سوئس شہری کی ایران کی جیل میں مبینہ خود کشی
اشاعت کی تاریخ: 10th, January 2025 GMT
اسلام آباد (اُردو پوائنٹ ۔ DW اردو۔ 10 جنوری 2025ء) میزان نیوز ایجنسی نے ایران کے صوبہ سمنان کے چیف جسٹس کے حوالے سے بتایا کہ ایران میں جاسوسی کے الزام میں زیر حراست سوئس شہری نے جمعرات کو جیل میں خودکشی کر لی۔ سوئس شہری کو تہران کے مشرق میں تقریباً 180 کلومیٹر کے فاصلے پر واقع سمنان کی ایک جیل میں رکھا گیا تھا۔
میزان نے صوبے کے محکمہ انصاف کے سربراہ محمد صدیق اکبری کے حوالے سے کہا، "آج صبح، ایک سوئس شہری نے سمنان جیل میں خودکشی کر لی۔
اس سوئس شہری کو سکیورٹی ایجنسیوں نے جاسوسی کے الزام میں گرفتار کیا تھا... اور ان کے کیس کی تفتیش کی جا رہی ہے۔"
ایران نے پھانسی مخالف ٹویٹ پر سوئس سفیر کو طلب کر لیا
میزان نے صدیق اکبری کے حوالے سے کہا، "اس شخص کو بچانے کی کوششیں ناکام رہیں۔
(جاری ہے)
"
سوئس شہری کی موت کی خبر ایرانی جیل سے ایک اطالوی شہری کی رہائی کے ایک دن بعد سامنے آئی ہے۔
تاہم ہلاک ہونے والے قیدی کی شناخت ظاہر نہیں کی گئی۔ سوئس حکام ایران کے ساتھ رابطے میںسوئس فارن افیئر ڈیپارٹمنٹ (ایف ڈی ایف اے) نے ایک ای میل میں اپنے اس شہری کی موت کی تصدیق کر دی ہے۔ ایف ڈی ایف اے نے کہا کہ تہران میں اس کا سفارت خانہ مقامی حکام سے رابطے میں ہے تاکہ یہ معلوم کیا جا سکے کہ اصل میں کیا ہوا۔
ایران میں جاسوسی کے الزامات پر گرفتار مغربی شہری کون ہیں؟
ایف ڈی ایف اے کے ترجمان پیئر آلاں ایلٹشنگر نے ای میل میں لکھا، "تہران میں سوئس سفارت خانہ مقامی حکام سے ایرانی جیل میں موت کے حالات کو واضح کرنے کے لیے رابطے میں ہے"۔
سوئٹزرلینڈ امریکہ اور ایران کے درمیان ایک اہم ثالثی کا کردار ادا کرتا ہے۔
یہ وسطی یورپی ملک اس وقت سے واشنگٹن کے لیے اہم ثالث کا کردار ادا کر رہا ہے، جب 1979 میں ایرانی انقلاب اور یرغمالیوں کے بحران کی حمایت میں امریکہ نے اپنے سفارت خانے پر قبضے کے بعد تہران کے ساتھ اپنے سفارتی تعلقات ختم کر دیے تھے۔
ج ا ⁄ (اے پی، روئٹرز، اے ایف پی)
ذریعہ: UrduPoint
پڑھیں:
کراچی، عیدالاضحیٰ پر پیشہ ور قصاب ملنا محال، ہوشربا معاوضے سے شہری پریشان
پیشہ ور قصابوں کی قلت کے باعث موسمی قصائی عید پر اپنا ہنر دکھائیں گے۔ عیدالاضحیٰ پر اجرت پر مزدوری کرنے والے افراد تین روز کیلئے موسمی قصائی بن جاتے ہیں۔ اسلام ٹائمز۔ عیدالاضحیٰ کے موقع پر شہریوں کے سنت ابراہیمی ادا کرنے کیلئے پیشہ ور قصاب کو تلاش کرنا ایک بڑا مسئلہ بن گیا ہے۔ پیشہ ور قصابوں نے امسال جانوروں کی قربانی کے نرخ میں 30 سے 50 فیصد اضافہ کر دیا ہے۔ کراچی کے علاقے لیاقت آباد کے پیشہ ور قصاب نے بتایا کہ عیدالاضحیٰ پر قربانی کے جانوروں کو ذبح کرنے کے ریٹ ہر علاقے میں الگ الگ ہیں، جانوروں کو ذبح کرنے کے ریٹ کا تعین اس کے وزن کو مدنظر رکھتے ہوئے کیا گیا ہے۔ پیشہ ور قصابوں نے عیدالاضحیٰ سے تین روز قبل بکنگ بند کر دی ہے۔ عیدالاضحیٰ پر ہلکے وزن کے بڑے جانور کم ازکم نرخ 20 ہزار اور زیادہ سے زیادہ 30 ہزار روپے سے زائد ہیں۔ دوسرے دن کے 18 ہزار اور تیسرے دن کے 15 ہزار روہے ریٹ ہیں۔ زائد وزن کے جانور کے ریٹ بات چیت کے ذریعے طے کیے گئے ہیں۔
پیشہ ور قصابوں نے ایک جانور کے بجائے محلہ کی سطح پر زائد جانور قربان کرنے کی بکنگ کی ہے، گزشتہ برس عیدالاضحیٰ پر پیشہ ور قصابوں نے بڑے جانور کو قربان کرنے کے ریٹ 15 سے 25 ہزار یا اس سے زائد وصول کیے تھے۔ بکرے اور دنبہ کے ریٹ اس سال 8 ہزار سے 15 ہزار روہے تک ہیں۔ دوسرے اور تیسرے روز چھوٹے جانوروں کو قربان کرنے کے ریٹ میں 30 سے 50 فیصد کمی ہو جاتی ہے۔ پیشہ ور قصابوں نے پوش علاقوں میں قربانی کے جانوروں کو ذبح کرنے کی بکنگ زیادہ کی ہے، کیونکہ وہاں مناسب اور اچھا معاوضہ ملتا ہے۔ پیشہ ور قصابوں کی قلت کے باعث موسمی قصائی عید پر اپنا ہنر دکھائیں گے۔ عیدالاضحیٰ پر اجرت پر مزدوری کرنے والے افراد تین روز کیلئے موسمی قصائی بن جاتے ہیں۔ یہ موسمی قصائی پیشہ ور قصابوں کے مقابلے میں 30 سے 50 فیصد کم معاوضہ پر جانور قربان کرتے ہیں۔ ان موسمی قصائیوں کو متوسط علاقوں میں زیادہ مزدوری مل جاتی ہے اور یہ گروپ کی شکل میں دیہاڑی لگاتے ہیں۔
نواز شریف طبی معائنے کے لئے لندن روانہ، شام 6 بجے پہنچیں گے