پشاور، ڈرگ فری مہم میں مبینہ بے قااعدگیوں کا انکشاف
اشاعت کی تاریخ: 4th, November 2025 GMT
پشاور:
ڈرگ فری پشاور مہم میں مبینہ بے قاعدگیوں کا انکشاف ہوا ہے اور محکمہ سماجی بہبود کے ڈپٹی ڈائریکٹر کو بھی معطل کر دیا گیا۔
ایکسپریس نیوز کو ذرائع نے بتایا کہ ڈرگ فری پشاور مہم میں مبینہ بے قاعدگیوں سے متعلق رواں سال ستمبر میں انکوائری شروع کی گئی تھی۔
ذرائع کے مطابق ڈرگ فری پشاور مہم پر پہلے مرحلے پر 32 کروڑ، دوسرے اور تیسرے مرحلے پر 16 کروڑ روپے کے اخراجات آئے تھے جبکہ مہم کو سابق صوبائی وزیر اور ڈپٹی کمشنرکے دور اقتدار میں شروع کیا گیا تھا۔
ذرائع کا کہنا تھا کہ ڈرگ فری پشاور منصوبے میں مبینہ بے قاعدگیوں اور کرپشن پر مزید ملازمین کے خلاف بھی کارروائی کی جائے گی، ملازمین پر ڈرگ فری پشاور مہم میں من پسند نجی تنظیموں کو ٹھیکے دینے کے الزامات بھی سامنے آئے ہیں۔
سیکریٹری سماجی بہبود نذر محمد کے مطابق منصوبے کی مجموعی لاگت 515 ملین تھی، منصوبہ تین فیز پر مشتمل تھا اور اسے مالی سال 23-2022 میں شروع کیا گیا تھا۔
انہوں نے کہا کہ منصوبے کے تحت 4 ہزار 485 افراد کاعلاج کیا گیا ہے، منصوبے میں نجی بحالی سینٹرز اور نجی اسپتالوں کے ساتھ معاہدے طریقہ کار کے تحت کیے گئے، جس کے لیے باضابطہ مختلف ڈپارٹمنٹس کے نمائندہ افراد پر مشتمل کمیٹی بنائی گئی تھی، انہوں نے باضابطہ وزٹ کرکے بحالی سینٹرز اور اسپتالوں کو منتخب کیا۔
سیکریٹری کی جانب سے فراہم کردہ دستاویزات کے مطابق صرف ایک سینٹر میں سینیٹیشن اور وینٹیلیشن کا مسئلہ تھا تاہم کسی قسم کی سرکاری پیسوں کی ادائیگی نہیں کی گئی، ادائیگی بہت سے کیسز میں معائنہ اور تصدیق کرکے ایڈجسٹمنٹ کے بعد کی جاتی ہے۔
ان کا کہنا تھا کہ محکمے کا آڈٹ اور ذمہ داری کا ربوسٹ سسٹم ہے، حتمی ادائیگی عائد کردہ جرمانوں کی ایڈجسٹمنٹ کے بعد کی جاتی ہے۔
سیکریٹری نے تردید کرتے ہوئے وضاحت کی کہ پیسوں کی کوئی بے ضابطگی نہیں ہوئی ہے تاہم صرف پروسیجرل مسئلے ہیں۔
.ذریعہ: Express News
کلیدی لفظ: ڈرگ فری پشاور مہم
پڑھیں:
پنجاب میں شفاف منصوبے اور فلاحی اقدامات جاری ہیں، عظمیٰ بخاری
سٹی42:وزیر اطلاعات و ثقافت پنجاب عظمیٰ بخاری نے پریس کانفرنس کرتے ہوئے کہا کہ سیلاب متاثرین میں اب تک 10 ارب روپے تقسیم کیے جا چکے ہیں جبکہ پنجاب حکومت کے تمام منصوبے کرپشن سے پاک ہیں۔ ان کا کہنا تھا کہ بیوروکریسی کی کارکردگی (KPI) مانیٹرنگ کی جا رہی ہے اور صوبے میں صفائی کا تاریخی نظام قائم ہے، جہاں ایک لاکھ 40 ہزار 400 ورکرز اور 2 ہزار افسران خدمات انجام دے رہے ہیں۔
آئی سی سی سہ ماہی اجلاس کا آغاز آج سے دبئی میں ہو گا
صوبائی وزیر اطلاعات و ثقافت عظمی بخاری نے میڈیا سے بات کرتے ہوئے کہا کہ آج سے وزیراعلی پنجاب کے کاموں کی تفصیلات دی جائیں گی، ان کا کہنا تھا کہ آج سولہ منصوبوں بارے معلومات فراہم کروں گی،صوبائی وزیر اطلاعات نے کہا کہ بہت سے کام ایسے ہیں جن کا کبھی اعلان بھی نہیں کیا گیا، دس ملین سے زائد روپے سیلاب متاثرین میں بانٹے جا چکے ہیں، سیلاب آنے کے دو ماہ کے اندر اندر تمام لوگوں کو مالی معاونت فراہم کر دی جائے گی۔
سال 2025 کا روشن ترین سپر مون کل رات آسمان پر نمودار ہوگا
اپنی چھت اپنا گھر پراجیکٹ:
