھانے کے لیے ایک جامع روڈ میپ تیار کیا جائے گا تاکہ خطے کے عوام کو براہِ راست فائدہ پہنچایا جاسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹرانزٹ ٹریڈ جام کمال خان سنٹرل ایشیا گیٹ وے.ذریعہ: WE News
کلیدی لفظ: پاکستان ٹرانزٹ ٹریڈ جام کمال خان سنٹرل ایشیا گیٹ وے جام کمال خان آسیان ممالک
پڑھیں:
صدر آصف علی زرداری کاشغر فری ٹریڈزون کے دورہ پر پہنچ گئے
سٹی42: پاکستان کے صدر آصف علی زرداری نے عوامی جمہوریہ چین کے زنجیانگ اینڈ یغور اٹانومس زون (سنکیانگ) کے دورہ کے دوران آج کاشغر شہر کے فری ٹریڈ زون کا وزٹ کیا۔
کاشغر فری ٹریڈ زون پہنچنے پر صدر آصف علی زرداری کا استقبال کاشغر کی کمیونسٹ پارٹی کے سیکرٹری یاو ننگ نے کیا۔
اس موقع پر پاکستان کے صدر کو فری ٹریڈ و زون کے قیام اور ترقی کے بارے میں جامع بریفنگ دی گئی۔
پاکستان اور سعودی عرب کا معاہدہ تاریخ ساز ہے؛ خواجہ آصف
کاشغر فری ٹریڈ زون ساڑھے تین مربع کلومیٹر پر محیط ہے۔
اس علاقہ میں ویئر ہاؤسنگ، لاجسٹکس، پروسیسنگ، کسٹمز اور ائیر فریٹ کی سہولیات موجود ہیں۔
کاشغر فری ٹریڈ زون کی تجارت دنیا کے 118 ممالک تک پھیلی ہوئی ہے، ان میں پاکستان بھی شامل ہے۔ کاشغر فری ٹریڈ زون سے پاکستان آنے والا شامان ٹرالرز کے ذریعہ سوست بارڈر عنور کر کے گلگت شہر پہنچایا جاتا ہے، یہاں سے یہ سامان پاکستان بھر میں کہیں بھی پہنچا دیا جاتا ہے۔
صدر آصف علی زرداری نے کاشغر کی تاریخی عیدگاہ مسجد کا وزٹ کیا
کاشغر فری ٹریڈ زون سے بجلی سے چلنے والی گاڑیاں، بیٹریاں، سولر سیل اور بہت سی ہائی ٹیک مصنوعات پاکستان اور دوسرے ملکوں کو برآمد کی جاتی ہیں۔
کاشغر فری ٹریڈ زون سڑک، ریل اور فضائی راستوں سے ایشیا اور یورپ سے منسلک ہے۔
کاشغر فری ٹریڈ زون کا الگ ا انٹرنیشنل ائیرپورٹ بھی ہے۔
یہ فری ٹریڈ زون سوست پورٹ، گلگت بلتستان اور گوادر پورٹ سے جڑا ہوا ہے۔
چودھری شجاعت حسین پاکستان باڈی بلڈنگ فیڈریشن کے چیئرمین منتخب
صدر مملکت نے فری ٹریڈ زون میں وسط ایشیائی ممالک، یورپ، جنوبی کوریا اور جاپان کے اسٹالز کا معائنہ کیا۔
صدر مملکت کو ڈیجیٹل ٹریڈ سینٹر اور ای کامرس نمائش گاہ کے بارے میں بھی آگاہ کیا گیا اور ازبکستان، کرغزستان کے تعاون سے بننے والے انڈسٹریل پارکس پر بھی بریفنگ دی گئی۔
یورپی ائیرپورٹس پر سائبر اٹیک؛ پاکستان سے بھی خبر سامنےآگئی
سینیٹر سلیم مانڈوی والا، وزیر سندھ سید ناصر حسین شاہ، اسلام آباد میں عوامی جمہوریہ چین کے سفیر اور بیجنگ میں پاکستان کے سفیر بھی ہمراہ تھے۔
انٹربینک مارکیٹ میں ڈالر کی نسبت روپیہ تگڑا