جمس اسپتال کی حالت میں بہتری نہ آئی سہولیات کا فقدان ادویات ناپید
اشاعت کی تاریخ: 19th, January 2025 GMT
جیکب آباد (نمائندہ جسارت) جمس اسپتا ل کی حالت زار میں بہتری نہ آئی، انٹرویو کے باوجود نئے ڈائریکٹر کی تقرری نہ ہوسکی، 3 ماہ گزر گئے، جنوری میں 5 کروڑ 84 لاکھ خرچ کرنے کے باوجود سہولیات کا فقدان، ادویات ناپید، موجودہ ڈائریکٹر مریضوں کو سہولیات دینے میں ناکام، اگست میں ہونے والے بورڈ آف گورننس کے اجلاس میں کیے گئے فیصلوں پر عمل نہ ہوا، نئی بھرتی کی تیاریاں۔ تفصیلات کے مطابق جمس اسپتال کی حالت زار میں بہتری نہ آسکی ہے، محکمہ صحت کی جانب سے انٹرویو لینے کے باوجود جمس میں نئے ڈائریکٹر کی تقرری نہیں کی جا سکی، 3 ماہ سے معاملہ التوا کا شکار ہے، اسپتال کے بجٹ سے جنوری میں 5 کروڑ 84 لاکھ 77 ہزار سے زائد خرچ کرنے کے باوجود سہولیات کا فقدان اور ادویات ناپید ہیں، موجودہ ڈائریکٹر مریضوں کو علاج کی سہولیات دینے میں مکمل ناکام ہیں، یہی وجہ ہے کہ گزشتہ بورڈ آف گورننس کے اجلاس میں موجودہ ڈائریکٹر عبدالکریم جمالی سے استعفیٰ لے کر نئے ڈائریکٹر کی تقرری کا فیصلہ کیا گیا تھا، اس سلسلے میں اُمیدواروں سے انٹرویو بھی لیے گئے لیکن تاحال تقرری نہیں ہوئی۔ معلوم ہوا ہے کہ اگست میں ہونے والے بورڈ آف گورننس کے اجلاس میں کیے گئے فیصلوں میں سے کسی ایک پر بھی عمل نہیں کیا گیا ہے اور اچانک اب جمس میں 25 کے قریب عملے کی بھرتی کی تیاریاں کی جا رہی ہیں۔ جمس اسپتال میں کام کرنے والا عملہ پریشان ہے کیونکہ سروس اسٹرکچر بنانے کی منظوری کے باوجود اس پر تاحال کوئی پیش رفت نہیں ہو سکی ہے۔
.ذریعہ: Jasarat News
کلیدی لفظ: کے باوجود
پڑھیں:
سندھ: سائٹ لمیٹڈ کے ایم ڈی کی تقرری کا نوٹیفکیشن معطل
— فائل فوٹوسندھ ہائی کورٹ میں سائٹ لمیٹڈ کے منیجنگ ڈائریکٹر کی تقرری کے خلاف سماعت ہوئی۔
عدالت نے سندھ حکومت کو عبوری اہل افسر کو قائم مقام ایم ڈی کی تقرری کی اجازت دیتے ہوئے ایم ڈی کی تقرری کا نوٹیفکیشن آئندہ سماعت تک معطل کردیا۔
عدالت نے آئندہ سماعت پر سندھ حکومت سے تقرری کی وضاحت طلب کرتے ہوئے کہا کہ سائٹ لمیٹڈ کے ایم ڈی کی دوبارہ تقرری کی وضاحت کے لیے سندھ حکومت کے سینیر افسر پیش ہو۔
کراچی سائٹ ایسوسی ایشن آف انڈسٹری کے سرپرست زبیر...
سماعت کے دوران وکیل نے عدالت میں مؤقف اختیار کیا کہ گریڈ 19 کے افسر سید عارف احمد زیدی کو بطور ایم ڈی سائٹ لمیٹڈ تعینات کیا گیا ہے۔
درخواست گزار کے وکیل کا کہنا ہے کہ سرکاری ملازم کو ایم ڈی کے عہدے پر تعینات کیا جاسکتا ہے۔ عارف زیدی کا سرکاری ملازمت کا ریکارڈ اچھا نہیں ہے، انہیں ملازمت سے برخاست کیا گیا تھا۔
درخواست گزار کے وکیل نے کہا کہ عدالت نے پہلے بھی عارف زیدی کی بطور ایم ڈی تعیناتی کا نوٹیفکیشن معطل کیا تھا۔
عدالت نے فریقین کو نوٹس جاری کرتے ہوئے 7 مئی تک جواب طلب کرلیا ہے۔
افغان طالبان نے امریکی فوج کے چھوڑے گئے 5 لاکھ ہتھیار دہشتگرد گروپوں کو فروخت کر دیے، برطانوی میڈیا کا دعویٰ