ریاست اور عوام کے جاننے کا حق
اشاعت کی تاریخ: 16th, January 2025 GMT
ریاست عوام کے جاننے کے حق کو تسلیم کرنے کو تیار نہیں ہے۔ بیشتر ریاستی ادارے عوام کو معلومات فراہم کرنے میں سنجیدہ نہیں ہیں۔ عوام کے جاننے کا حق جس کی آئین کے آرٹیکل 19-A میں ضمانت دی گئی ہے، وفاقی وزارتوں کے افسروں کی فائلوں میں گم ہوجاتا ہے۔
عوام کے جاننے کے حق کے لیے آگہی کی مہم چلانے والی غیر سرکاری تنظیم فری اینڈ فیئر الیکشن نیٹ ورک (FAFEN) کے ماہرین نے وفاق کی 33 وزارتوں کے تحت قائم 40 ڈویژن کی ویب سائٹ پر دستیاب مواد کے تجزیے کے بعد یہ نتائج اخذ کیے ہیں کہ افسران بالا سے لے کر چھوٹے افسران بھی عوام کو معلومات فراہم کرنے پر تیار نہیں ہیں۔
فافن کے ماہرین نے اطلاعات کے حصول کے قانون R.
اس جامع رپورٹ میں یہ انکشاف کیا گیا ہے کہ 33 وزارتوں میں سے آدھی وزارتوں نے اس قانون کے تحت اطلاعات فراہم کرنے کی زحمت ہی نہیں کی۔ اسی طرح 40 ڈویژن سے کسی ایک کی ویب سائٹ پر آر ٹی او کے تحت معلومات حاصل کرنے کا ذکر نہیں ہے۔ فافن کے ماہرین نے اس ضمن میں وزارتوںکا جائزہ لیتے ہوئے یہ تحریرکیا ہے کہ صرف کیبنٹ ڈویژن اور بین الصوبائی رابطہ ڈویژن Interprovincial Coordication Division نے آر ٹی او کے قانون کی شق 5 کے تحت سب سے زیادہ معلومات اپنی ویب سائٹ پر وائرل کی جو کہ 42 فیصد کے قریب تھی۔
اسی طرح اسٹیبلشمنٹ، پٹرولیم ، نیشنل ہیریٹیج اینڈ کلچر، ریونیو، داخلہ اور پلاننگ ڈویژن نے 38 فیصد معلومات اپنی ویب سائٹ پر فراہم کیں۔ اطلاعات کے حصول کے قانون مجریہ RTI 2017 کے تحت ایک خود مختار انفارمیشن کمیشن وفاق میں قائم ہے۔ اسی طرح اب انفارمیشن کمیشن چاروں صوبوں میں قائم ہوچکا ہے۔ وفاقی انفارمیشن کمیشن سینٹر بیوروکریٹ شعیب صدیقی کی قیادت میں فعال ہے۔
ہر پاکستانی شہری پہلے متعلقہ وزارت یا ڈویژن یا وفاق کے خودمختار اداروں کو معلومات کے لیے عرض داشت بھیجتا ہے مگر عمومی صورتحال یہ ہے کہ شہری کی پہلی عرضداشت پر متعلقہ افسران توجہ ہی نہیں دیتے۔ شہری قانون کے تحت 15 دن تک انتظار کے بعد انفارمیشن کمیشن سے رجوع کرتا ہے۔
وفاقی انفارمیشن کمیشن کے پاس شہریوں کی عرضداشتوں کا ڈھیر لگا ہوا ہے۔ انفارمیشن کمیشن کے افسران متعلقہ وزارت، ڈویژن یا خود مختار ادارہ کے خط بھیجتے ہیں۔ اب متعلقہ وزارت، ڈویژن یا خود مختار ادارے کے افسران دیر سے جواب دینے کی حکمت عملی اختیارکرتے ہیں۔کبھی کوئی قانونی نکتہ پیش کیا جاتا ہے اورکبھی متعلقہ افسرکی غیر حاضری یا متعلقہ ریکارڈ کی عدم دستیابی کے بہانے کیے جاتے ہیں۔ بعض اوقات کمیشن کے افسروں کی متعلقہ وزارت کے افسران سے میٹنگ منعقد ہوتی ہے۔
اس میٹنگ میں کسی غیر متعلقہ یا جونیئر افسرکو بھیج دیا جاتا ہے۔ پوری کوشش یہ کی جاتی ہے کہ یا تو انفارمیشن والے اس معاملے کو بھول جائیں یا معلومات حاصل کرنے والا شہری مایوس ہوتا ہے۔
راقم کو وفاقی اردو یونیورسٹی کے مالیاتی بحران، اساتذہ کو تنخواہیں، ریٹائر ہونے والے اساتذہ و عمال کو ریٹائرمنٹ کے بعد واجبات کی عدم ادائیگی اور اردو یونیورسٹی کی جانب سے بینکوں میں جمع کرائی جانے والی کروڑوں روپوں کی رقوم کے بارے میں معلومات درکار تھیں مگر تقریباً 5 ماہ گزرنے کے باوجود یونیورسٹی کی انتظامیہ یہ بنیادی معلومات فراہم کرنے کو تیار نہیں ہے۔ جاننے کے حق کا بنیادی تعلق ریاستی اداروں میں شفافیت سے منسلک ہے۔
پاکستان میں پہلے بعض قانون دان یہ رائے دیتے تھے کہ آئین کا آرٹیکل 19 آزادی صحافت کو تحفظ فراہم کرتا ہے اور عوام کے جاننے کا حق میڈیا کے اطلاعات فراہم کرنے کے حق سے منسلک ہے جس کی بناء پر کسی نئی قانون سازی کی ضرورت نہیں ہے مگر یہ تصور عام ہوا کہ عوام کے جاننے کے حق کو عملی شکل دینے کے لیے ایک جامع قانون کی ضرورت ہے۔ جب جنرل ضیاء الحق نے غیر جماعتی بنیادوں پر انتخابات کرائے تو پھر ایوانِ بالا یعنی سینیٹ کا بھی قیام عمل میں آیا۔
جماعت اسلامی کے رہنما پروفیسر خورشید احمد بھی سینیٹ کے رکن منتخب ہوئے۔ پروفیسر خورشید احمد نے عوام کے جاننے کے حق کے تحفظ کے لیے سینیٹ میں ایک مسودہ قانون پیش کیا مگر یہ سینیٹ مسودہ پر غور نہیں کر پائی۔ جب 1988 میں عام انتخابات منعقد ہوئے تو پیپلز پارٹی اور مسلم لیگ ن نے اپنے اپنے منشور میں یہ وعدہ کیا کہ برسراقتدار آنے کے بعد عوام کے جاننے کے حق کے تحفظ کے لیے قانون سازی کریں گے مگر یہ دونوں جماعتیں دو دو بار برسر اقتدار رہیں مگر ان جماعتوں کے رہنماؤں نے قانون سازی پر توجہ نہ دی۔
سابق صدر فاروق لغاری نے بے نظیر بھٹو کی حکومت کو برطرف کردیا تو پیپلز پارٹی کے رہنما ملک معراج خالد کو نگراں وزیر اعظم مقررکیا گیا۔ ملک معراج خالد کی وزارتِ عظمی میں جسٹس ریٹائرڈ فخر الدین جی ابراہیم وزیر قانون، ارشاد حقانی وزیر اطلاعات اور نجم سیٹھی مشیرکی حیثیت سے شامل ہوئے۔ جسٹس ریٹائرڈ فخر الدین جی ابراہیم کچھ دنوں بعد وزارت سے مستعفی ہوگئے مگر ان کے مختصر دور میں اطلاعات کے حصول کے قانون کے مسودہ پر کام ہوا۔
نجم سیٹھی کی دلچسپی سے یہ مسودہ مکمل ہوا اور جس دن ملک معراج خالد کی حکومت کی میعاد ختم ہو رہی تھی، ایک آرڈیننس کے تحت ملک کی تاریخ میں پہلی دفعہ اطلاعات کے حصول کا قانون نافذ ہوا، اس دوران انتخابی مہم شروع ہوگئی۔ مسلم لیگ ن کے سربراہ میاں نواز شریف کے اطلاعات کے مشیر مشاہد حسین نے اعلان کیا کہ اس مسودے کو بہتر بناکر پارلیمنٹ سے منظور کراکر ایکٹ کی صورت میں نافذ کیا جائے گا۔ بعد ازاں مشاہد حسین مسلم لیگ ن حکومت کی کابینہ کے وزیر اطلاعات کے عہدہ پر فائز ہوئے، مگر وہ اپنے وعدے کو بھول گئے۔
پیپلز پارٹی کی چیئرپرسن بے نظیر بھٹو اور میاں نواز شریف کے درمیان لندن میں میثاقِ جمہوریت پر دستخط ہوئے ۔ اس میثاق کے تحت اطلاعات کے حصول کے قانون کو جامع بنانے کا وعدہ کیا گیا۔ 2013ء سے وفاق اور صوبوں میں قانون سازی کا عمل شروع ہوا۔ سندھ میں اب بھی انفارمیشن کمیشن کی کارکردگی بہت زیادہ قابلِ ستائش نہیں رہی مگر وفاق میں انفارمیشن کمیشن نے اہم فیصلے کیے مگر ریاست کی اعلیٰ سطح پر شفافیت کی اہمیت محسوس نہیں کیا گیا اسی بناء پر وزارتوں، ڈویژن اور خود مختار اداروں کے افسران اطلاعات کی فراہمی کی اہمیت کو محسوس نہیں کرتے۔ فافن کی یہ رپورٹ اس بات کی تصدیق کرتی ہے۔
نظام کے استحکام کے لیے ایک تجویز یہ ہے کہ انفارمیشن کمیشنوں کی کارکردگی کا جائزہ لینے کے لیے سول سوسائٹی کے علاوہ صحافیوں اور وکلاء پر مشتمل ایک کمیشن بنایا جائے جو اطلاعات کی فراہمی میں رکاوٹوں کے تدارک کے لیے اقدامات کرے۔ یہ بھی ضروری ہے کہ کمیشن کو توہینِ عدالت کے اختیارات دیے جائیں تاکہ افسران اطلاعات چھپانے کے کلچر کو ترک کریں۔ اطلاعات کے حصول کا قانون کے ذریعے جمہوری نظام مستحکم ہوسکتا ہے۔
ذریعہ: Express News
کلیدی لفظ: اطلاعات کے حصول کے قانون عوام کے جاننے کے حق معلومات فراہم کرنے انفارمیشن کمیشن ویب سائٹ پر خود مختار کے افسران قانون کے کیا گیا نہیں ہے کے تحت کے لیے کے بعد
پڑھیں:
بھارت پاکستان سے ہونے والی شرمناک شکست کو آج تک ہضم نہیں کر پایا، وزیر اطلاعات عطااللہ تارڑ
وفاقی وزیر اطلاعات و نشریات عطااللہ تارڑ نے کہا ہے کہ بھارت اب بھی پاکستان کے خلاف سازشوں میں مصروف ہے، ہماری کوسٹ گارڈ فورس نے ایک ایسے ملاح کو گرفتار کیا جو بھارتی ایجنسیوں کے لیے جاسوسی میں ملوث تھا۔ گرفتار شخص نے دورانِ تفتیش اپنی پوری کہانی دنیا کے سامنے بیان کر دی۔
اسلام آباد میں میڈیا سے گفتگو کرتے ہوئے عطااللہ تارڑ نے کہاکہ افواجِ پاکستان نے فیلڈ مارشل سید عاصم منیر کی قیادت میں اپنے سے چار گنا بڑے دشمن کو شکست دی، اور بھارت کو ایک شرمناک ناکامی کا سامنا کرنا پڑا، جسے وہ آج تک تک ہضم نہیں کر پایا۔
مزید پڑھیں: بھارت پاکستان کا پانی روک سکتا ہے نہ اس کا رخ موڑ سکتا ہے، اسحاق ڈار
