حیدرآباد ،عوامی تحریک کی کارپوریٹ فارمنگ کیخلاف عوامی رابطہ مہم
اشاعت کی تاریخ: 14th, January 2025 GMT
حیدرآباد (اسٹاف رپورٹر) عوامی تحریک کی جانب سے کارپوریٹ فارمنگ کے خلاف زبردست عوامی رابطہ مہم جاری ہے۔ اس سلسلے میں عوامی تحریک کے مرکزی صدر ایڈووکیٹ وسند تھری اور سینئر نائب صدر نور احمد کاتیار کی قیادت میں پارٹی وفد نے سرائیکی بیلٹ کا دورہ کیا۔ کوٹ مٹھن میں سرائیکستان قومی اتحاد کے چیئرمین خواجہ غلام فرید کوریجا سے ملاقات کی اور انہیں 18 جنوری کو اسلام آباد میں منعقد ہونے والی کارپوریٹ فارمنگ کے خلاف کانفرنس میں شرکت کی دعوت دی۔ مشترکہ جدوجہد پر اتفاق ملاقات کے بعد عوامی تحریک اور سرائیکستان قومی اتحاد کے رہنماؤں نے ایک مشترکہ پریس کانفرنس کی، جس میں کارپوریٹ فارمنگ اور 6 نئے کینالز کے منصوبوں کے خلاف مشترکہ جدوجہد پر اتفاق کیا گیا۔ پریس کانفرنس سے خطاب کرتے ہوئے عوامی تحریک کے مرکزی صدر ایڈووکیٹ وسند تھری نے کہا کہ سندھ، سرائیکی وسیب اور بلوچستان کی لاکھوں ایکڑ زمین پر کارپوریٹ فارمنگ اور زرعی انقلاب کے نام پر قبضے کیے جا رہے ہیں، زمینوں کو مقامی ہاریوں اور کسانوں کو دینے کے بجائے غیر ملکی سرمایہ دار کمپنیوں کے حوالے کیا جا رہا ہے، جس سے مقامی آبادی میں بے روزگاری اور غربت میں اضافہ ہوگا۔ انہوں نے کہا کہ ایک طرف سندھ، سرائیکی اور بلوچ عوام کو ان کے اپنے وطن میں بے وطن کیا جا رہا ہے، دوسری طرف پنجاب کی جانب سے دریائے سندھ پر 6 نئے نہری منصوبے بنا کر سندھ کو بنجر بنانے کی سازش کی جا رہی ہے۔ وسند تھری نے کہا کہ ماضی میں جنرل ایوب نے ہماری 3 ندیاں بھارت کو فروخت کر کے ملک کو معاشی طور پر کمزور کیا اور اب شہباز شریف اور بلاول بھٹو زرداری کی اتحادی حکومت انہی کے نقش قدم پر چلتے ہوئے ارسا ایکٹ میں ترامیم کر کے دریائے سندھ اور دیگر سندھو کے معاون دریاؤں کے پانی کو غیر ملکی کمپنیوں کو فراخت کر رہی ہے، کارپوریٹ فارمنگ کمپنیوں کو سندھو کا پانی فروخت کرنے کے لیے دریائے سندھ سے 6 نئے کینالز نکالے اور ارسا ایکٹ میں ترمیم کی جا رہی ہے۔ عوامی تحریک کے مرکزی سینئر نائب صدر نور احمد کاتیار نے کہا کہ 18 جنوری کو اسلام آباد میں عوامی تحریک کی کانفرنس میں کارپوریٹ فارمنگ کے خلاف ملکی سطح پر آواز اُٹھائی جائے گی اور تمام قوموں کو اس سازش کے خلاف متحد ہو کر تحریک چلانی ہو گی۔
.ذریعہ: Jasarat News
کلیدی لفظ: عوامی تحریک نے کہا کہ کے خلاف
پڑھیں:
سندھ کے عوام پر وہ حکمران مسلط کیے گئے جو کرپشن میں ڈوبے ہوئے ہیں: سلمان اکرم راجا
---فائل فوٹوتحریکِ انصاف کے مرکزی سیکریٹری جنرل بیرسٹر سلمان اکرم راجا نے کہا ہے کہ سندھ پاکستان کے غریب ترین علاقوں میں شمار ہوتا ہے جہاں بچوں کو نہ صحت کی سہولت میسر ہیں اور نہ معیاری تعلیم کی، سندھ کے عوام پر وہ حکمران مسلط کیے گئے ہیں جو کرپشن میں ڈوبے ہوئے ہیں۔
حیدرآباد میں پی ٹی آئی رہنما محسن گھمن کی رہائش گاہ پر ورکرز کنونشن سے خطاب کرتے ہوئے سلمان اکرم راجا نے کہا کہ بانیٔ پی ٹی آئی عوام کی محکومیت کو قبول نہیں کرتے اور جھوٹ سے سمجھوتہ نہ کرنے کا عزم رکھتے ہیں۔
انہوں نے مزید کہا کہ 8 فروری 2024ء کا دن پاکستانی قوم کی سیاسی شعور کا مظہر تھا جب عوام نے حق رائے دہی استعمال کر کے اپنا فیصلہ دیا لیکن اس دن عوامی مینڈیٹ کو مسترد کر کے ووٹ کا تقدس پامال کیا گیا۔
ان کا کہنا تھا کہ بعض قوتیں تحریکِ انصاف کو ختم کرنے کی کوشش کر رہی ہیں۔
آزاد کشمیر الیکشن، ن لیگ نے مشاورتی کمیٹی قائم کر دی