جنوبی کوریا:معزول صدر قید تنہائی میں منتقل ،تفتیش می سختی پر غور
اشاعت کی تاریخ: 21st, January 2025 GMT
سیول (انٹرنیشنل ڈیسک) جنوبی کوریا میں مارشل لا کی وجہ سے معزول کیے جانے والے صدر یون سک یول کو گرفتار کرکے قید تنہائی میں منتقل کردیا گیا۔ یون کے حامیوں کی طرف سے ان کی رہائی کے لیے پرتشدد احتجاجی کاروائیوں کے باعث حکومت کی جانب سے حفاظتی تدابیر اختیار کر لی گئی ہیں۔ یون نے مارشل لا کے بارے میں جاری تفتیش کے دوران بیان دینے سے انکار کر دیا تھا ،جس کے بعد ان سے زبردستی بیان دلوانے کا منصوبہ بنایا جا رہا ہے۔ خبررساں اداروں کے مطابق اعلیٰ عہدے داروں کی بدعنوانیوں سے متعلق تحقیقات کرنے والے ادارے کے تفتیش کار حراستی مرکز کا دورہ کر سکتے ہیں۔ زیادہ امکان اس بات کا ہے کہ صدر کو زبردستی انسدادِ بدعنوانی ادارے کی عمارت میں لایا جائے گا تاکہ وہاں ان سے پوچھ گچھ کی جا سکے۔ تفتیشی ٹیم کی طرف سے حراست میں لیے جانے کے بعد یون بدھ کے روز پوچھ گچھ کے لیے پیش ہوئے تھے، لیکن انہوں نے مزید پوچھ گچھ کی درخواستوں پر عمل کرنے سے انکار کر دیا تھا۔ وزارتِ انصاف نے بتایا کہ یون کو گرفتاری کے بعد 12 مربع میٹر کے کمرے میں قید تنہائی میں منتقل کر دیا گیا ہے۔ سابق صدر نے پولیس کو اپنے چہرے کی تصویر لینے کی اجازت دینے پر رضامندی کا اظہار کیا ہے۔یاد رہے کہ اتوار کے روز معزول صدر کی رہائی کے لیے احتجاج کیا گیا تھا،جس میں 44ہزار سے زائد افراد دارالحکومت سیول میں جمع ہوئے۔ حکومت نے مظاہرین پر کریک ڈاؤن کرتے ہوئے 86افراد کو حراست میں لے لیا۔ جنوبی کوریا کی قومی اسمبلی نے مارشل لاکو غیر آئینی قرار دے کر یون کی معزولی کا مطالبہ کیا تھا،جس کے بعد 18 جنوری کو انہیں بغاوت کی قیادت اور اختیارات کے غلط استعمال کے الزام میں گرفتار کیا گیا۔ ذرائع ابلاغ کے مطابق سرکار ٹیم صدر کو فروری کے اوائل تک حراست میں رکھ کر پوچھ گچھ کرے گا۔
.ذریعہ: Jasarat News
کلیدی لفظ: کے بعد
پڑھیں:
انجمن تحفظ عزاداری جنوبی پنجاب کا اجلاس، محرم الحرام سے قبل مسائل کی نشاندہی
تنظیم کے مرکزی صدر سید اصغر عباس نقوی نے کہا کہ سابقہ سالوں میں لائسنس داروں کو جو مشکلات پیش آئیں، فنڈ کے کم کرنے کی وجہ سے بھی مسائل پیدا ہوئے اسی طرح ماتمی جلوس روٹس کے اوقات کے حوالے سے بھی مسائل پیدا ہوئے اور لائسنس داروں پر مقدمات درج کیے گئے اور مومنین میں شدید بے چینی کی فضا پیدا ہوئی۔ اسلام ٹائمز۔ انجمن تحفظ عزاداری ساوتھ پنجاب کے مرکزی صدر سید اصغر عباس نقوی نے کہا ہے کہ ضلعی انتظامیہ ماہ محرم الحرام کی آمد کے پیش نظر لائسنس داروں کو درپیش مسائل کے حل کو ترجیحی بنیادوں پر اقدامات کو یقینی بنائے، چئیرمین سید مبشر رضا نقوی نے کہا کہ ملتان سمیت جنوبی پنجاب میں قدیمی و مرکزی مرکزی امام بارگاہوں لائسنس داروں کے مسائل کے حل کے حوالے سے جلد دورہ کریں گے۔ ان خیالات کا اظہار انہوں نے بسلسلہ محرم الحرام انتظامات کے سلسلے میں انجمن تحفظ عزاداری ساتھ پنجاب کے مرکزی چیئرمین سید مبشر رضا نقوی کی رہائش گاہ گلستان چوک نیو ملتان پر منعقدہ اجلاس سے خطاب کے دوران کیا۔ جس میں ملتان، شجاع آباد، جلال پور، لودھراں کے قدیمی و مرکزی امام بارگاہوں کے لائسنس داروں نے کثیر تعداد میں شرکت کی۔
اس موقع پر سید اصغر عباس نقوی نے کہا کہ سابقہ سالوں میں لائسنس داروں کو جو مشکلات پیش آئیں، فنڈ کے کم کرنے کی وجہ سے بھی مسائل پیدا ہوئے، اسی طرح ماتمی جلوس روٹس کے اوقات کے حوالے سے بھی مسائل پیدا ہوئے اور لائسنس داروں پر مقدمات درج کیے گئے اور مومنین میں شدید بے چینی کی فضا پیدا ہوئی، لائسنس داروں کو سید اصغر عباس نقوی اور سید مبشر رضا نقوی نے یقین دہانی کرائی کہ ان کے مسائل کے حل کے لیے بھرپور کردار ادا کیا جائے گا اور ضلعی انتظامیہ سمیت متعلقہ اداروں سے ملیں گے۔
افغانستان کے وفد کی وزیر مملکت برائے داخلہ سے ملاقات، افغان مہاجرین کی واپسی پر گفتگو