بچیوں کو اسکول سے لیکر آنیوالی خاتون سے ڈاکو 11لاکھ مالیت کے زیور لے گئے، فوٹیج بھی سامنے آگئی
اشاعت کی تاریخ: 24th, January 2025 GMT
راولپنڈی میں ڈکیتی و زبردستی مال چھیننے کی وارداتوں کا سلسلہ تھم نہ سکا، تھانہ دھمیال کے علاقے قائد اعظم کالونی میں ڈکیتی کی واردات میں موٹر سائیکل سوار مسلح ڈاکو بچیوں کو اسکول سے لیکر آنے والی خاتون سے زیورات لوٹ کر لے گئے۔
واردات کی سی سی ٹی وی فوٹیج بھی سامنے آگئی جس میں بچیوں کو شور مچا کر ڈاکوؤں کو روکنے کی کوشش کرتے دیکھا جا سکتا ہے۔
فوٹیج میں دیکھا گیا کہ خاتون اپنی دو بچیوں کو اسکول سے پِک کرنے کے بعد گھر پہنچنے پر کار گلی میں پارک کر رہی ہوتی ہے کہ اس دوران ایک بچی اسکول بیگ کے ساتھ اتر کر گاڑی کے عقب میں کھڑی ہو جاتی ہے جبکہ دوسری بچی گاڑی کی فرنٹ سیٹ سے اترنے کی کوشش کر رہی ہوتی ہے کہ اچانک ہیلمٹ اور فیس ماسک کے ساتھ سر پر ٹوپی پہنے دو موٹر سائیکل سوار پہنچ جاتے ہیں اور گاڑی کے دونوں دروازوں کی جانب کھڑے رہتے ہیں۔
فوٹیج میں ایک بچی والدہ کا انتظار کرتے ہوئے گاڑی کی فرنٹ سیٹ سے کچھ نکالتے دیکھی جا سکتی ہیں، ملزمان ڈرائیونگ سیٹ پر بیٹھی بچی کی والدہ سے زیورات وغیرہ چھین لیتے ہیں۔
ملزم کو فوٹیج میں فرنٹ سیٹ پر چھوٹی بچی سے کچھ چھینتے اور فرار ہوتے دیکھا جا سکتا ہے، گاڑی کے عقب میں کھڑی بڑی بچی ملزمان کی واردات کو بھانپتے ہوئے گھر کی جانب بھاگتی ہے۔ اطلاع پر اہل خانہ اور دونوں طالبات ملزمان کو فرار ہوتے وقت پکڑنے کی کوشش کرتے ہیں تاہم ملزمان موقع سے فرار ہو جاتے ہیں۔
رابطے پر ایس پی صدر نبیل کھوکھر نے بتایا کہ واردات کا مقدمہ درج کر لیا گیا۔ ایف آئی آر کے مطابق مسلح ملزمان خاتون سے تقریباً ساڑھے 11لاکھ روپے مالیت کی صرف چار تولے کی چار چوڑیاں چھین کر لے گئے۔
سی پی او راولپنڈی خالد ہمدانی نے واردات کا نوٹس لیکر ایس پی صدر اور پولیس ٹیم کو ملزمان جلد از جلد ٹریس کرنے کے احکامات دیے ہیں۔
.ذریعہ: Express News
پڑھیں:
شادی کی تقریب میں ہوائی فائرنگ کرنے والے تین ملزمان گرفتار، پولیس دلہا کی گاڑی کو بھی بند کردیا
کراچی کے ضلع وسطی کی حدود میں قائم تھانے شاہراہ نور جہاں پولیس نے شادی کی تقریب میں ہوائی فائرنگ کرنے والے تین ملزمان کو گرفتار کرکے دلہا سمیت تین گاڑیاں قبضے میں لے لی، فائرنگ سے ایک شخص زخمی ہوا تھا۔
ایکسپریس نیوز کے مطابق شاہراہِ نور جہاں کی حدود میں بارات میں ہوائی فائرنگ کرنے والے 3 ملزمان کو گرفتار کر کے اسلحہ اور گاڑی قبضہ میں لے لی۔
پولیس کے مطابق نارتھ ناظم آباد کے علاقے شاہراہ نورجہاں روڈ بلاک ٹی میں بارات میں شریک افراد کی ہوائی فائرنگ سے قاسم نامی شخص ٹانگ پر گولی لگنے سے زخمی ہوا۔
واقعے کی اطلاع ملتے ہی ایس ایچ او شاہراہِ نور جہاں کی سربراہی میں پولیس کی نفری وقوعہ پر پہنچی تو معلوم ہوا کہ تقریب میں شریک چند افراد بارات کے دوران ہوائی فائرنگ کر رہے تھے۔
پولیس نے فوری کارروائی کرتے ہوئے بارات کا تعاقب کیا اور تین ملزمان کو گرفتار کرلیا۔ جن کی شناخت عاقب خلیل، مزمل اور رازی منڈ کے ناموں سے ہوئی۔
پولیس نے ملزمان کے قبضے سے دو عدد پستول بمعہ ایمونیشن برآمد کیے جبکہ بارات میں استعمال ہونے والی تین گاڑیاں بھی تحویل میں لے لی۔
پولیس نے ملزمان کی گرفتاری کے بعد واقعے کا مقدمہ درج کرلیا۔ ایس ایس پی سینٹرل ذیشان صدیقی نے بروقت کارروائی اور ملزمان کی گرفتاری پر پولیس ٹیم کو شاباش دی۔
انہوں نے کہا کہ شہری علاقوں میں ہوائی فائرنگ جیسے خطرناک عمل کو ہرگز برداشت نہیں کیا جائے گا، اور قانون کی خلاف ورزی کرنے والوں کے خلاف سخت کارروائی عمل میں لائی جائے گی۔
اسرائیلی حملوں سے "غزہ میں جنگبندی" کی خلاف ورزی نہیں ہوتی، ٹرمپ کا دعوی