بھارت مقبوضہ کشمیر میں جمہوری قدروں کی دھجیاں اڑا رہا ہے، حریت رہنما
اشاعت کی تاریخ: 23rd, January 2025 GMT
کل جماعتی حریت کانفرنس کے رہنماﺅں اور تنظیموں نے اقوام متحدہ کے سکریٹری جنرل انتونیو گوتریس پر زور دیا کہ وہ مقبوضہ علاقے کی ابتر صورتحال کا نوٹس لیں اور مسئلہ کشمیر کے حل کیلئے بھارتی قیادت پر دباﺅ ڈالیں۔ اسلام ٹائمز۔ بھارت کے غیر قانونی زیر قبضہ جموں و کشمیر میں کل جماعتی حریت کانفرنس کے رہنماوں اور تنظیموں نے کشمیری عوام سے اپیل کی ہے کہ وہ 26 جنوری کو بھارت کے یوم جمہوریہ کو ”یوم سیاہ“ کے طور پر منائیں اور غیر قانونی بھارتی قبضے کے خلاف اپنا بھرپور احتجاج ریکارڈ کرائیں۔ ذرائع کے مطابق کل جماعتی حریت کانفرنس کے رہنماوں غلام محمد خان سوپوری، محمد سلیم زرگر، سید بشیر اندرابی، ایڈوکیٹ ارشد اقبال، ایڈوکیٹ حسیب وانی، مولانا مصعب ندوی، خواجہ فردوس، امتیاز احمد ریشی، غلام نبی وار، فریدہ بہن جی، یاسمین راجہ، زمرودہ حبیب، عبدالصمد انقلابی جموں و کشمیر ڈیموکریٹک فریڈم پارٹی، تحریک حریت جموں و کشمیر اور مسلم لیگ کے رہنمائوں نے اپنے بیانات میں کہا کہ بھارت دنیا کا سب سے بڑا جمہوری ملک ہونے کا دعویٰ کرتا ہے لیکن وہ مقبوضہ جموں و کشمیر میں جمہوری قدوروں اور اصول و ضوابط کی دھجیاں اڑا رہا ہے۔ انہوں نے کہا کہ بھارت جمہوری نہیں بلکہ ایک غاصب اور جارح ملک ہے جس نے کشمیریوں کا حق خود ارادیت گزشتہ 77 برس سے فوجی طاقت کے بل پر دبا رکھا ہے۔
حریت رہنماﺅں اور تنظیموں نے کہا کہ بھارت مقبوضہ جموں و کشمیر میں اپنے یوم جمہوریہ کی تقریبات کے انعقاد کا کوئی حق نہیں رکھتا کیونکہ کشمیر عالمی سطح پر تسلیم شدہ ایک منتازعہ خطہ ہے جس کے سیاسی مستقبل کا تعین ہونا ابھی باقی ہے۔ انہوں نے کہا کہ بھارت کا یوم جمہوریہ کشمیریوں کے لیے مزید مشکلات اور پریشانیوں کا باعث بنتا ہے، یوم جمہوریہ کی نام نہاد تقریبات کے پرامن انعقاد کو یقینی بنانے کیلئے انتظامیہ نے علاقے میں پابندیوں میں مزید تیزی لائی ہے جس سے کشمیریوں کی مشکلات بڑھ گئی ہیں۔ سرینگر اور دیگر شہریوں اور قصبوں میں بھارتی فورسز کی بھاری تعینانی کیوجہ سے ہرطرف خوف و دہشت کا ماحول ہے اور لوگ خود کو غیر محفوظ تصور کرتے ہیں۔ انہوں نے کہا کہ مقبوضہ علاقہ پوری طرح ایک فوج چھاﺅنی کا منظر پیش کر رہا ہے جہاں کسی کی جان و مال محفوظ نہیں ہے۔
کل جماعتی حریت کانفرنس کے رہنماﺅں اور تنظیموں نے اقوام متحدہ کے سکریٹری جنرل انتونیو گوتریس پر زور دیا کہ وہ مقبوضہ علاقے کی ابتر صورتحال کا نوٹس لیں اور مسئلہ کشمیر کے حل کیلئے بھارتی قیادت پر دباﺅ ڈالیں۔ دریں اثنا کل جماعتی حریت کانفرنس آزاد جموں و کشمیر شاخ کے رہنماﺅں محمود احمد ساغر، الطاف حسین وانی، مشتاق احمد بٹ، زاہد اشرف، زاہد صفی اور دیگر نے بھی اپنے بیانات میں کشمیری عوام سے اپیل کی کہ وہ 26 جنوری کو یوم سیاہ کے طور پر منائیں۔ انہوں نے بھارتی یوم جمہوریہ سے قبل نام نہاد حفاظتی اقدامات کے نام پر کشمیریوں کو ہراساں کرنے کی شدید مذمت کی۔ انہوں نے مسئلہ کشمیر کو اقوام متحدہ کی قراردادوں کے مطابق حل کرنے کی ضرورت پر زور دیا۔
ذریعہ: Islam Times
کلیدی لفظ: اور تنظیموں نے کہا کہ بھارت یوم جمہوریہ نے کہا کہ انہوں نے
پڑھیں:
عالمی برادری کشمیریوں کی جدوجہد آزادی کی حمایت کرے، حریت کانفرنس
حریت ترجمان نے عالمی برادری پر زور دیا کہ وہ کشمیریوں کی منصفانہ جدوجہد کی حمایت کرے اور اقوام متحدہ کی طرف سے تسلیم شدہ استصواب رائے پر عمل درآمد کو یقینی بنائے۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس نے حق خودارادیت کے حصول کے لیے کشمیریوں کے غیر متزلزل عزم کا اعادہ کرتے ہوئے کہا ہے کہ بھارتی قبضے سے آزادی کا ان کا مطالبہ منصفانہ، جائز اور ناقابل تنسیخ ہے۔ ذرائع کے مطابق کل جماعتی حریت کانفرنس کے ترجمان ایڈووکیٹ عبدالرشید منہاس نے سرینگر سے جاری ایک بیان میں کہا کہ کئی دہائیوں سے جاری بھارتی جبر کے باوجود تحریک آزادی کشمیر جاری ہے کیونکہ یہ کشمیری عوام کے بنیادی حقوق کا مسئلہ ہے اور اس نے ایک جائز مقصد کے طور پر عالمی سطح پر اپنی ایک پہچان بنائی ہے۔ انہوں نے کہا کہ اقوام متحدہ کی سلامتی کونسل کی متعدد قراردادوں میں کشمیریوں کے حق خودارادیت کی واضح طور پر توثیق کی گئی ہے۔ ایڈوکیٹ منہاس نے فالس فلیگ آپریشنز اور پروپیگنڈے کے ذریعے تحریک آزادی کشمیر کو دہشت گردی سے جوڑ کر اسے بدنام کرنے کی بھارت کی کوششوں کی مذمت کرتے ہوئے کہا کہ اس طرح کے ہتھکنڈے ناکام ہو کر رہیں گے۔ حریت ترجمان نے عالمی برادری پر زور دیا کہ وہ کشمیریوں کی منصفانہ جدوجہد کی حمایت کرے اور اقوام متحدہ کی طرف سے تسلیم شدہ استصواب رائے پر عمل درآمد کو یقینی بنائے۔
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر