عوامی خدمت عبادت سمجھ کر کرتے ہیں ، عبدالعزیز
اشاعت کی تاریخ: 11th, January 2025 GMT
کراچی ( اسٹاف رپورٹر) جماعت اسلامی ضلع قائدین کے امیر انجینئر عبدالعزیز نے کہا ہے کہ جماعت اسلامی کے منتخب نمائندے عوام کی خدمت کیلئے سرگرم عمل ہیں ، جماعت اسلامی کے کارکن عوام کی خدمت عبادت سمجھ کر کرتے ہیں ، چنیسر ٹائون میں جماعت اسلامی کے منتخب نمائندوں کے اجلاس سے خطاب کرتے ہوئے انہوں نے کہا کہ جماعت اسلامی کے منتخب کونسلرز اور چیئر میں عوام سے رابطہ رکھیں اور عوام کو سہولیات کی فراہمی کیلئے بھر پور کوشش کریں۔ اس موقع پر انہوں نے صفائی کے بہتر انتظامات اور کچرا اٹھانے کیلیے لوڈ رکشے منتخب نمائندوں کے حوالے کئے ،اس موقع پر جماعت اسلامی ضلع قائدین کے نائب امیر ولید احمد ، یوسی وائس چیئر مین محمد یونس اور دیگر منتخب نمائندے بھی موجود تھے۔
.ذریعہ: Jasarat News
کلیدی لفظ: جماعت اسلامی کے
پڑھیں:
لاہور میں بلوچستان کا مقدمہ عوام کے سامنے رکھیں گے، مولانا ہدایت الرحمان
کوئٹہ میں پریس کانفرنس کرتے ہوئے مولانا ہدایت الرحمان بلوچ نے کہا کہ ملک پر چند خاندانوں کا قبضہ ہے۔ انصاف اور قانون کی بالادستی چاہتے ہیں۔ اسلام ٹائمز۔ جماعت اسلامی بلوچستان کے صوبائی امیر و رکن اسمبلی مولانا ہدایت الرحمان بلوچ نے کہا ہے کہ لاہور میں ہونے والے جماعت اسلامی کے مرکزی اجتماع میں بلوچستان کا مقدمہ پیش کریں گے۔ ملک پر چند خاندانوں کا قبضہ ہے۔ انصاف اور قانون کی بالادستی چاہتے ہیں۔ یہ باتیں انہوں نے کوئٹہ میں پریس کانفرنس کرتے ہوئے کہیں۔ مولانا ہدایت الرحمان بلوچ نے کہا کہ ہر دس سال بعد جماعت اسلامی کا مرکزی اجتماع ہوتا ہے۔ اس سال 21 سے 23 نومبر تک مینار پاکستان پر جماعت اسلامی کا مرکزی اجتماع ہوگا۔ انکا کہنا تھا کہ "بدل دو نظام" کے عنوان سے عظیم الشان اجتماع ہوگا۔ جس میں بلوچستان بھر سے لوگ شرکت کریں گے۔ لاہور میں بلوچستان کا مقدمہ پاکستان کے عوام کے سامنے رکھیں گے۔ بلوچستان کے لوگ محب وطن ہے۔ انہوں نے کہا کہ ملک پر چند خاندانوں نے قبضہ کیا ہے۔ بااثر شخصیات کے لئے رات بارہ بجے عدالتیں کھولتی ہیں۔ ملک میں انصاف اور قانون کی بالادستی چاہتے ہیں۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف