مبین راجپوت کی EOBIملازم کے نارواسلوک کی مذمت
اشاعت کی تاریخ: 15th, December 2025 GMT
data-id="863a0a8" data-element_type="widget" data-widget_type="theme-post-content.default">
ایمپلائز اولڈ ایج بینیفٹ انسٹی ٹیوشن (EOBI) اس ادارہ کا قیام ملک کے غریب محنت کشوں کو ریٹائرمنٹ کے بعد پنشن اداکرنے کے لیے قائم کیا گیا تھا تا کہ غریب محنت کشوں کا بھلا ہوسکے، لیکن بد قسمتی سے آج اس ادارے کے افسران محنت کشوں کو کسی خاطر میں نہیں لاتے او ر ان غریب محنت کشوں کو پنشن کے حصول کے لیے در در کی ٹھوکریں کھانے کے لیے مجبور کر دیتے ہیں اور بالآخر غریب محنت کش تھک ہار کر یا تو اپنی زندگی ختم کر لیتے ہیں یا پھر گھر بیٹھنے کو ترجیحی دیتے ہیں لیکن اگر کچھ غریب محنت کشوں کے نمائندوں لیبر فیڈریشن کے عہدیداران کے ذریعے اپنی جائز اور قانونی پنشن کے حصول کے لیے لیبر فیڈریشن کے نمائندوں کو اپنے مسائل حل کروانے کے لیے دیتے ہیں جس پر EOBI کے افسران کا رویہ انتہائی جارحانہ اور تکلیف دہ ہوتا ہے جس کی تازہ مثال یہ ہے کہ نیشنل ریفائنری کنٹریکٹر ورکرز یونین CBAکے جنرل سیکرٹری شاکر محمود صدیقی جب ایمپلائز اولڈ ایج بینیفٹ کی ایڈجوکیٹنگ اتھارٹی میں غریب محنت کشوں کا پنشن کا کیس جمع کروانے گئے جو کہ EOBIریجنل آفس کورنگی کے ریجنل ہیڈ نے ظالمانہ اقدام کرتے ہوئے کورنگی ریجن نے محنت کش کی منیمم پنشن بنائی جبکہ اس کی پنشن فارمولہ پنشن ہونی چاہیے تھی کیونکہ اس کی سروس بہت زیادہ تھی اسی محنت کش کا کیس جمع کرتے ہوئے EOBI کے ملازم عرفان احمد جو کہ درخواستیں وصول کرتے ہیں اس نے درخواست لیتے ہی فورا فیصلہ صادر کردیا کہ یہ پنشن صحیح بنی ہے جس پر تکرار کی گئی تو عرفان احمد جو کہEOBIکا ملازم ہے اور اس کی ذمہ داری ہے کہ محنت کشوں کے ساتھ انتہائی نرم رویہ اور سکون سے محنت کشوں کے دکھ درد سن کر اس کا ازالہ کرے جبکہ ازالہ کرنے کے بجائے انتہائی بد تمیزی اور مغلظات بکنا شروع کردیں اور دھمکیاں دیتے ہوئے کہا کہ میرا کوئی کچھ نہیں بگاڑ سکتا۔ عرفان احمد کی اس حرکت کی وجہ سے معاملہ انتہائی خراب ہونے کا اندیشہ پیدا ہو گیا۔ اس موقع پر نیشنل لیبر فیڈریشن حیدرآباد زون کے سینئر نائب صدر مبین راجپوت نے چیئرمین EOBI، ڈائریکٹر جنرل EOBI اور بورڈ آف ٹرسٹی کے ارکان اور تمام محنت کشوں کی جملہ تنظیموں فیڈریشنوں سے مطالبہ کرتے ہوئے کہا کہ عرفان احمد کی دھمکیوں اور بدمعاشی کو ختم کیا جائے۔ عرفان احمد کو فوری طور پر معطل کیا جائے اور غیر جانبدارانہ تحقیقات کرکے اس کو قرار واقعی سزا دی جائے اور مزید یہ کہ سندھ کے تمام ریجنل ہیڈ اور ان کے افسران کو پابند کیا جائے کہ وہ محنت کشوں کے ساتھ اور لیبر فیڈریشن کے نمائندوں کے ساتھ اخلاق سے پیش آئیں۔ بصورت دیگر نیشنل لیبر فیڈریشن پاکستا ن بھر میں EOBIکے ظالم افسران کے خلاف سخت احتجاج پر مجبور ہوگی۔
ذریعہ
ذریعہ: Jasarat News
کلیدی لفظ: لیبر فیڈریشن محنت کشوں کے عرفان احمد کے لیے
پڑھیں:
چیئرمین وزیراعظم یوتھ پروگرام رانا مشہود احمد خاں کا امریکہ کی معروف یونیورسٹیوں کا دورہ
سٹی 42: چیئرمین وزیراعظم یوتھ پروگرام رانا مشہود احمد خاں نے امریکہ کی معروف یونیورسٹیوں کا دورہ کیا ۔
یونیورسٹی آف شکاگو کا دورہ
چیئرمین رانا مشہود احمد خاں نے کہا وزیراعظم یوتھ پروگرام نوجوانوں کو تعلیم، ہنر، روزگار اور عالمی مواقع سے جوڑنے کے لیے مؤثر اقدامات کر رہا ہے، ڈیجیٹل مہارتوں، قیادت اور کاروباری صلاحیتوں کے فروغ کے لیے عالمی اداروں کے ساتھ تعاون نوجوانوں کے روشن مستقبل کے لیے ضروری ہے۔ پاکستانی نوجوانوں کے لیے مختصر مدتی تربیتی پروگرام، کیریئر تیاری اور جدید مہارتوں کے مواقع پیدا کیے جا رہے ہیں، عالمی جامعات کے ساتھ شراکت داری پاکستان کے نوجوانوں کو بین الاقوامی معیار کی تعلیم اور مواقع فراہم کرے گی، یونیورسٹی آف شکاگو نے وزیراعظم یوتھ پروگرام کے ساتھ نوجوانوں کی ترقی اور تعلیمی تعاون کو فروغ دینے میں دلچسپی کا اظہار کیا.
آئی جی پنجاب نے27افسران کے تقرروتبادلے کر دیے
یونیورسٹی آف الینوائے شکاگو (UIC) کا دورہ
چیئرمین رانا مشہود احمد خاں نے کہا جدید تحقیق، طبی تعلیم اور ڈیجیٹل ہیلتھ کے شعبوں میں عالمی تعاون نوجوانوں کے لیے نئے راستے کھولے گا، جدید ٹیکنالوجی، تحقیق اور جدت کے شعبوں میں تعاون کے ذریعے پاکستانی نوجوانوں کو مستقبل کے تقاضوں کے مطابق تیار کیا جا سکتا ہے، وزیراعظم یوتھ پروگرام نوجوانوں کو جدید علوم اور عالمی معیار کی مہارتوں سے آراستہ کرنے کے لیے کوشاں ہے، پاکستان اور امریکہ کے درمیان تعلیمی و تحقیقی روابط کو مزید مضبوط بنانا حکومت کی اہم ترجیحات میں شامل ہے، یونیورسٹی آف الینوائے شکاگو (UIC) نے پاکستان کے ساتھ تحقیق، طبی تعلیم اور جدید ٹیکنالوجی کے شعبوں میں تعاون بڑھانے پر اتفاق کیا.
آج شام و رات سے 27 جولائی تک مزید بارشوں کی پیشگوئی
ڈی پال یونیورسٹی کا دورہ
چیئرمین رانا مشہود احمد خاں نے کہا نوجوانوں کو ڈیجیٹل مہارتوں، کاروباری صلاحیتوں اور قائدانہ تربیت سے آراستہ کرنا وقت کی اہم ضرورت ہے،پاکستانی طلبہ کی بڑھتی ہوئی تعداد دونوں ممالک کے مضبوط تعلیمی تعلقات کی عکاس ہے، بیرونِ ملک زیر تعلیم پاکستانی نوجوان ملک کے بہترین سفیر ہیں، وزیراعظم یوتھ پروگرام عالمی تعلیمی اداروں کے تعاون سے نوجوانوں کے لیے مزید مواقع پیدا کرنے کے لیے پرعزم ہے، ڈی پال یونیورسٹی نے پاکستانی نوجوانوں کے لیے تعلیمی مواقع، ڈیجیٹل مہارتوں اور تربیتی پروگراموں میں تعاون کی خواہش کا اظہار کیا.
لیونل میسی کا بین الاقوامی فٹبال سے ریٹائرمنٹ کا فیصلہ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم