انگلش پریمئر لیگ ، ایورٹن نے ٹوٹنہم ہاٹ پور کو 3-2سے ہرادیا
اشاعت کی تاریخ: 21st, January 2025 GMT
لندن(اسپورٹس ڈیسک)ایورٹن نے انگلش پریمیئر لیگ کے ایک میچ میں ٹوٹنہم ہاٹ پور کو سخت مقابلے کے بعد 2-3 گول سے ہرا دیا، برائٹن اینڈ ہوو البیون نے مانچسٹر یونائیٹڈ کو 1-3گول سے ہرا دیا ،ناٹنگھم فارسٹ نے سخت مقابلے کے بعد سائوتھمپٹن کو 2-3گول سے ہرا دیا جبکہ دفاعی چمپئن مانچسٹر سٹی نے یکطرفہ مقابلے کے بعد ایپسوچ ٹائون کو 0-6گول سے مات دی ۔ پریمیئر لیگ کے دلچسپ مقابلے انگلینڈ میں جاری ہیں۔گوڈیسن پارک، لیورپول میں کھیلے گئے لیگ کے اہم میچ میں ایورٹن نے انگلش پریمیئر لیگ کے ایک میچ میں سخت مقابلے کے بعد ٹوٹنہم ہاٹ پور کو دو کے مقابلے میں تین گول سے ہرا دیا،ایورٹن کی جانب سیڈومینک کالورٹ لیون،الیمان ندائے اور آرچی گرے نے ایک،ایک گول کر کے اپنی ٹیم کی فتح میں اہم کردار ادا کیا۔ ٹوٹنہم ہاٹ پور کی طرف سے ڈیجان کلوسیوسکی اور رچرلیسن نے ایک،ایک گول اسکور کیا۔یہ ایورٹن کی لیگ میں چوتھی فتح ہے اور اس فتح کے بعد ایورٹن کی ٹیم 20 پوائنٹس کے ساتھ ٹیبل پر 16ویں پوزیشن پر موجود ہے۔پورٹ مین روڈ، ایپسوچ کے مقام پر کھیلے گئے میچ میں دفاعی چمپئن مانچسٹر سٹی اور ایپسوچ ٹائون کی ٹیمیں آمنے سامنے تھیں جس میں دفاعی چمپئن مانچسٹر سٹی کی ٹیم نے انتہائی شاندار کارکردگی کا مظاہرہ کرتے ہوئے ایپسوچ ٹائون کو یکطرفہ مقابلے کے بعد 0-6گول سے ہرا دیا۔ فل فوڈن نے دو جبکہ میٹیو کوواک،جیریمی ڈوکو،ایرلنگ ہالینڈ اور جیمز میکٹی نے ایک، ایک گول کر کے اپنی ٹیم کی فتح میں کلیدی کردار ادا کیا۔
.
ذریعہ
ذریعہ: Jasarat News
کلیدی لفظ: مقابلے کے بعد میچ میں لیگ کے
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم