ملک میں اظہارِ رائے کی مکمل آزادی ہے، وزیرِ اعظم
اشاعت کی تاریخ: 23rd, January 2025 GMT
وزیرِ اعظم شہباز شریف— فائل فوٹو
وزیرِ اعظم شہباز شریف نے کہا ہے کہ ملک میں اظہارِ رائے کی مکمل آزادی ہے۔
اسلام آباد میں وزیرِ اعظم شہباز شریف سے پاکستان براڈکاسٹرز ایسوسی ایشن کے وفد نے ملاقات کی ہے۔
اس موقع پر شہباز شریف نے کہا کہ حکومت اور میڈیا کا باہمی اعتماد کا رشتہ ہے، حکومتی پالیسیوں پر میڈیا کی تعمیری تنقید گورننس کی بہتری کے لیے بہت ضروری ہے۔
وزیرِ اعظم نے کہا کہ میڈیا کی تعمیری تنقید کا حکومت خیر مقدم کرتی ہے، حکومت میڈیا کے ریاست کا چوتھا ستون ہونے پر یقین رکھتی ہے۔
انہوں نے کہا کہ اڑان پاکستان مقامی طور پر تیار کردہ ملکی ترقی کا منصوبہ ہے، منصوبے کو میڈیا اور تمام اسٹیک ہولڈرز کے تعاون سے کامیاب بنائیں گے، پاکستان کی ترقی کی رفتار 2018ء پر جہاں روکی گئی وہیں سے دوبارہ شروع ہوچکی۔
وزیرِ اعظم شہباز شریف نے ترکیہ کے صدر رجب طیب اردوان کو ہر ممکن تعاون کی یقین دہانی کرا دی۔
شہباز شریف نے کہا کہ دوست اور برادر ممالک کے انتہائی مشکور ہیں جن کے تعاون سے ڈیفالٹ کے دہانے سے واپس آکر معاشی ترقی کی طرف گامزن ہوئے، چین پاکستان اقتصادی راہداری کے ثمرات ملنا شروع ہو گئے، ملک میں مہنگائی کی شرح اور شرحِ سود میں کمی کا سہرا معاشی ٹیم کو جاتا ہے۔
وزیرِ اعظم نے کہا کہ برآمدات میں اضافہ اور صنعتی و زرعی شعبے کی ترقی کاروبار دوست پالیسیوں کی بدولت ہے، ایف بی آر میں اصلاحات کا نفاذ بھرپور طریقے سے جاری ہے، ایف بی آر کی مکمل ڈیجیٹلائزیشن پر کام تیزی سے جاری ہے۔
شہباز شریف نے کہا کہ کسٹمز کے نظام کی بہتری کے لیے فیس لیس اسیسمنٹ کا نظام شروع کیا جا چکا ہے، اس نظام سے محصولات میں اضافے، شفافیت اور کرپشن کے خاتمے میں معاونت ملے گی۔
انہوں نے کہا کہ پیٹرولیم مصنوعات، چینی، کھاد اور آٹا وغیرہ کی اسمگلنگ روکنے سے خزانے کو فائدہ پہنچا، اللّٰہ کے فضل و کرم سے پاکستان کا عالمی منظر نامے پر تشخص بحال کیا۔
ان کا یہ بھی کہنا تھا کہ دہشتگردی کے خلاف جنگ میں پوری قوم نے قربانیاں دی ہیں، افواجِ پاکستان اور قوم دہشت گردی کے ناسور کے مکمل خاتمے تک جنگ جاری رکھے گی۔
ذریعہ: Jang News
کلیدی لفظ: شہباز شریف نے کہا اعظم شہباز شریف نے کہا کہ
پڑھیں:
پاک بھارت کشیدگی کے دوران دوست ملکوں نے پاکستان کی حمایت کی، عطاء تارڑ
وفاقی وزیر اطلاعات کا کہنا تھا کہ وزیراعظم شہباز شریف اور فیلڈ مارشل سید عاصم منیر کی قیادت میں عظیم کامیابی ملی اور فیلڈ مارشل کی حکمت عملی سے بھارتی جارحیت کا منہ توڑ جواب دیا گیا۔ انہوں نے کہا کہ وزیر اعظم شہباز شریف کا دورہ سعودی عرب کامیاب رہا۔ ان کا سعودی عرب میں بھرپور استقبال کیا گیا۔ شہباز شریف نے ترکیہ، ایران اور آذربائیجان کے کامیاب دورے کیے۔ اسلام ٹائمز۔ وفاقی وزیر اطلاعات عطا اللہ تارڑ نے کہا ہے کہ پاک بھارت کشیدگی کے دوران دوست ملکوں نے پاکستان کی حمایت کی۔ وفاقی وزیر اطلاعات عطا اللہ تارڑ نے لاہور میں میڈیا سے گفتگو کرتے ہوئے کہا کہ وزیراعظم شہباز شریف اور فیلڈ مارشل سید عاصم منیر کی قیادت میں عظیم کامیابی ملی اور فیلڈ مارشل کی حکمت عملی سے بھارتی جارحیت کا منہ توڑ جواب دیا گیا۔ انہوں نے کہا کہ وزیر اعظم شہباز شریف کا دورہ سعودی عرب کامیاب رہا۔ ان کا سعودی عرب میں بھرپور استقبال کیا گیا۔ شہباز شریف نے ترکیہ، ایران اور آذربائیجان کے کامیاب دورے کیے۔
عطا اللہ تارڑ نے کہا کہ اللہ تعالیٰ نے پاکستان کو بڑی عزت سے نوازا اور وزیر اعظم کے دوست ملکوں کے سربراہان سے ٹیلی فونک رابطے ہوئے۔ پاک بھارت کشیدگی کے دوران دوست ملکوں نے پاکستان کی حمایت کی۔ انہوں نے کہا کہ وزیراعظم شہباز شریف نے سیاسی جماعتوں کے قائدین سے بھی ٹیلی فونک رابطہ کیا۔ وزیراعظم نے وزرائے اعلیٰ اور وفاقی وزراء سے بھی ٹیلی فونک رابط کیا۔ عطا اللہ تارڑ کا کہنا تھا کہ اب ہمیں ملکی معیشت پر بھی توجہ دینی ہے، اس کیلئے بجٹ کے بعد حکومت نئے اہداف مقرر کرکے کام شروع کرے گی اور اس کے خاطر خواہ نتائج بھی ملیں گے۔
عید قربان پر بھاگ ناڑی کے بیل کی دھوم: طاقت، خوبصورتی اور ثقافت کا امتزاج