مستقل پوسٹوں کا ممکنہ خاتمہ محنت کشوں کا معاشی قتل ہوگا‘لیا قت ساہی
اشاعت کی تاریخ: 13th, January 2025 GMT
مزدور رہنما لیا قت علی ساہی سیکرٹری جنرل ڈیموکریٹک ورکرز فیڈریشن اسٹیٹ بینک آف پاکستان نے وزارت خزانہ کی طرف سے وفاقی سرکاری اداروں میں مستقل پوسٹوں کو ختم کرنے کا مراسلہ جاری کیا جسے سال 2025-26مالی سال بجٹ تخمینوں کا نام دیا ہے جو کہ حقائق کے برعکس ہے، اس طرح کے فیصلے پارلیمنٹ سے منظوری حاصل کیے بغیرکس طرح یکطرفہ طور پر وزارت خزانہ کو جاری کرنے کا اختیارہے، تمام سیاسی پارٹیوں کی قیادت کے لیے بھی لمحہ فکریہ ہے کہ لاکھوں محنت کشوں کی ملازمتیں وزرات خزانہ ختم کرنے جارہی ہے۔ تمام پارلیمنٹرین کی کاکردگی بھی سوالیہ نشان ہے، عوام سے ووٹ لے کر ان کے ٹیکس سے عیاشیاں کرتے ہیں لیکن محنت کشوں اور متوسط طبقے کو بیوروکریسی کے رحم و کرم پر چھوڑ دیتے ہیں۔ محنت کش طبقہ اس مزدور دْشمن اقدام کی سخت مذمت کرتا ہے۔ انہوں نے کہا کہ وزارت خزانہ کی چھتری تلے بینکنگ انڈسٹری میں گزشتہ 20سالوں سے کلریکل اور نان کلریکل کیڈرز میں مستقل بھرتیوں کے بجائے کنٹریکٹ اور تھرڈ پارٹی کنٹریکٹ کے ذریعے غیر آئینی بھرتیاں کی جارہی ہیں جبکہ پارلیمنٹ قومی اسمبلی اور سینیٹ کی سطح پرThe Employment Standing Order 1968 کے تحت پبلک اور پرائیویٹ سیکٹر کے اداروں کو پابند کیا گیا ہے کہ مستقل پوسٹوں پر کنٹریکٹ پر بھرتی کیے جانے والے ورکرز کو 90دن کے بعد مستقل کرنا لازم ہوگا، تھرڈ پارٹی کنٹریکٹ کے ذریعے تو کسی بھی ادارے کو مستقل پوسٹوں پر بھرتی کرنے کی اجازت ہی نہیں ہے، اس پر عدالتوں کے بہت سے فیصلے آچکے ہیں کہ ملک دستور کی صریحاً خلاف ورزی ہے لیکن اداروں کی انتظامیہ اور مالکان طاقت کے بل بوتے پر آئین کی دھجیاں بکھیر رہے ہیں جس کی سرپرستی بیوروکریسی کر رہی ہے اور سیاسی پارٹیاں حکومتوں کے جھولے تو جھول رہی ہیں لیکن جو محنت کشوں کے بنیادی مسائل ملک کے آئین کے تحت محفوظ کیے گئے ہیں ان کی فراہمی کو یقینی بنانے کے بجائے خلاف ورزیوں پر خاموش تماشائی بنی ہوئی ہیں جس کا خمیازہ ملک بھر کے محنت کش بھگت رہے ہیں۔ سونے پر سہاگہ وفاقی اداروں کو مستقل بھرتیوں کرنے پر پابند کرنے کے بجائے ان اداروں میں کلریکل اور نان کلریکل کیڈرز کو سرے سے ختم کرکے کروڑوں محنت کشوں کے لیے وفاقی اداروں میں ملازمت کے دروازے بند کرنا بہت بڑی ناانصافی ہے۔ اس پرملک بھر کی مزدور تنظیموں کو متحد ہو کر احتجاج کے لیے صف بندی کرنی ہوگی اور ایوانوں بالخصوص حکومت میں شامل سیاسی پارٹیوں کو اپنی ذمہ داری ادا کرنی ہوگی۔ وزارت خزا نہ کے غیر آئینی اقدام کو فوری طور پر واپس لیے جانے کے لیے قومی اسمبلی اور سینیٹ میں آواز اْٹھانی ہوگی اور ملک بھر کے اداروں میں ملک کے دستور کی روشنی میں کلریکل اور نان کلریکل کیڈرز میں مستقل بھرتیاں کرکے رول آف لاء کی رٹ کو قائم کیا جائے۔
.ذریعہ: Jasarat News
کلیدی لفظ: مستقل پوسٹوں کے لیے
پڑھیں:
سیلاب سے نقصانات کا تخمینہ لگانے کیلئے عالمی اداروں کو شامل کرنے کا فیصلہ
سیلاب سے نقصانات کا تخمینہ لگانے کیلئے عالمی اداروں کو شامل کرنے کا فیصلہ WhatsAppFacebookTwitter 0 16 September, 2025 سب نیوز
اسلام آباد (سب نیوز)وفاقی حکومت نے سیلاب سے ہونے والے نقصانات اور ضروریات کا تخمینہ لگانے کیلئے عالمی اداروں کو شامل کرنے کا فیصلہ کر لیا۔احسن اقبال کی زیر صدارت وزیراعظم کی قائم کردہ خصوصی کمیٹی کے اجلاس میں وفاقی وزیر خزانہ اور چیئرمین این ڈی ایم اے نے شرکت کیں۔وفاقی وزیر احسن اقبال کا کہنا ہے کہ اگلے 10 روز میں سیلابی نقصانات کا ابتدائی تخمینہ مکمل کر لیا جائے گا۔
حتمی تخمینہ پانی اترنے کے بعد ہی ممکن ہو گا۔اجلاس میں 2025 کے سیلاب سے نقصانات کے تخمینے کا تفصیلی جائزہ لیا گیا۔ اجلاس کے دوران صوبائی حکومتوں نے اس امر پر اتفاق کیا کہ سیلابی نقصانات کا حتمی تخمینہ پانی اترنے کے بعد ہی ممکن ہوگا۔وفاقی وزیر احسن اقبال نے کہا کہ سیلاب کے نقصانات کا تخمینہ صوبائی حکومتوں کے ساتھ مربوط انداز میں تیار کیا جائے گا۔ انہوں نے مزید بتایا کہ دس روز میں سیلابی نقصانات کا ابتدائی تخمینہ مکمل کیا جائے گا۔ ان کا کہنا تھا کہ سیلاب متاثرہ علاقوں میں بحالی کا کام جاری ہے جبکہ وفاقی اور صوبائی ادارے مل کر امدادی کارروائیاں سرانجام دے رہے ہیں۔
وفاقی وزیر نے کہا کہ اس بار بھی 2022 کی طرز پر قدرتی آفات کے بعد نقصانات اور ضروریات کا تخمینہ عالمی اداروں کو شامل کر کے لگایا جائے گا۔وزیر منصوبہ بندی نے کہا کہ متاثرہ علاقوں میں درست اور شفاف اعداد و شمار کی بنیاد پر امدادی اقدامات کیے جائیں گے۔ احسن اقبال نے کہا کہ موسمیاتی تبدیلی پاکستان کے لیے بڑا چیلنج ہے۔ سیلاب اور خشک سالی موسمیاتی تبدیلی کے براہِ راست اثرات ہیں۔ انہوں نے مزید کہا کہ بھارت کی جانب سے قدرتی آفت میں بھی سیاست کی گئی۔ذرائع کے مطابق پاکستان میں سیلاب سے پیدا صورت حال پر عالمی بینک کی گہری نظر ہے، ذرائع عالمی بینک کے مطابق ضروریات کا جائزہ مکمل ہونے کے بعد اقدامات پر غور کیا جائے گا، عالمی بینک بحالی کے لیے ممکنہ اقدامات پر مشاورت میں مصروف ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیئرمین سی ڈی اے محمد علی رندھاوا کا ٹی چوک فلائی اوور منصوبے کا دورہ،تعمیراتی کاموں کا معائنہ چیئرمین سی ڈی اے محمد علی رندھاوا کا ٹی چوک فلائی اوور منصوبے کا دورہ،تعمیراتی کاموں کا معائنہ اسلام آباد ہائیکورٹ کا چیئرمین پی ٹی اے کو فوری عہدے سے ہٹانے کا حکم چھبیس ستمبر تک پلاٹوں کی قرعہ اندازی نہ کی گئی تو مزدور یونین احتجاجی تحریک کا آغاز کرے گی: چوہدری محمد یٰسین تاریخ میں پہلی بار 2600 ارب روپے قرض قبل ازوقت واپس کیا گیا، ترجمان وزارت خزانہ جناح ہاؤس حملہ کیس: محمود الرشید کی درخواست ضمانت مسترد بھارت جنگ ہار گیا، کرکٹ کے میدان میں ہاتھ نہ ملانے کا مقصد خفت مٹانا ہے: عطا تارڑCopyright © 2025, All Rights Reserved
رابطہ کریں ہماری ٹیم
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی