پنجاب اسمبلی کی تاریخ میں پہلی بار بچوں کے حقوق کی کمیٹی تشکیل
اشاعت کی تاریخ: 15th, January 2025 GMT
لاہور:
اسپیکر پنجاب اسمبلی ملک احمد خان نے پنجاب اسمبلی میں بچوں کے حقوق کیلئے پہلی پارلیمانی کمیٹی کے قیام کا اعلان کردیا۔
اس اقدام کا مقصد صوبے میں بچوں کی فلاح و بہبود اور حقوق سے متعلق اہم مسائل حل کرنے کیلئے ایک مشترکہ پلیٹ فارم قائم کرنا ہے، رکن صوبائی اسمبلی سارہ احمد کمیٹی کی سربراہی کریں گی جبکہ دیگر ارکان میں زکیہ خان، مہوش سلطانہ، سلمیٰ سعید، رخشندہ کوثر ودیگر شامل ہیں۔
کمیٹی کی سربراہ سارہ احمد نے بتایا اسپیکر پنجاب اسمبلی ملک احمد خان کمیٹی کے سرپرست کے طور پر خدمات انجام دیں گے اور اس بات کو یقینی بنانے کیلئے رہنمائی اور نگرانی فراہم کریں گے تاکہ گروپ اپنے مقاصد کو موثر طریقے سے حاصل کرسکے۔
انہوں نے بتایا کہ کمیٹی کی بنیادی ذمہ داریوں میں سے ایک بچوں سے متعلق مسائل پر باقاعدگی سے سرگرمیاں، بحث اور غور کرنا ہوگا، کمیٹی اپنی سفارشات کو تفصیلی رپورٹوں میں مرتب کرے گی جنہیں غور اور نفاذ کے لیے پنجاب اسمبلی میں پیش کیا جائے گا۔
.ذریعہ: Express News
کلیدی لفظ: پنجاب اسمبلی
پڑھیں:
ٹیکس گزاروں کیلئے اچھی خبر
سٹی 42 : ٹیکس گزاروں کیلئے اچھی خبر،ایف بی آر نے جون کی سیلز ٹیکس اور فیڈرل ایکسائز ڈیوٹی کی ریٹرن جمع کروانے کی تاریخ میں توسیع کر دی۔
ٹیکس گزار 4 اگست تک اپنے گوشوارے جمع کروا سکیں گے ۔ اس سے قبل ریٹرن جمع کروانے کی آخری تاریخ 18 جولائی تھی ۔
تکنیکی مسائل کی وجہ سے ہزاروں ٹیکس گزار اپنے گوشوارے جمع نہیں کروا پا رہے تھے ۔ٹیکس گزاروں اور ٹیکس بار کی جانب سے ڈیڈ لائن میں اضافے کا مطالبہ کیا جا رہا تھا۔
دریائے چناب میں پانی کی سطح بلند, الرٹ جاری
80 سے زائد چینی اور غیر ملکی اکیڈمیشنز کی ورلڈ آرٹیفیشل انٹیلی جنس کانفرنس میں شرکت کی تصدیق