حیدرآباد ،عوامی تحریک کی کارپوریٹ فارمنگ کیخلاف عوامی رابطہ مہم
اشاعت کی تاریخ: 14th, January 2025 GMT
حیدرآباد (اسٹاف رپورٹر) عوامی تحریک کی جانب سے کارپوریٹ فارمنگ کے خلاف زبردست عوامی رابطہ مہم جاری ہے۔ اس سلسلے میں عوامی تحریک کے مرکزی صدر ایڈووکیٹ وسند تھری اور سینئر نائب صدر نور احمد کاتیار کی قیادت میں پارٹی وفد نے سرائیکی بیلٹ کا دورہ کیا۔ کوٹ مٹھن میں سرائیکستان قومی اتحاد کے چیئرمین خواجہ غلام فرید کوریجا سے ملاقات کی اور انہیں 18 جنوری کو اسلام آباد میں منعقد ہونے والی کارپوریٹ فارمنگ کے خلاف کانفرنس میں شرکت کی دعوت دی۔ مشترکہ جدوجہد پر اتفاق ملاقات کے بعد عوامی تحریک اور سرائیکستان قومی اتحاد کے رہنماؤں نے ایک مشترکہ پریس کانفرنس کی، جس میں کارپوریٹ فارمنگ اور 6 نئے کینالز کے منصوبوں کے خلاف مشترکہ جدوجہد پر اتفاق کیا گیا۔ پریس کانفرنس سے خطاب کرتے ہوئے عوامی تحریک کے مرکزی صدر ایڈووکیٹ وسند تھری نے کہا کہ سندھ، سرائیکی وسیب اور بلوچستان کی لاکھوں ایکڑ زمین پر کارپوریٹ فارمنگ اور زرعی انقلاب کے نام پر قبضے کیے جا رہے ہیں، زمینوں کو مقامی ہاریوں اور کسانوں کو دینے کے بجائے غیر ملکی سرمایہ دار کمپنیوں کے حوالے کیا جا رہا ہے، جس سے مقامی آبادی میں بے روزگاری اور غربت میں اضافہ ہوگا۔ انہوں نے کہا کہ ایک طرف سندھ، سرائیکی اور بلوچ عوام کو ان کے اپنے وطن میں بے وطن کیا جا رہا ہے، دوسری طرف پنجاب کی جانب سے دریائے سندھ پر 6 نئے نہری منصوبے بنا کر سندھ کو بنجر بنانے کی سازش کی جا رہی ہے۔ وسند تھری نے کہا کہ ماضی میں جنرل ایوب نے ہماری 3 ندیاں بھارت کو فروخت کر کے ملک کو معاشی طور پر کمزور کیا اور اب شہباز شریف اور بلاول بھٹو زرداری کی اتحادی حکومت انہی کے نقش قدم پر چلتے ہوئے ارسا ایکٹ میں ترامیم کر کے دریائے سندھ اور دیگر سندھو کے معاون دریاؤں کے پانی کو غیر ملکی کمپنیوں کو فراخت کر رہی ہے، کارپوریٹ فارمنگ کمپنیوں کو سندھو کا پانی فروخت کرنے کے لیے دریائے سندھ سے 6 نئے کینالز نکالے اور ارسا ایکٹ میں ترمیم کی جا رہی ہے۔ عوامی تحریک کے مرکزی سینئر نائب صدر نور احمد کاتیار نے کہا کہ 18 جنوری کو اسلام آباد میں عوامی تحریک کی کانفرنس میں کارپوریٹ فارمنگ کے خلاف ملکی سطح پر آواز اُٹھائی جائے گی اور تمام قوموں کو اس سازش کے خلاف متحد ہو کر تحریک چلانی ہو گی۔
.ذریعہ: Jasarat News
کلیدی لفظ: عوامی تحریک نے کہا کہ کے خلاف
پڑھیں:
وزیراعلیٰ سندھ کا کچے میں ڈاکوؤں کیخلاف آپریشن تیز اور کراچی میں غیر قانونی ٹینکرز کے خاتمے کا حکم