اُن کا کہنا ہے کہ ’’اپنی چھت اپنا گھر پراجیکٹ‘‘ کے تحت ایک لاکھ 4ہزار 8سو خاندانوں کو قرضہ فراہم کر دیا گیا ہے، اس منصوبے کے تحت 30ہزار گھر بن چکے ہیں، اس منصوبے کے تحت روزانہ 290 گھر بن رہے ہیں،انہوں نے کہا کہ واسا کا توسیعی منصوبہ بھی شروع کیا گیا، پنجاب کے 38 شہروں میں واسا کو پھیلایا گیا۔عظمیٰ بخاری نے مزید بتایا کہ مئی سے اکتوبر تک گھروں کی تعمیر میں 588 فیصد اضافہ ریکارڈ کیا گیا۔ واسا کی 14 نئی ایجنسیاں قائم کی جا چکی ہیں، جس سے مجموعی تعداد دسمبر تک 38 ہو جائے گی۔
پھلوں اور سبزیوں کی آج کی ریٹ لسٹ ۔منگل 04نومبر ، 2025
ستھرا پنجاب:
انہوں نے بتایا کہ صوبے میں اب تک 94 لاکھ 4 ہزار ٹن ویسٹ ٹھکانے لگایا جا چکا ہے جبکہ “ستھرا پنجاب” پروگرام اپنی نوعیت کا دنیا کا سب سے بڑا صفائی منصوبہ ہے۔
الیکٹرک بسوں:
وزیر اطلاعات نے کہا کہ الیکٹرک بسوں کے فیز ٹو کا آغاز ہو چکا ہے، جس کے تحت 200 نئی بسیں فراہم کی جا رہی ہیں۔ فیز ٹو میں بہاولپور، راجن پور اور گجر خان کو بسیں دی جائیں گی، جبکہ دسمبر تک پنجاب کے 42 شہروں کو 1100 بسیں فراہم کر دی جائیں گی۔ ان کے مطابق روزانہ 8 لاکھ لوگ الیکٹرک بسوں اور 4 میٹرو سروسز کے ذریعے 9 لاکھ مسافر سفر کر رہے ہیں۔
غزہ میں 2 سال بعد تعلیمی سرگرمیاں بحال، اسکولوں میں پھر سے رونق لوٹ آئی
سموگ کی شدت:
عظمیٰ بخاری نے کہا کہ رواں سال سموگ کی شدت پچھلے سال کے مقابلے میں کم رہی۔ معذور افراد کو 1 ارب روپے کی خطیر رقم سے 17 سے زائد اقسام کے معاون آلات فراہم کیے گئے ہیں۔ لائیو اسٹاک پروگرام کا فیز ون مکمل اور فیز ٹو شروع ہو چکا ہے۔
الیکٹرک بائیکس:
انہوں نے بتایا کہ 27 ہزار طلبا و طالبات کو بلاسود بائیکس دی گئیں، جن میں 8200 الیکٹرک بائیکس طالبات استعمال کر رہی ہیں۔ مریم نواز نے یتیم بچوں کو مفت ای بائیکس فراہم کیں۔ اب تک 1 لاکھ 4 ہزار 800 خاندانوں کو قرض فراہم کیا گیا ہے، جبکہ 30 ہزار گھر مکمل اور 90 فیصد گھر تکمیل کے مراحل میں ہیں۔
ڈاکٹر نے محبوبہ کی خاطر اہلیہ کو موت کے گھاٹ اتار دیا
دھی رانی پروگرام:
انہوں نے کہا کہ “دھی رانی پروگرام” کے تحت فیز تھری میں 5 ہزار اجتماعی شادیاں کرائی گئیں۔ چلڈرن ہارٹ سرجری پروگرام کے تحت 7 ہزار سے زائد بچوں کی کامیاب سرجری کی جا چکی ہے، جبکہ فیلڈ ہسپتالوں سے ہزاروں مریض مستفید ہو چکے ہیں۔
ان کا کہنا تھا کہ بی ایچ یو اور آر ایچ سی مراکز میں اب جدید سہولیات دستیاب ہیں۔ چین کے تعاون سے کینسر کا نیا علاج متعارف کرایا جا رہا ہے، سرگودھا میں کارڈیالوجی ہسپتال مکمل ہونے کے قریب ہے اور پنجاب کا کینسر ہسپتال اگلے ماہ مکمل ہو کر ایمرجنسی سروسز شروع کرے گا۔
کسان کارڈ:
عظمیٰ بخاری نے کہا کہ 10 لاکھ سے زائد کسانوں کو کسان کارڈ فراہم کیے جا چکے ہیں، جن میں 100 ارب روپے تقسیم کیے گئے ہیں۔ زرعی ٹیوب ویل کی سولرائزیشن اور گرین ٹریکٹر پروگرام فیز ٹو کا آغاز بھی کر دیا گیا ہے۔
انہوں نے کہا کہ حمزہ شہباز اور مریم نواز کی ٹیلی فونک گفتگو لیک ہونے پر ہم ڈیفیمیشن کورٹ جائیں گے، جس نے گفتگو پروی لاگ کی وہ قانونی کارروائی کے لیے تیار رہے۔
صحت کارڈ:
عظمیٰ بخاری نے واضح کیا کہ سرکاری ہسپتالوں میں علاج بالکل فری ہے، صحت کارڈ کی ضرورت نہیں جبکہ پی آئی سی فیز ٹو کا افتتاح جلد کیا جائے گا۔ انہوں نے کہا کہ تجاوزات کے خاتمے سے چند افراد کو نقصان ضرور ہوا، مگر اس سے ہزاروں شہریوں کو فائدہ پہنچا ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف