بنگلا دیش نے افغانستان کو وائٹ واش شکست دے کر ٹی 20 سیریز جیت لی
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
شارجہ کرکٹ اسٹیڈیم میں بنگلا دیش نے افغانستان کے خلاف 3 میچوں کی ٹی ٹوئنٹی سیریز میں 3-0 سے کلین سویپ مکمل کرتے ہوئے شاندار کارکردگی کا مظاہرہ کیا۔
سیریز کے آخری میچ میں بنگلا دیشی بلے باز سیف حسن نے شاندار بیٹنگ کرتے ہوئے ناقابلِ شکست 64 رنز بنائے اور اپنی ٹیم کو چھ وکٹوں سے فتح دلائی۔
میچ کے آغاز میں افغانستان نے ٹاس جیت کر بیٹنگ کی مگر اننگز کا آغاز مایوس کن رہا اور مقررہ 20 اوورز میں افغان ٹیم 9 وکٹوں کے نقصان پر صرف 143 رنز بنا سکی۔ اننگز کے آخری اوورز میں درویش رسولی اور مجیب الرحمان نے جارحانہ شاٹس لگا کر ٹیم کا اسکور بہتر کیا، ورنہ 100 رنز بھی مشکل نظر آ رہے تھے۔
بنگلا دیش کے بولرز نے بہترین لائن و لینتھ برقرار رکھی۔ شریف الاسلام، محمد سیف الدین، نسیم احمد اور رشید حسین نے نپی تلی بولنگ سے افغان بلے بازوں کو کھل کر کھیلنے کا موقع نہیں دیا۔
بعد ازاں ہدف کے تعاقب میں بنگلا دیش نے پر اعتماد انداز میں بیٹنگ کا آغاز کیا۔ تنزید حسن نے 33 رنز کی برق رفتار اننگز کھیلی، جب کہ سیف حسن نے ایک اینڈ پر ڈٹے رہتے ہوئے سات چھکوں اور دو چوکوں کی مدد سے اپنی ٹیم کو فتح کے قریب پہنچایا۔
کپتان جاکر علی 11 رنز اور شمیم حسین بغیر کوئی رن بنائے آؤٹ ہوئے، مگر نرول حسن نے آخر میں چھکا لگا کر جیت کو یقینی بنایا۔ افغانستان کی جانب سے مجیب الرحمان اور اظمت اللہ عمرزئی نے دو دو وکٹیں حاصل کیں، تاہم وہ ٹیم کو شکست سے نہ بچا سکے۔
اس کامیابی کے ساتھ بنگلا دیش نے ٹی ٹوئنٹی سیریز میں شاندار 3-0 وائٹ واش مکمل کیا۔ پہلے میچ میں 4 وکٹ اور دوسرے میچ میں 2 وکٹ سے فتح حاصل کرنے کے بعد یہ جیت ٹیم کے لیے اعتماد میں اضافے کا باعث بنی ہے۔
.
ذریعہ
ذریعہ: Jasarat News
کلیدی لفظ: بنگلا دیش نے
پڑھیں:
پاکستان ویسٹ انڈیز ٹیسٹ سیریز کی ٹرافی کی رونمائی، پہلا میچ کل سے شروع ہوگا
پاکستان اور ویسٹ انڈیز کے درمیان 2 ٹیسٹ میچوں پر مشتمل سیریز کی ٹرافی کی باضابطہ رونمائی کر دی گئی۔
پاکستانی ٹیم کے کپتان بابر اعظم اور ویسٹ انڈیز کے کپتان روومن پاول نے مشترکہ طور پر سیریز کی ٹرافی کی نقاب کشائی کی۔ تقریب ٹرینیڈاڈ میں واقع برائن لارا کرکٹ اکیڈمی میں منعقد ہوئی، جہاں دونوں کپتانوں نے ٹرافی کے ساتھ تصاویر بھی بنوائیں۔
پاکستان ویسٹ انڈیز ٹیسٹ سیریز
پاکستان اور ویسٹ انڈیز ٹیسٹ سیریز کے ٹرافی کی رونمائی کر دی گئی
کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی
ٹرافی کی رونمائی برائن لارا کرکٹ اکیڈمی میں کی گئی
دونوں ٹیموں کے درمیان پہلا ٹیسٹ میچ 25… pic.twitter.com/jw64f4bqZp
— PCB Media (@TheRealPCBMedia) July 24, 2026
پاکستان اور ویسٹ انڈیز کے درمیان ٹیسٹ سیریز کا پہلا میچ 25 جولائی سے شروع ہوگا۔ دونوں ٹیمیں سیریز کے آغاز سے قبل اپنی تیاریوں کو حتمی شکل دے رہی ہیں اور شائقین کو دلچسپ مقابلوں کی توقع ہے۔
کرکٹ ماہرین کے مطابق دونوں ٹیموں کے درمیان ٹیسٹ سیریز نہ صرف آئی سی سی ورلڈ ٹیسٹ چیمپئن شپ کے تناظر میں اہمیت رکھتی ہے بلکہ نوجوان اور تجربہ کار کھلاڑیوں کی کارکردگی بھی شائقین کی توجہ کا مرکز رہے گی۔ پاکستانی ٹیم سیریز میں عمدہ آغاز کرتے ہوئے ویسٹ انڈیز کی سرزمین پر کامیابی حاصل کرنے کے لیے پرعزم ہے، جبکہ میزبان ٹیم بھی ہوم گراؤنڈ کا بھرپور فائدہ اٹھانے کی کوشش کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برائن لارا پاکستان ٹرافی ٹیسٹ سیریز ویسٹ انڈیز
بھارت سے جنگ اور افغانستان میں کارروائی خارج ازامکان نہیں، وزیردفاع