مرکزی مسلم لیگ سندھ کے صوبائی عہدیداران کا بدین پریس کلب کا دورہ
اشاعت کی تاریخ: 21st, January 2025 GMT
بدین (نمائندہ جسارت)مرکزی مسلم لیگ سندھ کے صوبائی عہدیداران کا بدین پریس کلب کا دورہ نومنتخب عہدیداروں کو مبارکباد پیش کی اور 25 فروری کو حقوق سندھ مارچ کے سلسلہ میں بدین میں جلسہ عام میں شرکت اور میڈیا کوریج کی دعوت دی ۔ مرکزی مسلم لیگ کے وفد نے ترجمان سندھ طہ منیب کی قیادت میں وفد نے بدین پریس کلب اور ایوان صحافت بدین کا دورہ کیا۔ اس موقع پر طہ منیب نے پریس کلب بدین کی نئی منتخب عہدیداروں کو مبارکباد دی اور اس امید کا اظہار کیا کہ نئی انتظامیہ پریس کلب کی فلاح و بہبود اور عوامی مسائل کو بھرپور اجاگر کرے گی۔ مرکزی مسلم لیگ کے وفد میں ڈپٹی انفارمیشن سیکرٹری اندرون سندھ خالد سیف اور جنرل سیکرٹری بدین محمد عارف بھی ہمراہ تھے۔ وفد نے اپنے دورے کے دوران سندھ کے عوام کے حقوق کے تحفظ کے لیے اٹھائے جانے والے اہم اقدامات پر بھی روشنی ڈالی اور 25 سے 28 جنوری تک کراچی سے سکھر تک نکالے جانے والے “حقوق سندھ مارچ” کی دعوت دی۔ اس مارچ کا مقصد کچے اور پکے کے ڈاکوؤں کے خلاف آواز اٹھانا اور سندھ کے عوام کو ان کے بنیادی حقوق کی فراہمی کے لیے جدوجہد کرنا ہے۔ اس موقع پر طہ منیب کا کہنا تھا کہ ماضی کی طرح اب بھی بدین کے صحافی مرکزی مسلم لیگ کے عوامی حقوق کے لیے کیے جانے والے “حقوق سندھ مارچ” کی بھرپور کوریج کریں گے اور عوامی حقوق کے حصول کی اس جنگ میں مرکزی مسلم لیگ کے سنگ ہوں گے۔ یہ مارچ 25 جنوری کو شاہنواز چوک بدین پہنچے گا، جہاں سیکڑوں گاڑیاں اور عوامی جوق در جوق شریک ہوں گے۔ اس مقام پر ایک زبردست جلسہ عام منعقد ہوگا، جس میں سندھ کے عوام کی حمایت حاصل کرنے کے لیے مرکزی مسلم لیگ کی صوبائی قیادت خطاب کرے گی۔ ان شاء اللہ ، مرکزی مسلم لیگ کے وفد نے کہا کہ اس مارچ میں عوام کی بھرپور شرکت ہوگی جس سے سندھ کے اندر امن و انصاف کے قیام کی جدوجہد کو مزید تقویت ملے گی۔
.ذریعہ: Jasarat News
کلیدی لفظ: مرکزی مسلم لیگ کے پریس کلب سندھ کے کے عوام کے لیے وفد نے
پڑھیں:
بلدیاتی انتخابات، استحکام پاکستان پارٹی نے تیاریاں شروع کر دیں
استحکام پاکستان پارٹی کے صدر عبدالعلیم خان کی ہدایات کے مطابق پنجاب میں بلدیاتی انتخابات کی تیاریوں کی نگرانی مرکزی جنرل سیکرٹری میاں خالد محمود، رکن پنجاب اسمبلی شعیب صدیقی اور مرکزی سیکرٹری اطلاعات سید صمصام بخاری، صدر پنجاب رانا نذیر احمد خان کریں گے۔ اسلام ٹائمز۔ پنجاب میں بلدیاتی انتخابات کے حوالے سے استحکام پاکستان پارٹی نے تیاریاں شروع کر دی ہیں۔ مرکزی صدر عبدالعلیم خان نے بلدیاتی انتخابات کیلئے لاہور سمیت پنجاب کی قیادت کو ٹاسک سونپ دیئے ہیں۔ استحکام پاکستان پارٹی کے صدر عبدالعلیم خان کی ہدایات کے مطابق پنجاب میں بلدیاتی انتخابات کی تیاریوں کی نگرانی مرکزی جنرل سیکرٹری میاں خالد محمود، رکن پنجاب اسمبلی شعیب صدیقی اور مرکزی سیکرٹری اطلاعات سید صمصام بخاری، صدر پنجاب رانا نذیر احمد خان کریں گے۔
لاہور ڈویژن میں بلدیاتی انتخابات کی تیاریوں کی نگرانی آئی پی پی لاہور کے صدر ملک زمان نصیب کریں گے۔ ہدایات کے مطابق کے ہر ڈویژن کے مرکزی عہدیدار اپنے اپنے اضلاع کی نگرانی کریں گے، جبکہ لاہور سمیت پنجاب بھر کے عہدیدار بلدیاتی انتخابات کیلئے امیدواروں کی فہرستیں تیار کر کے پارٹی کی مرکزی قیادت کو پیش کریں گے، امیدواروں کا حتمی فیصلہ مرکزی قیادت کرے گی۔
عبدالعلیم خان اور دیگر مرکزی قائدین ڈویژنل اور ضلع کے عہدیداروں کی سفارش پر امیدواروں کا حتمی فیصلہ کریں گے۔ عبدالعلیم خان کی جانب سے جاری کردہ ہدایات میں کہا گیا ہے کہ ایسے امیدوار سامنے لائے جائیں جو ایماندار اور سیاسی اثر و رسوخ رکھتے ہوں، جبکہ ہر یونین کونسل میں سیاسی طور پر مضبوط شخصیات کو پارٹی میں فوری شامل کیا جائے اور تنظیم سازی کے عمل کو بھی تیز کیا جائے۔
کراچی، نادرن بائی پاس پر پلاسٹک کے گودام میں آگ لگ گئی