پیٹرول کی قیمتوں میں اضافہ مسترد،مہنگائی کا طوفان آئیگا،کاشف سعید شیخ
اشاعت کی تاریخ: 17th, January 2025 GMT
امیرجماعت اسلامی سندھ کاشف سعید شیخ ایس یو پی سربراہ کو ’’دریائے سندھ وزراعت کو درپیش خطرات و حل‘‘ پانی کانفرنس میں شرکت کا دعوت نامہ پیش کررہے ہیں
کراچی (اسٹاف رپورٹر)جماعت اسلامی سندھ کے امیر کاشف سعید شیخ نے شہباز حکومت کی جانب سے رواں ماہ میں دوسری مرتبہ پیٹرولیم مصنوعات کی قیمتوں میں اضافے کی شدید مذمت کرتے ہوئے کہا
کہ قوم پہلے ہی مہنگائی کی چکی میں پس رہی ہے پیٹرولیم منصوعات کی قیمتوں میں اضافے سے مہنگائی کا ایک نیا سیلاب آئے گا ،جماعت اسلامی عوام دشمن فیصلے کو مستردکرتی ہے،حکومت نے پٹرولیم مصنوعات میں اضافہ کر کے عوام پر مہنگائی کا ڈرون حملہ کیا،پٹرولیم مصنوعات میں اضافے کی مذمّت کرتے ہیں۔ ایک طرف فارم 74 کے ذریعے قوم پر مسلط کئے گئے حکمران مہنگائی میں کمی، زرمبادلہ ذخائر میں اضافہ اور سٹاک ایکسچینج میں بہتری کے دعوے کرتے نہیں تھکتے دوسری جانب عام آدمی کی زندگی عذاب بنی ہوئی ہے، حکومت فی الفورپیٹرولیم مصنوعات کی قیمتوں میں اضافہ واپس لے۔انہوں نے آج ایک بیان میں کہا کہ غلام قیادت نے آئی ایم ایف کے اشاروں پر عوام پر ایک بار پھر پیٹرول بم گرا کران کا زندہ رہنا مشکل بنادیا ہے، ملک پر مسلط طبقہ غربت ختم کر نے کی بجا ئے غر یب کو ختم کر نے پر تْلا ہوا ہے۔ ایک طرف حکمران مہنگائی میں کمی کے جھوٹے دعوے کررہے ہیں تو دوسری جانب مسلسل پٹرولیم مصنوعات، گیس اور بجلی کی قیمتوں میں ہوشربا اضافے نے غریب عوام کو زندہ درگور کر دیاہے، پی ڈی ایم حکومت کا ڈھائی سالہ دورحکومت تاریخ کا بدترین دور ہے،عوام پہلے ہی بیروزگاری، بدامنی،بھوک وافلاس اور گیس بجلی کی قیمتوں میں اضافے سے پریشان ہیں اب پیٹرولیم مصنوعات کی قیمتوں میں اضافے کا اعلان ان پر بجلی بن کر گرا دی گئی ہے۔انہوں نے مزید کہا کہ پیٹرولیم مصنوعات کی قیمتوں میں اضافے سے ٹرانسپورٹ کے کرایوں سمیت اشیائے خورونوش کی قیمتوں میں ہوشربا اضافہ ہوجاتا ہے جس سے عام آدمی کا جینا مشکل ہوجائے گا۔ظالم اور بے حس حکمران آئی ایم ایف کے کہنے پر غریبوں کو نشانہ بنارہے ہیں، ملک کی آدھی سے زیادہ آبادی خط غربت سے نیچے زندگی گزار رہی ہے، لوگ اپنی بنیادی ضروریات پوری نہیں کر سکتے، موجودہ فارم 47کی پیداوار حکومت نے مہنگائی کے تمام رکارڈ توڑکرعوام سے سب کچھ چھین لیاہے۔ حکمرانوں نے قرضے لے کر خود ہڑپ کر لیے اور ادائیگی کے لیے قوم کا خون نچوڑا، غریبوں پر بے جا ٹیکسز عائد کیے گئے اور پٹرول، بجلی، گیس اور اشیائے ضروریہ کی قیمتوں میں بے پناہ اضافہ کر کے عوام کا جینا حرام کر دیا گیا۔ ہونا تو یہ چاہیے تھا کہ حکمران اپنی مراعات کم کرتے، مفت پٹرول، بجلی اور گیس کے استعمال پر پابندی لگتی اور ملک کے وسائل عوام پر خرچ ہوتے، مگر تجربات سے ثابت ہو چکا ہے کہ اقتداری ایوانوں میں براجمان ظالم جاگیردار اور کرپٹ سرمایہ دار انھیں قوم کی فلاح و بہبود سے کوئی غرض نہیں۔صوبائی امیر نے مطالبہ کیا کہ حکومت جنوری25میں پیٹرولیم مصنوعات کی قیمتوں میں کیا گیا حالیہ اضافہ فی الفور واپس لیکر مہنگائی کی چکی میں پسے ہوئے عوام کو رلیف فراہم کرے۔
کراچی (اسٹاف رپورٹر) جماعت اسلامی سندھ کے ایک اعلیٰ سطحی وفد نے سندھ کے امیر کاشف سعید شیخ کی قیادت میں سندھ یونائیٹڈ پارٹی کے صدر اور دریا بچائو کمیٹی کے کنوینر سید زین العابدین شاہ سے
جامشورو میں ملاقات کی، دونوں رہنماؤں نے سندھ کی صورتحال اور سندھ میں بدامنی کی آگ، ڈاکو راج، پانی پر ڈاکے سمیت باہمی دلچسپی کے امور پر تبادلہ خیال کیا۔ وفد نے سید زین شاہ کو 26 جنوری کو حیدر آباد میں جماعت اسلامی کی جانب سے منعقد کی جانے والی پانی کانفرنس میں شرکت کی دعوت بھی دی۔ سید زین شاہ نے پانی سمیت سندھ کے اشوز پرجماعت اسلامی کی کاوشوں کوسراہا اور دعوت نامہ قبول کرتے ہوئے کانفرنس میں اپنی شرکت کا یقین دلایا۔ ملاقات کے بعد پریس بریفنگ سے خطاب کرتے ہوئے سید زین شاہ نے کہا کہ پیپلز پارٹی کو سندھ میں چوتھی بار اقتدار محض اسلئے دیا گیا کہ اسکے بدلے مقتدرقوتوں کو سندھ کے پانی، زمین اور قومی وسائل پر قبضہ دیا جائے،جعلی انتخابات کے ذرریعے کاروباری اور خوشامدی لوگوں کے حوالے پورا ملک کیا گیا ہے جو اسیبلشمینٹ کے مفادات کے محافظ بن چکے ہیں۔ ’’دریا بچاؤ تحریک‘‘ کا اجلاس 25 جنوری کو کراچی میں طلب کر لیا گیا ہے، جس میں آئندہ کا لائحہ عمل طے کیا جائے گا۔ انہوں نے مطالبہ کیا کہ نہریں بنانے اور سندھ کی قیمتیں زمینیں کمپنی کے حوالے کرنے کا منصوبہ ختم کیا جائے۔ دریا بچاؤ تحریک میں جماعت اسلامی پہلے دن سے ہمارے ساتھ کام کر رہی ہے۔جماعت اسلامی سندھ کے امیر کاشف سعید شیخ نے کہا کہ دریائے سندھ پر چھ نئی نہروں کی تعمیر کے بعد بدین، ٹنڈو محمد خان، ٹھٹھہ اور کراچی میں پانی کا بڑا بحران پیدا ہو جائے گا، جب کہ سندھ کی زراعت مکمل طور پر تباہ ہو جائے گی۔ کراچی کے شہری اس وقت بھی پانی کی شدید کمی کے باعث ٹینکرز مافیا سے پانی خریدنے پر مجبور ہیں جبکہ بدین اور ٹھٹھہ کے کے ٹیل کے آبادگاروں کو علاقوں کو زراعت کے لیے پانی نہیں ملتا۔ سندھ کے مفادات اور وسائل کے حوالے سے ہمیں تمام اختلافات بھلا کر ایک جگہ اکٹھا ہونا ہو گا۔ ہم سندھ کابینہ کی جانب سے ساحلی پٹی کی کمپنی کو 10 لاکھ ایکڑ اراضی دینے کی شدید مذمت کرتے ہیں۔صوبائی حکومت نے گورکھ ہل کے سیاحتی مقام ، عمر کوٹ سمیت کمپنی کو لاکھوں ایکڑ اراضی دی ہے پیپلز پارٹی نے پورے سندھ کے وسائل اپنے اقتدار کو محفوظ بنانے کیلئے بیچ دیے ہیں۔ ’’پاکستان کھپے‘‘ کا نعرہ لگانے والے صدر زرداری نے دراصل پورے سندھ کے وسائل کو بیچ دیا ہے۔ 26 جنوری کو جماعت اسلامی حیدرآباد میں پانی کے پر ڈاکے اور 06 نئی نہروں کی تعمیر کے خلاف ’’پانی کانفرنس‘‘ کر رہی ہے جس میں سید زین شاہ سمیت تمام سیاسی، مذہبی،سماجی تنظیموں اور آبی ماہرین کو مدعو کیا گیا ہے۔ جماعت اسلامی، سندھ کے عوام کی زندگی سندھو دریا پر نہروں کی تعمیر اوروسائل پر قبضے شدید مخالفت کرتی رہی ہے اور کرتی رہے گی۔ ہم حکومت سندھ اور وفاقی حکومت سے مطالبہ کرتے ہیں کہ کمپنی سرکار کو خوش کرنے کیلئے سندھ کی زمینوں کی نیلامی اور پانی چوری کرنے کی کوششیں بند کی جائیں بصورت دیگر وفاق اور سندھ میں فارم47 کی بنیاد پر وجود میں آنے والی جعلی حکومت کیلئے خود کو بچانا مشکل ہو جائے گا۔ .
