بھارت سے افریقہ جانے والا تیل بردار جہاز صومالیہ میں قزاقوں نے قبضے میں لے لیا
اشاعت کی تاریخ: 6th, November 2025 GMT
MOGADISHU:
صومالیہ میں قزاقوں نے بھارت سے جنوبی افریقہ جانے والا مغربی ملک مالٹا کا تیل بردار جہاز حملے کے بعد قبضے میں لے لیا تاہم جہاز کے منیجر نے بتایا کہ عملے کے 24 ارکان محفوظ ہیں۔
غیرملکی خبرایجنسی کی رپورٹ کے مطابق ہیلاس ایفروڈائٹ نامی جہاز کے یونانی منیجر لیٹسکو میرین نے بتایا کہ جہاز بھارت سے جنوبی افریقہ جا رہا تھا اور راستے جمعرات کی صبح واقعہ پیش آیا ہے تاہم مزید تفصیلات نہیں بتائیں۔
ان کا کہنا تھا کہ جہاز کے عملے کے تمام 24 ارکان محفوظ ہیں اور ہمارا ان کے ساتھ قریبی رابطہ ہے، مدد کے لیے ہنگامی ٹیم کو متحرک کردیا گیا ہے اور عملے کی حفاظت اور مدد یقینی بنانے کے لیے حکام سے رابطے کیے گئے ہیں۔
یورپی یونین کی بحری فورس نے بتایا کہ ان کا ایک جہاز جائے وقوع کے قریب تھا اور قریب جا رہا تھا تاہم اس واقعے کے بعد کارروائی کے لیے اقدامات کر رہے ہیں۔
اس سے قبل میری ٹائم سیکیورٹی کے ادارے ایمبرے نے بتایا کہ قزاقوں نے جہاز پر فائرنگ کی تھی، ذرائع نے بتایا کہ قزاقوں کی جانب سے راکٹ گرینیڈ کا بھی حملہ کیا گیا۔
سیکیورٹی کمپنی ڈائیپلوس نے بتایا کہ جہاز کے عملے نے جہاز کے اندر قلعے میں پناہ لی یا محفوظ کمرے میں چلے گئے اور وہیں موجود رہے جبکہ خطے میں موجود یورپی یونین کی بحری فورس مدد طلب کرلی گئی ہے۔
خطے میں مسلح قزاقوں کی جانب سے جہاز پر حملوں میں اضافہ دیکھنے میں آیا ہے اور ان واقعات کی وجہ سے بحری جہازوں کی آمد و رفت کے حوالے سے خدشات بھی بڑھ گئے ہیں جبکہ اسی راستے سے عالمی مارکیٹ تک انتہائی اہم پیٹرولیم مصنوعات کی ترسیل ہوتی ہے۔
رپورٹ کے مطابق اس طرح کا واقعہ مئی 2024 میں پیش آیا تھا جب قزاقوں نے موغادیشو سے تقریباً 380 میل دور لائبیریا کا جہاز باسیلیک کو قبضے میں لیا تھا تاہم یورپی یونین کی بحری فورس نے عملے کے 17 ارکان کو بازیاب کروالیا تھا۔
سیکیورٹی کمپنی نے بتایا کہ قزاقوں نے حملے میں استعمال کے لیے رواں ہفتے ایران کے ماہی گیروں کی کشتی بھی قبضے میں لے لی تھی۔
.
ذریعہ
ذریعہ: Express News
کلیدی لفظ: نے بتایا کہ جہاز کے کے لیے
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
بھارت سے جنگ اور افغانستان میں کارروائی خارج ازامکان نہیں، وزیردفاع