ہماری پولیس سپرپاور کو شکست دینے والے لوگوں سے مقابلہ کررہی ہے، علی امین گنڈاپور
اشاعت کی تاریخ: 21st, January 2025 GMT
وزیراعلیٰ خیبرپختونخوا علی امین گنڈاپور نے کہا ہے کہ ہماری پولیس اور سیکیورٹی فورسز ان لوگوں سے مقابلہ کررہی ہیں جو سپرپاور کو شکست دے چکے ہیں، کچے کے ڈاکوؤں اور ہمارے صوبے میں فرق ہے۔
یہ بھی پڑھیں: 9 مئی واقعات: علی امین گنڈا پور سمیت پی ٹی آئی کے متعدد رہنماؤں کے ناقابل ضمانت وارنٹ جاری
ڈیرہ اسماعیل خان (ڈی آئی خان) میں تقریب سے خطاب کرتے ہوئے وزیراعلیٰ خیبرپختونخوا علی امین گنڈاپور نے کاہ ک ہبڑا عرصہ ہوگیا ہے میں نے فائرنگ نہیں کی ہے، مجھے امید ہے کہ اگلی بار جب میں ڈی جی خان آؤں گا تو آپ فائرنگ رینج میں ٹرین ہوچکے ہوں گے، پھر ہم یہاں مقابلہ بھی کریں گے، تیاری کرکے آنا، میرا نشانہ بڑا پکا ہے، 1.
انہوں نے کہا کہ دہشتگرد ہماری پولیس اور سیکیورٹی فورسز کو شکست نہیں دے سکتے، ہماری پولیس مقابلہ بھی کررہی ہے اور امن قائم کرنے میں اپنا کردار بھی ادا کررہی ہے، پولیس کی ٹریننگ، سہولیات اور مراعات کے لیے صوبائی حکومت کوئی کسر نہیں چھوڑے گی۔
یہ بھی پڑھیں: علی امین گنڈاپور اسٹیبلشمنٹ کا مہرہ، یہ عمران خان کے ساتھ دھوکا کررہے ہیں، جے یو آئی
ان کا کہنا تھا کہ شہدا کے بچوں کو کوٹہ سسٹم کے تحت اتنے سالوں سے جو حق ملنا تھا وہ ہم نے ایک وقت میں ہی دے دیا ہے، میں نے وزارت خزانہ کو بھی بتایا ہے کہ پولیس کو کسی چیز کی کوئی کمی نہیں ہونی چاہیے، پولیس والے ہمارے محافظ ہیں، جتنے یہ بہتر ماحول میں رہیں گے اتنی ہی یہ ہماری حفاظت کرسکتے ہیں اور دہشتگردوں کا مقابلہ کرسکتے ہیں۔
علی امین گنڈاپور نے کہا کہ علی امین گنڈاپور نے کہا کہ ہمارے غازی صوبے اور ملک میں بہادری سے مقابلہ کررہے ہیں، جتنی بھی شہدا کی فیملیز ہیں، ہمارا فرض بنتا ہے کہ ہم ان کا خیال کریں، ان کو خراج تحسین پیش کریں اور ان کو عزت دیں۔
یہ بھی پڑھیں: افغانستان کا پاکستان کے خلاف ہونا ہماری غلط پالیسیوں کا نتیجہ ہے، وزیراعلیٰ کے پی علی امین گنڈاپور
انہوں نے کہا کہ بعض اوقات دوسرے صوبوں کا ہمارے صوبے سے مقابلہ کیا جاتا ہے، میں واضح طور پر بتانا چاہتا ہوں کہ کچے کے ڈاکوؤں اور ہمارے مقابلے میں بہت فرق ہے، ہمیں تمام غازیوں پر فخر ہے کہ وہ ایسے حالات میں بھی اپنے صوبے، ملک اور قوم کے لیے بہادری سے مقابلہ کررہے ہیں اور ایسے لوگوں سے لڑرہے ہیں جو سپر پاور کو شکست دے چکے ہیں لیکن ہماری سیکیورٹی فورسز اور پولیس ابھی بھی ان سے لڑرہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پولیس خیبرپختونخوا سپرپاور علی امین گنڈاپور فائرنگ رینج وزیراعلیذریعہ: WE News
