کرکٹر بابراعظم پرمبینہ جنسی زیادتی کا مقدمہ، جج نے نیا حکم جاری کردیا
اشاعت کی تاریخ: 23rd, January 2025 GMT
لاہور ہائیکورٹ نے قومی کرکٹ ٹیم کے سابق کپتان بابراعظم پر ریپ، ہراساں کرنے، بلیک میل کرنے اور مالی استحصال کا الزام لگانے والی خاتون کو طلب کرلیا۔
خاتون نے قومی کرکٹ ٹیم کے سابق کپتان پر یہ بھی الزام لگایا ہے کہ بابراعظم نے 2010 میں اس سے شادی کرنے کا وعدہ کیا تھا لیکن بعد میں وہ اپنے وعدے سے مکر گئے۔
لاہور ہائیکورٹ کے جسٹس اسجد جاوید غورل نے تفتیشی افسر کو ہدایت کی کہ وہ حمیزہ مختار کا بیان ریکارڈ کریں اورانہیں اگلی سماعت پرعدالت میں پیش کریں۔ جج نے یہ بھی ریمارکس دیے کہ اگر حمیزہ مختار کیس کو آگے نہیں بڑھانا چاہتیں تو اسے خارج کر دیا جائے۔
پاکستانی بیٹر بابر اعظم کے وکیل نے اپنے دلائل میں کہا کہ الزامات بے بنیاد ہیں اور ان کا مقصد قومی کرکٹر کی ساکھ کو نقصان پہنچانا ہے۔ بابراعظم نے تمام الزامات کی تردید کرتے ہوئے کہا ہے خاتون کے تمام تردعوے جھوٹے اور بدنیتی پر مبنی ہیں۔
واضح درخواست گزار خاتون نے دعویٰ کیا تھا کہ وہ اور بابراعظم کافی عرصے سے تعلقات میں تھے۔ اس نے یہ بھی الزام لگایا کہ وہ تعلقات کے دوران حاملہ ہوئی تھی لیکن بابراعظم نے اسے اسقاط حمل کے لئے راضی کر لیا تھا۔
درخواست گزار کے مطابق بابراعظم نے انہیں یقین دلایا تھا کہ وہ ان سے شادی کریں گے اور بہی کہا تھا کہ اگر وہ شادی سے پہلے بچے کو جنم دیتی ہیں تو یہ ان کے مستقبل کے لیے اچھا نہیں ہوگا۔
انہوں نے اسقاط حمل کے اپنے دعوؤں اور بابراعظم کے ساتھ اپنے تعلقات کی تصدیق کے لیے عدالت کو میڈیکل دستاویزات بھی فراہم کیں۔
حمیزہ مختار کا نے یہ بھی الزام عائد کیا تھا کہ جب انہیں احساس ہوا کہ انہیں دھوکا دیا جا رہا ہے تو انہوں نے ایف آئی آر درج کرانے کے لیے نصیر آباد پولیس سے رابطہ کیا۔ تاہم بابراعظم کی جانب سے شادی کا وعدہ کیے جانے کے بعد یہ معاملہ بالآخر حل ہو گیا۔
درخواست گزار کا مزید کہنا تھا کہ بابراعظم کے کرکٹ اسٹار بننے کے بعد انہوں نے انہیں نظر انداز کیا اور اپنی شادی کا وعدہ پورا کرنے میں ناکام رہے۔
انہوں نے الزام لگایا کہ اس کے باوجود جب انہوں نے بابراعظم کے خلاف شادی کا جھانسہ دے کر بلیک میلنگ کے خلاف ایک اور ایف آئی آر درج کرنے کی کوشش کی تو پولیس شکایت درج کرنے کو تیار نہیں تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسقاط حمل بابراعظم حمیزہ مختار کرکٹ اسٹار لاہور ہائیکورٹ میڈیکل دستاویزات.ذریعہ: WE News
کلیدی لفظ: حمیزہ مختار کرکٹ اسٹار لاہور ہائیکورٹ حمیزہ مختار انہوں نے تھا کہ کے لیے یہ بھی
پڑھیں:
اسلام آباد احتجاج پر پارٹی پر پابندی اور کے پی میں گورنر راج، فیصل واوڈا نے پی ٹی آئی کو خبردار کردیا
سینیئر سیاستدان فیصل واوڈا نے کہا ہے کہ پی ٹی آئی اگر اسلام آباد کی طرف احتجاج کیا تو پارٹی پر پابندی اور خیبرپختونخوا میں گورنر راج کے آپشنز موجود ہیں۔
نجی ٹی وی سے گفتگو کرتے ہوئے انہوں نے خبردار کیاکہ اگر 26 نومبر کو پی ٹی آئی اسلام آباد میں احتجاج کرے گی تو اس کے خلاف سخت کارروائی ہوگی۔
مزید پڑھیں: پی ٹی آئی احتجاج: کارکنوں نے علی امین گنڈاپور کے سامنے ڈی چوک جانے کے نعرے لگا دیے
فیصل واوڈا نے کہاکہ ٹی ایل پی پر پابندی لگ چکی ہے اور وہ نہیں چاہتے کہ کسی اور جماعت پر بھی پابندی لگے۔
انہوں نے کہاکہ اس سال عمران خان کے لیے کچھ خاص نہیں ہوگا اور اگر یہی صورتحال رہی تو انہیں مزید مشکلات کا سامنا کرنا پڑے گا۔
انہوں نے کہاکہ شاہ محمود قریشی کی قیادت میں کسی گروپ کی کوئی حیثیت نہیں ہوگی، تاہم 9 مئی کے واقعے میں وہ بے گناہ ہیں۔
فیصل واوڈا نے عمر سرفراز چیمہ اور شبلی فراز کی تعریف کی اور کہا کہ ٹرائل کے بعد انہیں رہا کر دینا چاہیے۔
انہوں نے مزید کہاکہ پاکستان نے بھارت سے جنگ جیتی، جس کے بعد سعودی عرب سمیت دیگر ممالک ہمارے ساتھ معاہدے کررہے ہیں، اور سرمایہ کاری کی باتیں ہورہی ہیں۔ اور یہ سب کچھ فیلڈ مارشل عاصم منیر کی وجہ سے ہورہا ہے۔
انہوں نے وزیراعظم شہباز شریف کی قیادت کو سراہتے ہوئے کہا کہ ان کی قسمت اچھی تھی کیونکہ وہ اس وقت وزیراعظم بنے جب سب کچھ پاکستان کے حق میں تھا، اور انہوں نے مثبت کردار ادا کیا ہے۔
مزید پڑھیں: پی ٹی آئی احتجاج میں سرمیں گولی لگ کر زخمی ہونے والا رینجرجوان 3 ہفتوں بعد چل بسا
فیصل واوڈا نے کہاکہ وزیراعظم یہ نہیں کررہے کہ میں یہ نہیں کروں گا اور کرنے بھی نہیں دوں گا، وہ مثبت سوچ کے ساتھ آگے بڑھ رہے ہیں۔
27ویں آئینی ترمیم سے متعلق پوچھے گئے سوال کے جواب میں ان کا کہنا تھا کہ آئینی ترمیم پارلیمنٹ میں پیش ہوگی اور پاس بھی ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئینی ترمیم پارٹی پر پابندی پی ٹی آئی سہیل آفریدی فیصل واوڈا گورنر راج وی نیوز
آزاد کشمیر، تحریکِ عدم اعتماد آج بھی پیش نہیں کی جا سکی