کامسٹیک کا فلسطین کیلیے مختص 5 ہزار اسکالر شپس میں مزید اضافے کا فیصلہ
اشاعت کی تاریخ: 22nd, January 2025 GMT
اسلام آباد:
اسلامی ممالک کی تنظیم ’’او آئی سی‘‘ کے ماتحت ادارے ’’کامسٹیک‘‘ (اسٹینڈنگ کمیٹی آن سائینٹیفک اینڈ ٹیکنالوجیکل کارپوریشن) نے فلسطینی طلبہ کو مختص 5 ہزار اسکالر شپس میں مزید اضافہ کا فیصلہ کیا ہے۔
کامسٹیک کے تحت اسلامی ممالک کے سائنسدانوں اور ماہرین تعلیم نے اسلام آباد میں شروع ہونے والے سالانہ اجلاس میں اس بات کا اعلان کیا۔ کامسٹیک کنسورشیم آف ایکسیلینس ( سی سی او ای) کے عنوان سے شروع ہونے والے اس دو روزہ اجلاس کی افتتاحی تقریب کی صدارت کامسٹیک کے کوآرڈینیٹرجنرل ڈاکٹر اقبال چوہدری نے کی۔
اجلاس میں 13 اسلامی ممالک کے 39 مندوبین کے علاوہ چین اور روس سے مندوبین بھی شریک ہیں جبکہ فلسطین، صومالیہ، عمان، ایران، ملائیشیا، روس اور دیگر ممالک سے ماہرین شریک ہیں۔
افتتاحی تقریب سے ڈاکٹر اقبال چوہدری کے علاوہ انسٹیٹیوٹ آف ڈرگ ڈسکوری ٹیکنالوجی Ningbo یونیورسٹی چین کی چیف سائنسٹیسٹ Dr Liu Xinmin، پاسٹک کے ڈائریکٹر جنرل اکرام شیخ، چیئرپرسن پرائیویٹ ایجوکیشنل انسٹیٹیوشنز ریگولیٹری اتھارٹی پاکستان کی چیئرپرسن ضیاء بتول نے بھی خطاب کیا۔
ڈاکٹر اقبال چوہدری کا کہنا تھا کہ اس دو روزہ اجلاس میں اسلامی ممالک کے سائنسدان اور وائس چانسلرز ایک کہکشاں کے طور پر موجود ہیں، کامسٹیک نے فلسطین کے لیے مختص 5 ہزار اسکالر شپس میں مزید اضافہ کا فیصلہ کیا ہے۔ ان کا کہنا تھا کہ یہ قدم غزہ جنگ کے بعد اب فلسطین کی بحالی کے لیے مختلف اقدامات میں سے ایک ہے، چین اور روس او آئی سی کا حصہ نہیں ہیں لیکن اسلامی ممالک کی سائنسی ترقی میں ان کی معاونت شامل ہے۔
پاکستان سائینٹیفک اینڈ ٹیکنالوجیکل انفارمیشن سینٹر (پاسٹک) کے ڈائریکٹر جنرل اکرام شیخ نے کامسٹیک انٹر لائبریری نیٹ ورک کے حوالے سے بریفنگ دیتے ہوئے بتایا کہ یہ سہولت او آئی سی ممبر ممالک کے لیے ہے کیونکہ لائبریری ریسورس سائنس دانوں کو بآسانی دستیاب نہیں ہوتی لہٰذا اس پلیٹ فارم سے اکیڈمک ریسورسز او آئی سی کے رکن ممالک کے سائنسدانوں کو مہیا ہوں گی جس میں اسلامی ممالک کے کتب خانوں کے لیے ایک ملین کتابیں آن لائن رکھی گئی ہیں جس میں پاکستان سے 22 لائبریری اور دیگر ممالک کی 11 لائبریریز لنک کی گئی ہیں۔ کامسٹیک کے پورٹل پر یہ سہولت اور اس کی تفصیلات انٹر لائبریری نیٹ ورک ریسورس سروس کے نام سے موجود ہیں۔
انہوں نے بتایا کہ یہ پروجیکٹ پاکستان سائینٹیفک اینڈ ٹیکنالوجیکل انفارمیشن سینٹر نے مکمل کیا ہے۔
چیئرپرسن ایجوکیشنل انسٹیٹیوشن ریگولیٹری اتھارٹی پاکستان ڈاکٹر ضیاء بتول کا کہنا تھا کہ یونیورسٹی رینکنگ کے حوالے سے اس بات پر روشنی ڈالی جائی کہ اسلامی ممالک کی جامعات ورلڈ یونیورسٹی رینکنگ میں شامل کیوں نہیں ہو پاتیں۔
ان کا کہنا تھا کہ جامعات کا مصدقہ ڈیٹا رینکنگ میں شامل ہونے کے لیے موجود نہیں ہوتا، ہمارا یہ ہدف ہے کہ اسلامی ممالک کی جامعات کو عالمی درجہ بندی میں شامل کروائیں۔
ڈاکٹر ضیاء بتول کا مزید کہنا تھا کہ جامعات کو بین الاقوامی سطح پر درجہ بندی میں شامل ہونے کے لیے اس بات پر توجہ کی ضرورت ہے کہ انٹرنل کوالٹی ایشورنس اور ایکسٹرنل کوالٹی ایشورنس ملکر کر گلوبل وزیبیلیٹی بنتی ہے جس میں گلوبل انگیجمنٹ، لرننگ ایکسپیریئنس، ٹیچنگ کوالٹی اور دیگر variable شامل ہیں جامعات کو اس پر فوکس کی ضرورت ہے۔
.ذریعہ: Express News
کلیدی لفظ: اسلامی ممالک کے اسلامی ممالک کی کا کہنا تھا کہ او آئی سی کے لیے
پڑھیں:
پاکستان سنجیدہ مذاکرات کی دعوت دے چکا، اب فیصلہ بھارت کو کرنا ہوگا: دفتر خارجہ
پاکستان سنجیدہ مذاکرات کی دعوت دے چکا، اب فیصلہ بھارت کو کرنا ہوگا: دفتر خارجہ WhatsAppFacebookTwitter 0 24 July, 2025 سب نیوز
اسلام آباد(آئی پی ایس) ترجمان دفتر خارجہ شفقت علی خان نے کہا ہے کہ پاکستان بھارت کو سنجیدہ مذاکرات کی دعوت دے چکا ہے، بھارت کو فیصلہ کرنا ہو گا کہ وہ کونسی پالیسی اپناتا ہے۔
ہفتہ وار پریس بریفنگ میں انہوں نے کہا کہ نائب وزیر اعظم و وزیر خارجہ اسحاق ڈار اعلیٰ سطح کے دورے پر امریکا میں ہیں، انہوں نے یو این سیکریٹری جنرل اور صدر سے الگ الگ ملاقاتیں کیں۔
ترجمان دفتر خارجہ نے کہا کہ اسحاق ڈار نے یو این سلامتی کونسل میں غزہ اور فلسطین کے معاملے پر بات کی، انہوں نے مشرق وسطیٰ کی صورتحال پر کھلی بحث میں بھی شرکت کی، اسحاق ڈار سے کل امریکی وزیرخارجہ سے ملاقات طے ہونے کی تصدیق کرتا ہوں۔
انہوں نے کہا کہ جموں و کشمیر اور فلسطین کے معاملات پر پاکستان نے عالمی فورمز پر آواز بلند کی، پاکستان کی صدارت میں سلامتی کونسل نے قرارداد 2788 متفقہ طور پر منظور کی، قرارداد میں تنازعات کے پُرامن حل کے لیے اقوام متحدہ کے چارٹر کے تحت اقدامات پر زور دیا گیا، وزیر خارجہ نے فلسطینی علاقوں میں ہسپتالوں اور سکولوں پر حملوں کی مذمت کی، پاکستان نے غزہ میں جنگ بندی، امدادی رسائی اور 2 ریاستی حل پر زور دیا۔
ان کا کہنا تھا کہ پاکستان نے فلسطین میں انسانی بحران پر فوری جنگ بندی کا مطالبہ کیا، صرف ایک خودمختار فلسطینی ریاست ہی مسئلہ فلسطین کا منصفانہ حل ہے۔
شفقت علی خان نے کہا کہ پاکستان پُرامن سفارتکاری پر یقین رکھتا ہے، تمام تنازعات کا حل مذاکرات کے ذریعے ممکن ہے، پاکستان کا مؤقف امن، قانون اور اصولوں پر مبنی ہے۔ سفارتکاری کسی پر احسان نہیں بلکہ دوطرفہ مفاد کا ذریعہ ہے، امریکا کے حالیہ کشیدگی کم کرانے کے کردار کو سراہتے ہیں، علاقائی استحکام اور عالمی امن سفارتکاری سے ہی ممکن ہے۔
ترجمان کا یہ بھی کہنا تھا کہ وزیر خارجہ نے او آئی سی اور اقوام متحدہ میں تعاون پر بریفنگ کی صدارت کی، پاکستان، افغانستان اور ازبکستان کے وزرائے خارجہ نے ریل منصوبے پر سہ فریقی اجلاس کیا، پاکستان اور یورپی یونین کے درمیان سیاسی مذاکرات برسلز میں ہوئے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسی جی ٹی این کے سروے میں 65 اعشاریہ 2فیصد یورپی یونین کے شہری چین کے ساتھ تجارت کو فائدہ مند سمجھتے ہیں مٹھی بھر دہشتگرد بلوچستان اور پاکستان کی ترقی و خوشحالی کا راستہ نہیں روک سکتے، ترجمان پاک فوج دیامر سیلاب: ڈاکٹر مشعال کے 3 سالہ بیٹے کی لاش 3 دن بعد مل گئی اسرائیل کیساتھ جنگ کیلئے تیار، پر امن مقاصد کیلئے جوہری پروگرام جاری رہے گا، ایرانی صدر سو سے زائد عالمی امدادی تنظیموں نے غزہ میں قحط کی صورتحال کو سنگین قرار دے دیا امریکی صدر کا مختلف ممالک پر 15 سے 50 فیصد تک ٹیرف عائد کرنے کا اعلان جنرل ساحر شمشاد مرزا کا دورہ ترکیہ، بین الاقوامی دفاعی صنعتی نمائش میں شرکتCopyright © 2025, All Rights Reserved
رابطہ کریں ہمارے بارے ہماری ٹیم
ملک بھر میں ووٹر کی تعداد کتنی ہوگئی؟ رپورٹ سامنے آگئی