کراچی:وزیراعلیٰ سندھ سید مراد علی شاہ نے کچے کے علاقے میں ڈاکوؤں کے خلاف آپریشن تیز کرنے اور کراچی میں غیر قانونی ٹینکرز کے خاتمے کا حکم دیا ہے۔
کچے کے علاقوں میں آپریشن اور کراچی سمیت صوبے میں ترقیاتی کاموں کے حوالے سے اہم اجلاس وزیراعلیٰ سندھ مراد علی شاہ کی زیرصدارت منعقد ہوا، جس میں انہوں نے ڈکیتوں کے خلاف آپریشن تیز کرنے کا حکم دیتے ہوئے کہا کہ کچا ڈوب گیا ہے اور قانون شکن باہر آئے ہوں گے۔ ڈاکوؤں کے خلاف انٹیلی جنس بیسڈ آپریشن مزید تیز کیے جائیں۔
اجلاس میں وزیراعلیٰ سندھ کو وزیر داخلہ ضیا الحسن لنجار اور انسپکٹر جنرل پولیس غلام نبی میمن نے بریفنگ دی، جس میں بتایا گیا کہ اکتوبر 2024ء سے ٹیکنالوجی کے ذریعے کچے میں آپریشن تیز کیا گیا ہے۔ کچےمیں انٹیلی جنس کی بنیاد پر 760 ٹارگٹڈ آپریشن اور 352 سرچ آپریشن کیے ہیں۔ جنوری 2024ء سے اب تک آپریشن کے ذریعے 159 ڈکیت مارے گئے ہیں، جن میں 10 سکھر، 14 گھوٹکی، 46 کشمور اور 89 شکارپور کے شامل ہیں۔ 823 ڈکیتوں کو گرفتار کیا اور 8 اشتہاری ڈکیت مارے گئے۔ آپریشن کے دوران 962 مختلف نوعیت کے ہتھیار بھی برآمد کیے گئے۔
وزیراعلیٰ سندھ نے کہا کہ کچے کے ڈاکوؤں کا ہر صورت خاتمہ یقینی بنایا جائے۔ انہوں نے چیف سیکرٹری کو ہدایت کی کہ کچے کے علاقوں میں ترقیاتی کاموں کا منصوبہ بنائیں اور وہاں سڑکیں، اسکول، اسپتال، ڈسپینسری اور ٹرانسپورٹ کی سہولیات فراہم کی جائیں۔ سیلابی صورتحال کے بعد کچے میں ترقیاتی کام شروع کیے جائیں گے۔ گھوٹکی-کندھ کوٹ پل کی تعمیر کے بعد پورا علاقہ کھل جائے گا۔ سندھ حکومت کی ترجیح ہے کہ امن امان ہر صورت بحال ہو۔
مراد علی شاہ نے کراچی میں غیرقانونی ٹینکرز کے خاتمے کی ہدایت بھی کی۔ اس موقع پر میئر کراچی مرتضیٰ وہاب نے بتایا کہ 243 غیرقانونی ہائیڈرنٹس مسمار کیے گئے ہیں۔ 212 ایف آئی آر درج کر کے 103 ملوث افراد کو گرفتار کیا گیا ہے۔ اس وقت 3200 کیو آر کوڈ کے ساتھ ٹینکرز رجسٹرڈ کیے ہیں۔ مختلف اقدامات سے 60 ملین روپے واٹر بورڈ کی آمدنی میں اضافہ ہوا ہے۔
اجلاس میں وزیر داخلہ ضیا الحسن لنجار، میئر کراچی مرتضیٰ وہاب، چیف سیکریٹری آصف حیدر شاہ، آئی جی پولیس غلام نبی میمن، سیکریٹری داخلہ اقبال میمن، پرنسپل سیکریٹری آغا واصف، کمشنر کرچی حسن نقوی، سینئر ممبر بورڈ آف ریونیو خالد حیدر شاہ، سیکریٹری بلدیات وسیم شمشاد، ایڈیشنل آئی جی آزاد خان، سی او او واٹر بورڈ اسداللہ خان اور دیگر شریک تھے۔
دریائے چناب میں سیلابی صورتحال، ٹرین سروس معطل