ذریعہ: Jasarat News
کلیدی لفظ: پیٹرولیم مصنوعات کی قیمتوں میں جماعت اسلامی سندھ کے کی قیمتوں میں اضافے کاشف سعید شیخ سید زین شاہ میں اضافہ سندھ کی جائے گا پانی کا رہی ہے کہا کہ
پڑھیں:
چوہدری شفقت محمود کی تعیناتی نے فتح جنگ کو بدل کر رکھ دیا، عوامی اعتماد میں نمایاں اضافہ
چوہدری شفقت محمود کی تعیناتی نے فتح جنگ کو بدل کر رکھ دیا، عوامی اعتماد میں نمایاں اضافہ WhatsAppFacebookTwitter 0 22 April, 2025 سب نیوز
فتح جنگ :
تحصیل فتح جنگ میں تحصیلدار و پرائس کنٹرول مجسٹریٹ چوہدری شفقت محمود کی تعیناتی نے انتظامی نظام کو ایک نئی جہت دی ہے۔ ابزرور آئیز کے حالیہ عوامی سروے کے مطابق، ان کی تعینات کے بعد شہر میں تجاوزات میں نمایاں کمی آئی ہے، ٹرانسپورٹ کا نظام بہتر ہوا ہے، اور انتظامی معاملات میں شفافیت نے عوامی اعتماد کو نئی جِلا بخشی ہے۔
شہریوں نے اس بات کو سراہا کہ ویگنوں اور بسوں کو اب متعین اڈوں سے باہر نکلنے کی اجازت نہیں دی جاتی، جس سے ٹریفک مسائل میں واضح کمی واقع ہوئی ہے۔ ریونیو سے متعلق شکایات جو ماضی میں ایک معمول بن چکی تھیں، اب قصۂ پارینہ بنتی جا رہی ہیں۔ عوامی رائے کے مطابق، چوہدری شفقت محمود نے عوام کے دلوں میں اپنی خدمت، دیانت اور حسنِ انتظام سے ایک خاص مقام حاصل کر لیا ہے۔
سروے میں یہ بھی سامنے آیا کہ چوہدری شفقت محمود نے اعلیٰ حکام سے خصوصی اجازت لے کر شہر کے پارکوں کی حالت بہتر بنانے میں نمایاں کردار ادا کیا۔ خاص طور پر خواتین کے لیے باپردہ انتظامات نے سماجی و اخلاقی اقدار کے تحفظ کو یقینی بنایا، جسے شہری حلقوں نے بے حد سراہا۔
صفائی و ستھرائی کے حوالے سے شہر میں ایک نئی مثال قائم ہوئی ہے، جبکہ اشیائے خورونوش کی قیمتوں پر موثر کنٹرول کے باعث عوام کو مہنگائی کے عذاب سے ریلیف ملا ہے۔ بلاامتیاز کارروائیاں، ذخیرہ اندوزوں کے خلاف بھرپور کریک ڈاؤن، اور دیانتدار دکانداروں کی حوصلہ افزائی چوہدری شفقت محمود کی انتظامی بصیرت کا منہ بولتا ثبوت ہیں۔
قانون و انصاف کی عملداری ان کی اولین ترجیح رہی ہے۔ شہریوں کی شکایات کا فوری نوٹس لے کر موقع پر ہی ریلیف فراہم کرنا ان کا معمول بن چکا ہے، جس سے عوام میں یہ احساس پیدا ہوا ہے کہ ان کی آواز سنی جا رہی ہے اور مسائل کو فوری بنیادوں پر حل کیا جا رہا ہے۔
سروے میں شریک شہریوں نے چوہدری شفقت محمود کو ہر دلعزیز افسر قرار دیتے ہوئے کہا کہ وہ خلوص، دیانت اور محنت کی اعلیٰ مثال ہیں۔ ان کی موجودگی فتح جنگ کے لیے ترقی، شفافیت اور انصاف کی علامت بن چکی ہے۔ عوام کو قوی امید ہے کہ یہ سلسلہ اسی جذبے سے جاری رہے گا اور شہر مزید ترقی و خوشحالی کی جانب گامزن ہوگا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد میں تاریخ رقم: 35 روز میں انڈر پاس کی تعمیر کا آغاز اٹک: معروف بزنس مین ملک جاوید اختر نے بیٹے کی شادی پر مستحقین میں لاکھوں روپے مالیت کے درجنوں پلاٹس مفت تقسیم کر دیے ایران میں 8 پاکستانیوں کے قتل کیخلاف پنجاب اسمبلی میں مذمتی قرارداد جمع پنجاب بھر میں آج سے گرمی میں شدید اضافے کا امکان، وارننگ جاری مُلک کیلیے اعزاز؛ ای سی او نے پاکستانی شہر کو سیاحتی دارالحکومت نامزد کردیا ملک بھر میں ہیٹ ویو کا خطرہ، مریم اورنگزیب کا عوام کے نام انتباہی پیغام پنجاب کے مختلف شہروں کے لئے 1500 الیکٹرک بسیں چلانے کی منظوریCopyright © 2025, All Rights Reserved
رابطہ کریں ہمارے بارے ہماری ٹیم
ملک کے مختلف علاقوں میں آج اور کل شدید بارش، ژالہ باری کا امکان