اچھے برے کی تمیز اخلاقیات کی بنیاد ہے۔ اس بات کو یوں بھی کہا جاسکتا ہے کہ سفید اور سیاہ کے فرق کو جاننا اخلاق کی کسوٹی ہے۔ حیوانِ مطلق کو قدرت نے یہ خوبی عطا نہیں کی کہ وہ اچھے برے کی پہچان یا شناخت کرسکے لیکن اشرف المخلوقات کو یہ وصف حاصل ہے۔ اسلام وہ واحد دین ہے جس میں اخلاقیات کی اہمیت کو اجاگرکیا گیا ہے۔ نیکی کا صلہ اجر و ثواب کی صورت میں ملتا ہے۔ یہ دنیا ایک کمرہ امتحان ہے۔ بقولِ اقبالؔ:
اس زیاں خانے میں تیرا امتحاں ہے زندگی
خود غرضی اور لالچ شیطان کے حربے ہیں جو اچھے بھلے انسان کو گمراہی کے گڑھے میں ڈال دیتے ہیں۔ دینِ اسلام کو دیگر ادیان پر اس لیے سبقت حاصل ہے کہ وہ انسان کو اخلاقیات کے دائرے میں رہنے کا درس دیتا ہے۔ حقیقت یہ ہے کہ اسلام ایک مکمل ضابطہ حیات ہے جس میں زندگی کے ہر پہلو پر روشنی ڈالی گئی ہے۔
اس کا دائرہ بہت وسیع ہے جس میں انسانوں اور جانوروں کے ساتھ حسن سلوک، صدقہ و خیرات، معافی و درگزر، ایمانداری، برداشت، انصاف، والدین اور بزرگوں کا احترام، وعدے کی پاسداری، غصہ پر قابو، اللہ تعالیٰ اور اس کے حبیب حضرت محمدﷺ سے محبت شامل ہیں۔ بندگانِ خدا کے ساتھ ہمدردی اور محبت کو خصوصی اہمیت حاصل ہے جسے اقبالؔ نے اس شعر میں خوب اجاگر کیا ہے۔
خدا کے عاشق تو ہیں ہزاروں بنوں میں پھرتے ہیں مارے مارے
میں اس کا بندہ بنوں گا جس کو خدا کے بندوں سے پیار ہوگا
عام خیال یہ ہے کہ جو معاشرے کسی نہ کسی مذہب سے وابستہ ہیں، ان میں اخلاقیات کا عمل دخل نسبتاً زیادہ ہے لیکن ہم دیکھتے ہیں کہ جاپان، سنگاپور، جنوبی کوریا اور اسکینڈے نیوین ممالک میں اخلاقیات کو خاص اہمیت حاصل ہے۔ خوش اخلاقی رشتوں کو مستحکم اور مضبوط کرتی ہے اور اس سے قلب و ذہن کو قوت اور طمانیت حاصل ہوتی ہے جب کہ بد اخلاقی کا معاملہ اس کے برعکس ہے۔ سچ پوچھیے تو بد اخلاقی زہرِ قاتل ہے جس کی وجہ سے پرانے سے پرانے تعلقات اور رشتے بھی ٹوٹ جاتے ہیں۔ بقولِ شاعر:
گو ذرا سی بات پر برسوں کے یارانے گئے
لیکن اتنا تو ہوا کچھ لوگ پہچانے گئے
مادہ پرستی نے انسانیت کا جوہر چھین لیا ہے جس سے معاشرہ اخلاقی انحطاط کا شکار ہو رہا ہے۔ ابتدا میں مشرق اس وبا سے محفوظ تھا اور بھائی چارے کا ماحول قائم تھا پھر اس روگ نے مشرق کو بھی اپنی لپیٹ میں لے لیا۔ اخلاقی پستی کا بھیانک نتیجہ ہم دو عالمگیر جنگوں کی صورت میں دیکھ چکے ہیں جن کی وجہ سے ناقابلِ بیان تباہی و بربادی ہوئی۔
