صحت کی سہولیات کیلیے تمام وسائل بروئے کار لا رہے ہیں، لالہ جعفر خان
اشاعت کی تاریخ: 11th, January 2025 GMT
حیدرآباد (اسٹاف رپورٹر) ڈسٹرکٹ ہیلتھ آفیسر ڈاکٹر لالہ جعفر خان نے کہا ہے کہ حکومت سندھ لوگوں کو جدید صحت کی سہولیات کی فراہمی کو یقینی بنانے کے لیے اپنے تمام وسائل بروئے کار لا رہی ہے۔ ان خیالات کا اظہار انہوں نے سچل سرمست ٹاؤن یو سی 89 تعلقہ لطیف آباد کے یو سی چیئرمین انور عباس اور بھائی خان ویلفیئر کے بانی و جنرل سیکرٹری حاجی محمد یاسین آرائیں کی کاوشوں اور ڈی ایچ او کے تعاون سے گلشن حامد میں ایک روزہ مفت طبی کیمپ کا افتتاح کرنے کے موقع پر خطاب کرتے ہوئے کیا۔ طبی کیمپ میں ٹی بی، ہیپاٹائٹس، ڈینگی، ملیریا اور چکن گونیا کی اسکیننگ اور ویکسینیشن کی گئی اور تقریباً 200 سے زائد مریضوں کا معائنہ اور ان میں مفت ادویات تقسیم کی گئی۔ تقریب میں یو سی چیئرمین انور عباس، بانی و جنرل سیکرٹری بھائی خان ویلفیئر حاجی محمد یاسین آرائیں، وائس چیئرمین طارق اعوان، بھائی خان ویلفیئر کے سرپرست اعلیٰ حاجی محمد اقبال قریشی، سرپرست حاجی اشرف عباسی کے علاوہ مختلف مکتبہ فکر سے تعلق رکھنے والوں نے بڑی تعداد میں شرکت کی۔ مہمانِ خصوصی ڈاکٹر لالہ جعفر خان نے کہا کہ حکومت سندھ نے جامع حکمت عملی کے تحت سرکاری اسپتالوں کو جدید آلات سے لیس ان کی تذئین و آرائش اور پسماندہ و دیہی علاقوں میں لوگوں کو صحت کی بہتر سہولیات بلا امتیاز فراہم کی جا رہی ہے۔
.ذریعہ: Jasarat News
پڑھیں:
افواج پاکستان کا حرمین شریفین کا محافظ بننا سعادت کی بات ہے، ڈاکٹر حاجی حنیف طیب
ایک بیان میں نظام مصطفی پارٹی کے رہنماؤں نے کہا کہ سعودیہ عرب سے ہماری محبتوں کی ایک اہم وجہ یہاں حریمین شریفین کا مقدس وجود ہے اس لئے پورا عالم اسلام توقع کرتا ہے کہ سعودیہ عرب اپنی دینی اقدار کو مستحکم اور مضبوط کریں گا۔ اسلام ٹائمز۔ چیئرمین نظام مصطفی پارٹی سابق وفاقی وزیر محنت و افرادی قوت سمندر پار پاکستانیز ڈاکٹر حاجی حنیف طیب نظام مصطفی پارٹی کے جنرل سیکریٹری پروفیسر عبدالجبار قریشی نے مشترکہ بیان میں کہا کہ خطے اور پوری دنیا میں قیام امن، علاقائی سالمیت کے تناظر میں پاک سعودیہ دفاعی معاہدوں کا خیرمقدم کرتے ہیں، معاہدے کے تحت ایک ملک کے خلاف جارحیت کو دونوں ملکوں کے خلاف جارحیت تصور کیا جائے گا، معاہدہ میں پاک فوج کا حرمین شریفین کا محافظ بننا سعادت کی بات ہے۔ رہنماؤں نے کہا کہ سعودیہ عرب سے ہماری محبتوں کی ایک اہم وجہ یہاں حریمین شریفین کا مقدس وجود ہے اس لئے پورا عالم اسلام توقع کرتا ہے کہ سعودیہ عرب اپنی دینی اقدار کو مستحکم اور مضبوط کریں گا۔
رہنماؤں نے کہا کہ جب بات حریمین شریفین کے تحفظ کی ہو تو ہمیں قوت ایمانی کا بھرپور مظاہرہ کرنا ہوگا، مقدس مقامات کے تحفظ کے لئے مرمٹنے کا جذبہ ہر مسلمان میں ہونا چاہیئے۔ رہنماؤں کا مزید کہنا تھا کہ بےلگام اسرائیل نے مشرق وسطحی سمیت پوری دنیا کا امن تباہ کردیا ہے، اسرائیلی جارحیت صرف غزہ تک محدود نہیں قطر، لبنان، شام، ایران، یمن و دیگر مسلمان ملکوں تک بڑھتی جارہی ہے، اسلام دشمن قوتیں یکجا ہیں مسلمان ملکوں کا باہمی اتحاد وقت کی اہم ضرورت ہے۔رہنماؤں نے 57 اسلامی ممالک کے سربراہان اور اسلامی تعاون تنظیم (او آئی سی) سے مسئلہ کشمیر و فلسطین کے حوالے سے اپنا فعال کردار ادا کرنے کی اپیل کی ہے۔
وزیراعظم کا ٹیکس دہندگان کو کاروبار دوست ماحول دینے اور ٹیکس چوروں کو پکڑنے کا حکم