ملک دشمن ٹولے کو معاشی استحکام ہضم نہیں ہورہا ،وزیراعظم
اشاعت کی تاریخ: 24th, January 2025 GMT
اسلام آباد: وزیراعظم شہبازشریف ورلڈ بینک کے 10شراکت داری فریم ورک کی افتتاحی تقریب سے خطاب کررہے ہیں
اسلام آباد (نمائندہ جسارت) وزیر اعظم شہباز شریف نے کہا ہے کہ حکومتی پالیسیوں پر میڈیا کی تعمیری تنقید گورننس کی بہتری کے لیے بہت ضروری ہے جبکہ ڈیفالٹ کے خواب دیکھنے والے ملک دشمن ٹولے کومعاشی استحکام ہضم نہیں ہو رہا ہے۔ وزیر اعظم شہباز شریف سے پاکستان براڈکاسٹرز ایسوسی ایشن کے وفد نے اسلام آباد میں ملاقات کی، ملاقات کے دوران گفتگو کرتے ہوئے وزیرِ اعظم نے کہا کہ حکومت اور میڈیا
کا باہمی اعتماد کا رشتہ ہے، میڈیا کی تعمیری تنقید کا حکومت خیر مقدم کرتی ہے، ملک میں اظہارِ رائے کی مکمل آزادی ہے اور حکومت میڈیا کے ریاست کا چوتھا ستوں ہونے پر یقین رکھتی ہے۔وزیرِاعظم نے کہا کہ اڑان پاکستان مقامی طور پر تیار کردہ ملکی ترقی کا منصوبہ ہے جس کو میڈیا اور تمام اسٹیک ہولڈرز کے تعاون سے کامیاب بنائیں گے، اللہ کے فضل و کرم سے ملکی استحکام کے بعد پاکستان کی ترقی کی رفتار 2018 میں جہاں روکی گئی، وہیں سے دوبارہ شروع ہو چکی، پاکستان نے میاں محمد نواز شریف کی قیادت میں ترقی کا سنہری دور دیکھا اور آج بھی انکی قیادت میں معاشی استحکام کے بعد ترقی کا سفر زور و شور سے جاری ہے۔وزیرِ اعظم کا کہنا تھا کہ پیٹرولیم مصنوعات، چینی، کھاد اور آٹا وغیرہ کی اسمگلنگ کی روک تھام سے قومی خزانے کو فائدہ پہنچا، ترسیلاتِ زر میں اضافہ بیرون ملک مقیم پاکستانیوں کے حکومتی پالیسوں پر اعتماد میں اضافے کی عکاسی ہے، دوست ممالک سے تعلقات میں اضافہ اور سفارتی محاذ پر کامیابیوں کا سلسلہ جاری ہے۔ انہوں نے کہا کہ اللہ کے فضل و کرم سے پاکستان کا عالمی منظر نامے پر تشخص بحال کیا، چین پاکستان اقتصادی راہداری کے ثمرات ملنا شروع ہو گئے، محمد نواز شریف اور چینی صدر شی جن پنگ کا پاکستان اور خطے کی ترقی کا خواب تعبیر کے بالکل قریب ہے۔ وزیراعظم نے کہا کہ سی پیک کے منصوبوں کی جلد تکمیل کے لیے حکومت دن رات کوشاں ہے، پاکستان کے ڈیفالٹ کے خواب دیکھنے والا ملک دشمن مخصوص ٹولہ بار بار اسلام آباد پر چڑھائی کی کوشش کرتا ہے، ایسے عناصر کو پاکستان کا معاشی استحکام اور ترقی ہضم کرنا مشکل ہو رہا ہے۔
ذریعہ: Jasarat News
کلیدی لفظ: اسلام ا باد نے کہا کہ ترقی کا
پڑھیں:
حکومت بلیو اکانومی کے وسائل کو بروئے کار لانے کے لیے پرعزم ہیں: وزیر خزانہ
وفاقی وزیر خزانہ و محصولات سینیٹر محمد اورنگزیب نے کہا ہے کہ حکومت بلیو اکانومی کے بے پناہ وسائل کو قومی ترقی کے ایک اہم ستون کے طور پر بروئے کار لانے کے لیے پرعزم ہے۔