سب سے زیادہ افسوس ناک بات یہ ہے کہ ہم نے ان جنگوں سے کوئی سبق حاصل نہیں کیا اور اب دنیا تیسری عالمگیر جنگ کی تیاری میں مصروف ہے۔ یہ جنگ کتنی تباہ کُن ہوگی اس کا کوئی اندازہ نہیں ہے لیکن کیونکہ اگر اس میں ایٹمی عنصر شامل ہوگیا تو پوری دنیا راکھ کا ڈھیر بن سکتی ہے۔
.ذریعہ: Express News
کلیدی لفظ: حاصل ہے
پڑھیں:
غزہ کی صورتحال اخلاقی، سیاسی اور قانونی طور پر ناقابلِ برداشت ہے، سیکریٹری جنرل اقوام متحدہ
اقوام متحدہ کے سیکریٹری جنرل انتونیو گوتریس نے غزہ شہر کی منظم تباہی کی مذمت کی تاہم کہا کہ اسرائیل کی جانب سے نسل کشی ہو رہی ہے یا نہیں، اس کا فیصلہ بین الاقوامی عدالتیں کریں گی۔
نیویارک میں صحافیوں سے گفتگو کرتے ہوئے گوتریش نے کہا کہ ہم آبادی کی بڑے پیمانے پر تباہی دیکھ رہے ہیں، اب غزہ شہر کی منظم تباہی ہو رہی ہے، ہم شہریوں کے بڑے پیمانے پر قتل دیکھ رہے ہیں، جس کی مثال مجھے اس وقت سے نہیں ملتی جب سے میں سیکرٹری جنرل بنا ہوں۔
یہ بھی پڑھیے: دوحا میں اسرائیلی حملہ قطر کی خودمختاری کی سنگین خلاف ورزی ہے، انتونیو گوتریس
انہوں نے مزید کہا کہ فلسطینی عوام قحط، نقل مکانی اور کسی بھی وقت موت کے خطرے جیسے ہولناک حالات سے دوچار ہیں۔ گوتریس کے بقول یہ صورتحال اخلاقی، سیاسی اور قانونی طور پر ناقابلِ برداشت ہے۔
اقوام متحدہ کے سربراہ کا کہنا تھا کہ یہ ان کا اختیار نہیں کہ وہ قانونی طور پر یہ تعین کریں کہ نسل کشی ہو رہی ہے۔ انہوں نے وضاحت کی کہ یہ ذمہ داری متعلقہ عدالتی اداروں، خصوصاً عالمی عدالت انصاف کی ہے۔
ان کے یہ ریمارکس اقوام متحدہ کی انسانی حقوق کونسل کی جانب سے شائع ہونے والی 72 صفحات پر مشتمل ایک تحقیقاتی رپورٹ کے بعد سامنے آئے جس میں کہا گیا ہے کہ اکتوبر 2023 سے اسرائیل فلسطینیوں کے خلاف نسل کشی کے جرائم کا ارتکاب کر رہا ہے اور یہ اشتعال انگیزی اسرائیلی ریاست کی اعلیٰ سیاسی اور فوجی قیادت کی جانب سے کی گئی۔
یہ بھی پڑھیے: اقوام متحدہ میں پاکستانی مندوب کی انتونیو گوتریس سے ملاقات، خطے کی صورتحال پر گفتگو
رپورٹ کے مطابق ان رہنماؤں میں اسرائیلی وزیراعظم بنیامین نیتن یاہو، صدر اسحاق ہرزوگ اور سابق وزیرِ دفاع یوآف گیلنٹ شامل ہیں۔
یاد رہے کہ بین الاقوامی فوجداری عدالت پہلے ہی نیتن یاہو اور یوآف گیلنٹ کے خلاف بھوک کو بطور ہتھیار استعمال کرنے، قتلِ عام، ظلم و ستم اور دیگر غیر انسانی جرائم پر گرفتاری کے وارنٹ جاری کر چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آج کا دن کیسا رہے گا؟