فرانس: ایک شخص نے راہگیروں پر گاڑی چڑھا دی، 5 زخمی، 2 کی حالت نازک
اشاعت کی تاریخ: 6th, November 2025 GMT
پیرس: فرانس کے مغربی ساحل سے دور واقع سیاحتی جزیرے اولیرون (Oléron) میں ایک دل دہلا دینے والے واقعے میں ایک شخص نے اپنی گاڑی راہگیروں اور سائیکل سواروں پر چڑھا دی، جس کے نتیجے میں 5 افراد زخمی ہوگئے، جن میں سے 2 کی حالت تشویشناک بتائی جا رہی ہے۔
غیر ملکی میڈیا کے مطابق 35 سالہ مقامی شخص نے جان بوجھ کر اپنی گاڑی لوگوں پر دوڑائی بعد ازاں گاڑی کو آگ لگا دی، پولیس نے فوری کارروائی کرتے ہوئے حملہ آور کو گرفتار کر لیا، جس کے خلاف قتل کی کوشش کا مقدمہ درج کیا گیا ہے،
واقعہ صبح 8 بج کر 45 منٹ پر شروع ہوا اور تقریباً 35 منٹ تک جاری رہا۔ اس دوران کئی افراد خوف و ہراس میں اپنی جان بچانے کے لیے ادھر ادھر بھاگتے رہے۔
فرانسیسی وزیرِ داخلہ جیرالڈ دارمنین جائے وقوعہ پر پہنچے اور صحافیوں کو بتایا کہ تحقیقات جاری ہیں تاکہ یہ معلوم کیا جا سکے کہ آیا ملزم کی گاڑی میں گیس سلنڈر موجود تھے یا نہیں۔
وزیرِ داخلہ کے مطابق ملزم کے پولیس ریکارڈ میں چھوٹے جرائم درج ہیں، تاہم اس کا کسی شدت پسند تنظیم یا انتہا پسندی کے نظریات سے کوئی تعلق نہیں پایا گیا، کئی دیگر افراد جسمانی طور پر محفوظ رہے مگر انہوں نے یہ خوفناک منظر اپنی آنکھوں سے دیکھا، جس کے باعث وہ نفسیاتی طور پر شدید متاثر ہیں۔
حکام کے مطابق زخمیوں میں ایک 22 سالہ خاتون شامل ہے جو متعدد زخموں کے باعث نازک حالت میں ہے، جبکہ دوسرا شدید زخمی 69 سالہ سائیکل سوار ہے، پولیس اور فرانسیسی تحقیقاتی ادارے واقعے کے محرکات اور حملہ آور کے پس منظر کا جائزہ لے رہے ہیں تاکہ معلوم کیا جا سکے کہ یہ اقدام کسی ذاتی تنازع کا نتیجہ تھا یا کسی بڑے منصوبے کا حصہ۔
.
ذریعہ: Al Qamar Online
پڑھیں:
شمالی وزیرستان:ڈی پی او کی گاڑی پر حملہ،5اہلکارلہولہان
data-id="863a0a8" data-element_type="widget" data-widget_type="theme-post-content.default">
پشاور:شمالی وزیرستان میں دہشت گردی کی واردات میں ڈی پی او وقار خان کی گاڑی پر مسلح شدت پسندوں نے حملہ کیا جس میں وہ محفوظ رہے تاہم5پولیس اہلکار فائرنگ سے زخمی ہوئے ہیں۔
پولیس کے ایک ترجمان نے اس واقعے کی تفصیلات بتاتے ہوئے کہا ہے کہ ڈی پی او شمالی وزیرستان وقار خان اپنے سکواڈ کے ساتھ شمالی وزیرستان سے بنوں آ رہے تھے کہ میران شاہ روڈ نزد فلور ملز میں گھات لگا کر مسلح شدت پسندوں نے ان پر فائرنگ کی۔
بی بی سی کے مطابق شدت پسندو نے خودکار اور بھاری اسلحے کا استعمال کیا، تاہم ڈی پی او اور ان کے سکواڈ نے دلیری اور پیشہ ورانہ مہارت سے بھرپور جوابی کارروائی کی جس کے نتیجے میں متعدد شدت پسند ہلاک ہوئے جبکہ باقی فرار ہوگئے۔
واقعے میں پولیس کے 5اہلکار زخمی ہوئے جنھیں فوری طور پر ڈی ایچ کیو ہسپتال منتقل کر کے طبی امداد فراہم کی گئی۔
پولیس ترجمان کے مطابق ڈی پی او وقار خان اور ان کا سکواڈ سنگین نقصان سے محفوظ رہے کیونکہ ڈی پی او وقار خان کی گاڑی بلٹ پروف تھی اور باقی گاڑیوں پر بلٹ پروف حفاظتی شیٹس لگی ہوئی تھیں۔
ترجمان کے مطابق بنوں پولیس نے فوری طور پر علاقے کو گھیرے میں لے کر سرچ آپریشن شروع کر دیا۔
بعد ازاں ڈی آئی جی بنوں ریجن سجاد خان اور ڈی پی او شمالی وزیرستان وقار خان نے زخمی اہلکاروں سے عیادت کی اور ڈاکٹروں کو بہترین طبی سہولیات فراہم کرنے کی ہدایات دیں۔
ڈی آئی جی بنوں ریجن سجاد خان اور ڈی پی او وقار خان نے کہا کہ شدت پسندوں کے بزدلانہ حملے ہمارے حوصلے پست نہیں کر سکتے۔
انھوں نے کہا کہ پولیس فورس عوام کے جان و مال کے تحفظ کے لیے ہر وقت پرعزم ہے اور ایسے ہر حملے کا بھرپور جواب دیا جائے گا۔
ترجمان ریجنل پولیس آفیسر بنوں نے کہا ہے کہ علاقے میں امن و امان کے قیام کے لیے تمام دستیاب وسائل بروئے کار لائے جائیں گے۔
پشاور میں تیز دھار آلے کے وار سے 3افراد قتل