2 روزہ انٹرنیشنل میری ٹائم کانفرنس کا آغاز کراچی ایکسپو سینٹر میں ہوا، جو پاکستان انٹرنیشنل میری ٹائم ایکسپو اینڈ کانفرنس کے ساتھ بیک وقت منعقد کی جا رہی ہے۔
مزید پڑھیں: بلیو اکانومی: پاکستان انٹرنیشنل میری ٹائم ایکسپو اینڈ کانفرنس کا آغاز، 44 ممالک شریک
یہ کانفرنس پاک بحریہ کے زیرِ اہتمام اور وزارتِ بحری امور کے اشتراک سے منعقد کی جا رہی ہے، جس میں پالیسی ساز، بحری اور صنعتی امور کے ماہرین اور بین الاقوامی تجزیہ کار شرکت کر رہے ہیں تاکہ عالمی بحری امور پر تبادلہ خیال کیا جا سکے۔
وفاقی وزیر خزانہ و محصولات، سینیٹر محمد اورنگزیب نے افتتاحی تقریب میں بطور مہمانِ خصوصی شرکت کی۔
اپنے خطاب میں انہوں نے پاکستان کی اقتصادی بحالی اور پائیدار ترقی میں بحری شعبے کے کلیدی کردار کو اجاگر کیا۔
وزیر خزانہ و محصولات نے اس عزم کا اعادہ کیا کہ حکومت بلیو اکانومی کے بے پناہ وسائل کو قومی ترقی کے ایک اہم ستون کے طور پر بروئے کار لانے کے لیے پرعزم ہے۔
انہوں نے پبلک پرائیویٹ پارٹنرشپس کو فروغ دینے، بندرگاہی ڈھانچے کی جدید کاری اور علاقائی بحری تجارت کے فروغ کی اہمیت پر زور دیا تاکہ پاکستان کی معاشی خود مختاری کو مزید مستحکم کیا جا سکے۔
اس سے قبل ریئر ایڈمرل جاوید اقبال (ر) نے مہمانوں اور مندوبین کو خوش آمدید کہا۔ انہوں نے ایسے فورمز کی اہمیت پر روشنی ڈالی جو حکومت کو میری ٹائم پالیسیوں کی تشکیل اور حکمتِ عملی کی منصوبہ بندی میں قیمتی مشورے فراہم کرتے ہیں۔
کانفرنس کے پہلے روز سینیئر نیول افسران، اسکالرز اور میری ٹائم ماہرین نے ’پائیدار ترقی کے لیے بلیواکانومی کے وسائل سے استفادہ‘ کے موضوع پر مدلل تقاریر اور تحقیقی مقالے پیش کیے۔
ان سیشنز میں بحری سلامتی، سمندری وسائل کے مؤثر استعمال، تکنیکی جدت اور بین الاقوامی تعاون کے فروغ جیسے موضوعات پر تفصیلی گفتگو کی گئی۔
دو روزہ یہ کانفرنس مختلف موضوعاتی نشستوں، ماہر پینلز اور پالیسی سے متعلق مباحثوں پر مشتمل ہوگی، جن کا مقصد علاقائی میری ٹائم تعاون کو فروغ دینا، اقتصادی روابط کو مستحکم کرنا اور بحری وسائل کے پائیدار استعمال کے ذریعے ترقی کے نئے مواقع پیدا کرنا ہے۔
یہ بھی پڑھیں: میری ٹائم شعبے میں ترقی کا سب سے پہلے فائدہ ساحلی آبادیوں کو پہنچنا چاہیے، وفاقی وزیر احسن اقبال
اس موقع پر دوست ممالک، تعلیمی وتحقیقی اداروں اور بحری صنعت سے تعلق رکھنے والے بڑی تعداد میں مندوبین شریک ہیں، جو پاکستان کے علاقائی میری ٹائم تعاون کے مرکز کے طور پر ابھرتے ہوئے کردار کی عکاسی کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’بلیو اکانومی‘ wenews محمد اورنگزیب میری ٹائم کانفرنس وزیر خزانہ وی نیوز
آزاد کشمیر، تحریکِ عدم اعتماد آج بھی پیش نہیں کی جا سکی