8 لاکھ روپے لے کر آسٹریلیا کا جعلی ورک ویزا دینے والا گرفتار
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) وفاقی تحقیقاتی ادارے (ایف آئی اے) کے انسدادِ انسانی اسمگلنگ سرکل نے کارروائی کرتے ہوئے شہریوں کو جعلی آسٹریلوی ورک ویزے کے ذریعے لوٹنے والے انسانی اسمگلر کو گرفتار کرلیا۔ ایف آئی اے ترجمان کے مطابق گرفتار ملزم کاشف رضا گلشن اقبال کراچی کا رہائشی ہے جو خود کو بیرونِ ملک روزگار دلانے والا ایجنٹ ظاہر کرتا تھا۔ ملزم نے رجسٹرڈ اوورسیز ایمپلائمنٹ پروموٹر نہ ہونے کے باوجود ایک شہری سے 8 لاکھ روپے ایڈوانس وصول کیے جبکہ مجموعی طور پر 28 لاکھ روپے میں آسٹریلیا کے ورک ویزے کا جعلی معاہدہ کیا تھا۔ تحقیقات میں انکشاف ہوا کہ ملزم نے شہری کو جعلی ویزا فراہم کرکے بیرونِ ملک بھجوانے کا جھانسہ دیا تاہم ایف آئی اے کو شکایت موصول ہونے پر فوری کارروائی کرتے ہوئے اسے حراست میں لے لیا گیا۔ ترجمان کے مطابق ملزم کے خلاف انسدادِ انسانی اسمگلنگ ایکٹ کے تحت مقدمہ درج کرلیا گیا ہے جبکہ اس کے نیٹ ورک اور ممکنہ متاثرین کی تلاش کے لیے مزید تفتیش جاری ہے۔ ذرائع کے مطابق ایف آئی اے نے شہریوں کو متنبہ کیا ہے کہ وہ صرف اوورسیز ایمپلائمنٹ کارپوریشن یا بیورو آف امیگریشن کے منظور شدہ ایجنٹس سے ہی ویزا خدمات حاصل کریں تاکہ جعلسازی اور انسانی اسمگلنگ جیسے جرائم کا شکار ہونے سے محفوظ رہ سکیں۔
ذریعہ: Jasarat News
کلیدی لفظ: ایف ا ئی اے
پڑھیں:
لاہور: شہریوں کو ہنی ٹریپ کرنے والا گروہ گرفتار، نقب زن گینگ بھی دھر لیا گیا
نواب ٹاؤن پولیس نے سوشل میڈیا کے ذریعے شہریوں کو ہنی ٹریپ میں پھنسانے والا گروہ گرفتار کر لیا جبکہ چوہنگ تھانے کی حدود میں نقب زنی کرنے والا ایک گروہ بھی دھر لیا گیا۔
یہ بھی پڑھیں: لاہور میں نوسرباز دَم کرنے کے بہانے بھاری مالیت کا سونا اور نقدی لے اُڑا
ایس پی صدر رانا حسین طاہر کے مطابق ملزمان انسٹاگرام پر دوستی کے ذریعے شہریوں کو ہنی ٹریپ کا نشانہ بناتے تھے۔ بعد ازاں وہ متاثرہ شہریوں کی قابل اعتراض ویڈیوز بنا کر تشدد کرتے اور نقدی و قیمتی سامان لوٹ لیتے تھے۔
پولیس کے مطابق گرفتار ملزمان میں رضا، خرم اور سلیمان شامل ہیں۔
ملزمان سے مزید تفتیش جاری ہے اور پولیس کا کہنا ہے کہ ملزمان نے دوران تفتیش 6 وارداتوں کا اعتراف بھی کیا ہے۔
ملزمان شہریوں سے نقدی چھیننے، بینک اکاؤنٹس سے رقم ٹرانسفر کرانے اور یہاں تک کہ ایک شہری رضا وقار کی گاڑی اپنے نام منتقل کرانے کی کوشش بھی کر چکے ہیں۔
مزید پڑھیے: عمرے کی ادائیگی سے واپسی پر خاتون 20 تولہ سونا چوری کے الزام میں گرفتار
ایس پی صدر کے مطابق گروہ کے تمام ارکان کو گرفتار کر کے مزید قانونی کارروائی شروع کر دی گئی ہے۔
نقب زن گینگ گرفتار، پولیس اہلکار بھی شاملدوسری جانب چوہنگ پولیس نے کارروائی کرتے ہوئے 5 رکنی نقب زن گینگ کو گرفتار کر لیا ہے۔
حیران کن طور پر گرفتار ملزمان میں حاضر سروس اور برخاست شدہ پولیس اہلکار بھی شامل ہیں۔
پولیس کے مطابق گینگ میں شامل کانسٹیبل علی حیدر اے آر ایف میں تعینات ہے جبکہ دوسرا ملزم راحت علی سابق پولیس اہلکار ہے جو کچھ عرصہ قبل ڈسمس ہوا تھا۔ دیگر گرفتار ملزمان میں علی، فیصل اور سلیم شامل ہیں۔
کارروائی کے دوران پولیس نے ملزمان سے ڈیڑھ کروڑ روپے سے زائد مالیت کا سونا، نقدی اور دیگر قیمتی اشیا برآمد کیں۔
مزید پڑھیں: لاہور: پولیس کانسٹیبل کی واردات، کباڑیے سے مل کر 40 موٹر سائیکلیں چرا لیں
پولیس کے مطابق گرفتار افراد نے دوران تفتیش کروڑوں روپے مالیت کی متعدد وارداتوں کا انکشاف کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لاہور پولیس نقب زن گینگ ہنی ٹریپ گینگ
مارشل آرٹس اسٹار راشد نسیم نے مزید 4 نئےعالمی ریکارڈز بنا ڈالے