مقبوضہ کشمیر:بھارتی فوجی گاڑی بارودی سرنگ سے ٹکرا کر تباہ
اشاعت کی تاریخ: 14th, January 2025 GMT
مقبوضہ کشمیر کے ضلع راجوڑی میں بھارتی فوج کی گاڑی بارودی سرنگ کے دھماکے میں تباہ ہوگئی، جس کے نتیجے میں کئی اہلکار زخمی جب کہ ہلاکتوں کا خدشہ ظاہر کیا جا رہا ہے۔
کشمیر میڈیا سروس کے مطابق بھارتی فوج کی گاڑی معمول کے گشت کے دوران بارودی سرنگ پر چڑھ گئی، جس سے زور دار دھماکا ہوا، جس کے بعد علاقے میں افراتفری مچ گئی۔ بھارتی فوج نے فوری طور پر اضافی نفری طلب کرکے علاقے کا محاصرہ کرلیا۔
دھماکے کے نتیجے میں 8 فوجی اہلکار شدید زخمی ہوئے، جنہیں قریبی ملٹری اسپتال منتقل کیا گیا۔ اسپتال ذرائع کے مطابق زخمیوں میں سے 6 کی حالت نازک ہے، جبکہ عینی شاہدین کا دعویٰ ہے کہ کچھ زخمی موقع پر ہی جانبر نہ ہوسکے۔
بھارتی فوج کا کہنا ہے کہ ابتدائی تحقیقات کے مطابق دھماکا پیدل گشت کے دوران ایک اہلکار کے بارودی مواد پر پاؤں رکھنے کی وجہ سے ہوا۔ واقعے کی مزید تحقیقات کے لیے انکوائری کمیٹی تشکیل دے دی گئی ہے۔
آزاد ذرائع اور عینی شاہدین کے مطابق دھماکے کی شدت اور زخمیوں کی حالت کے پیش نظر ہلاکتوں کا خدشہ ظاہر کیا جا رہا ہے، تاہم بھارتی فوج نے اس پر کوئی واضح بیان جاری نہیں کیا۔
دھماکے کے بعد علاقے میں شدید کشیدگی پائی جاتی ہے، جبکہ بھارتی فوج نے سرچ آپریشن تیز کر دیا ہے۔ واقعہ مقبوضہ کشمیر میں بھارتی فوج کے لیے ایک بڑا دھچکا قرار دیا جا رہا ہے۔
.ذریعہ: Jasarat News
کلیدی لفظ: بھارتی فوج کے مطابق
پڑھیں:
پشاور، سی ٹی ڈی تھانے کے اندر بارودی مواد پھٹنے سے دھماکا، اہلکار شہید
ابتدائی اطلاعات کے مطابق دھماکا پولیس اسٹیشن کے اسلحہ خانے میں موجود پرانے بارودی مواد کے پھٹنے کے نتیجے میں ہوا۔ دھماکے کے بعد آگ لگ گئی جو دیگر گولہ بارود تک بھی پھیل گئی، جس سے مزید دھماکے ہونے کی اطلاعات ملی ہیں۔ اسلام ٹائمز۔ پشاور میں سی ٹی ڈی پولیس اسٹیشن کے اندر بارودی مواد پھٹنے سے دھماکے کے نتیجے میں ایک اہلکار شہید اور دو زخمی ہوگئے۔ ابتدائی اطلاعات کے مطابق دھماکا پولیس اسٹیشن کے اسلحہ خانے میں موجود پرانے بارودی مواد کے پھٹنے کے نتیجے میں ہوا۔ دھماکے کے بعد آگ لگ گئی جو دیگر گولہ بارود تک بھی پھیل گئی، جس سے مزید دھماکے ہونے کی اطلاعات ملی ہیں۔ واقعے کی اطلاع ملتے ہی پولیس اور سیکیورٹی فورسز نے علاقے کو گھیرے میں لے لیا جبکہ بی ڈی یو، ریسکیو اور فائر بریگیڈ کی ٹیمیں موقع پر پہنچ کر کارروائیاں جاری رکھے ہوئے ہیں۔ تمام ملزمان کو حوالات سے بحفاظت نکال لیا گیا ہے اور کلیئرنس آپریشن کا عمل جاری ہے۔
سی سی پی او پشاور میاں سعید کے مطابق ابتدائی تجزیے میں یہ واقعہ دہشت گردی کا نہیں لگتا بلکہ پرانے دھماکا خیز مواد کے اچانک پھٹنے سے پیش آیا اور ہوسکتا کہ کسی شارٹ سرکٹ کے باعث باردوی مواد پھٹا ہو۔ انہوں نے بتایا کہ دھماکے کے باعث ایک سی ٹی ڈی اہلکار شہید اور دو اہلکار زخمی ہوئے، جنہیں فوری طور پر اسپتال منتقل کیا گیا۔
ججز یرغمال ہیں تو عوام کو بتائیں تاکہ انہیں آزاد کرایا جائے، وزیراعلیٰ خیبر پختونخوا