کلیدی لفظ: پاکستان پولیس خیبرپختونخوا سپرپاور علی امین گنڈاپور فائرنگ رینج وزیراعلی علی امین گنڈاپور نے ہماری پولیس سے مقابلہ نے کہا کہ کو شکست
پڑھیں:
پاک فوج کسی بھی جارحیت کو شکست دینے کیلئے پوری طرح تیار ہے،فیلڈ مارشل
فیلڈ مارشل سید عاصم منیر نے عیدالاضحیٰ کے پہلے روز لائن آف کنٹرول پر اگلے مورچوں کا دورہ کیا۔
پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر نے لائن آف کنٹرول (ایل او سی) کا دورہ کیا، عیدالاضحیٰ کا پہلا دن فرنٹ لائن پر موجود سپاہیوں کے ساتھ گزارا، ایل او سی پہنچنے پر کمانڈر راولپنڈی کور نے فیلڈ مارشل کا استقبال کیا۔
آئی ایس پی آر کے مطابق دورے کا آغاز عید کی نماز سے ہوا، نماز عید کی ادائیگی کے بعد پاکستان کے دیرپا امن، استحکام اور خوشحالی کیلئے خصوصی دعائیں کی گئیں، وطن عزیز کے دفاع کیلئے عظیم قربانیاں دینے والے شہداء کیلئے بھی دعا کی گئی۔
آئی ایس پی آر کے مطابق فیلڈ مارشل سید عاصم منیر نے فوجی افسران اور جوانوں کو غیر متزلزل وابستگی، پیشہ ورانہ مہارت اور مسلسل چیلنجز کے باوجود ثابت قدم خدمات کو سراہا۔
فیلڈ مارشل نے کہا کہ محاذِ جنگ پر اپنے خاندانوں سے دُور رہ کر عید منانا، ملکی دفاع جیسے اعلیٰ قومی مقصد کی تکمیل ہے جس کیلئے ہر قیمت پر تیار ہیں۔
آئی ایس پی آر کے مطابق فیلڈ مارشل نے ”معرکۂ حق“ اور ”آپریشن بنیان مرصوص“ کے دوران فارمیشن کی مثالی کارکردگی کو سراہا اور شہداء اور غازیوں کو خراجِ عقیدت پیش کیا جن کی قربانیاں قوم کے دفاع اور عزم کو مضبوط کرتی ہیں۔
انہوں نے سپاہیوں سے گفتگو کرتے ہوئے کہا کہ آپ نے معصوم پاکستانی شہریوں بشمول بچوں، خواتین اور بزرگوں کی جانوں کے ضیاع کا دلیری اور مؤثر ردعمل کے ذریعے بھرپور بدلہ لیا۔
فیلڈ مارشل نے مسلح افواج کی جنگی تیاریوں پر مکمل اعتماد کا اظہار کرتے ہوئے کہا کہ وہ کسی بھی جارحیت کو مؤثر طریقے سے روکنے اور شکست دینے کیلئے ہمہ وقت تیار ہیں۔
پاکستان کے اصولی مؤقف کو اجاگر کرتے ہوئے فیلڈ مارشل سید عاصم منیر کا کہنا تھا کہ کشمیری عوام کی بھارتی قبضے کے خلاف منصفانہ اور دلیرانہ جدوجہد کو کبھی فراموش نہیں کیا جائے گا، انہوں نے جموں و کشمیر کے تنازع کے حل کی ضرورت پر زور دیا، جو کشمیری عوام کی امنگوں اور اقوامِ متحدہ کی سلامتی کونسل کی متعلقہ قراردادوں کے مطابق ہونا چاہیے۔
پی پی 52 سیالکوٹ ضمنی انتخاب میں ووٹوں کی گنتی جاری، ن لیگ آگے، پی ٹی آئی پیچھے