انہوں نے کہاکہ مسلسل کوششوں اور محنت کے نتیجے میں پاکستان نے سفارتی میدان میں نمایاں کامیابیاں حاصل کی ہیں۔ ملک کے مفاد کے لیے کام کرنے والے تمام سفارت کاروں کی خدمات کو ہمیشہ یاد رکھا جائے گا۔ پاکستان اب معاشی ترقی کے نئے اہداف حاصل کرنے کے لیے پرعزم ہے۔
بھارت کو یہ غلط فہمی تھی کہ وہ ایک ابھرتی ہوئی طاقت ہے۔
ہم پر وہ جنگ مسلط کی گئی جس کی ہمیں کوئی خواہش نہیں تھی۔ جب دشمن نے برتری ثابت کرنے کی کوشش کی تو پوری قوم نے متحد ہو کر دشمن کو منہ توڑ جواب دیا۔ اور افواجِ پاکستان نے، فیلڈ مارشل سید عاصم منیر کی قیادت میں، اپنے سے چار… pic.twitter.com/aRCcHzG7jz
— WE News (@WENewsPk) November 3, 2025
انہوں نے کہا کہ دہشتگردی سے سب سے زیادہ نقصان پاکستان نے برداشت کیا، مگر اب عالمی برادری پاکستان کی قربانیوں اور کامیابیوں کو تسلیم کرتی ہے۔
وفاقی وزیر نے کہاکہ پاکستان پر دہشتگردی کی پشت پناہی کے بے بنیاد الزامات لگائے گئے، خاص طور پر پہلگام واقعے کے بعد فوری طور پر الزام عائد کرنا غیر منصفانہ تھا۔
عطا تارڑ کے مطابق پاکستان خود دہشتگردی کا سب سے بڑا شکار ہے، اور دنیا اس بات کو تسلیم کرتی ہے کہ پاکستان کی وزارتِ خارجہ اور سفارت کاروں نے ملک کا وقار عالمی سطح پر بلند کیا۔
انہوں نے مزید کہاکہ وزیراعظم نے پہلگام واقعے پر بھارت کو غیر جانب دار تحقیقات کی پیشکش کی، جس کی حمایت دوست ممالک نے بھی کی۔
عطا تارڑ کا کہنا تھا کہ جب بھی پاکستان پر جنگ مسلط کی گئی، مسلح افواج نے بھرپور جواب دیا۔ ان کے مطابق فیلڈ مارشل سید عاصم منیر کی قیادت میں قوم نے فتح حاصل کی، اور اس جدوجہد میں فضائیہ کا کردار تاریخ میں سنہری حروف سے لکھا جائے گا۔
وزیر اطلاعات نے کہا کہ بھارتی میڈیا جھوٹے پروپیگنڈے میں مصروف رہا، تاہم پاکستان میں ذمہ دارانہ صحافت نے عالمی توجہ حاصل کی۔ ’معرکہ حق‘ میں کامیابی کے بعد قوم کا سر فخر سے بلند ہے۔
عطا تارڑ نے کہاکہ پاکستان ایک فکری اور بیانیاتی جنگ لڑ رہا ہے، جہاں ایک طرف بھارت کا جھوٹا بیانیہ ہے تو دوسری جانب پاکستان کے واضح اور ٹھوس حقائق نے دنیا کو اصل صورتحال دکھا دی۔
مزید پڑھیں: پہلگام حملے کی تحقیقات سے قبل بھارت پاکستان پر حملہ کرکے عالمی قوانین کی خلاف ورزی کا مرتکب
ان کا مزید کہنا تھا کہ وزیراعظم کے حالیہ دورہ سعودی عرب کے دوران معاشی و اسٹریٹجک فریم ورک کا آغاز ایک بڑی پیش رفت ہے۔ اب حکومت کی ترجیح بیرونی سرمایہ کاری میں اضافہ، وسط ایشیائی ممالک کے ساتھ اقتصادی تعلقات کو مضبوط بنانا، اور پاکستانی بندرگاہوں کے ذریعے علاقائی تجارت کو فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارتی سازشیں دہشتگردی عطااللہ تارڑ وفاقی وزیر اطلاعات وی نیوز
اشتہار