بیرسٹر سیف نے جماعت اسلامی کو بانی پی ٹی آئی کا پیغام پہنچایا
اشاعت کی تاریخ: 24th, January 2025 GMT
مشیر اطلاعات خیبر پختونخوا بیرسٹر سیف نے منصورہ پہنچ کر جماعت اسلامی کو بانی پی ٹی آئی کا پیغام پہنچایا۔
جماعت اسلامی کے مرکز منصورہ میں بیرسٹر سیف نے جماعت اسلامی کے رہنماؤں لیاقت بلوچ اور امیر العظیم سے ملاقات کی، اس موقع پر سینئر سیاستدان محمد علی درانی بھی ملاقات میں موجود تھے۔
بیرسٹر سیف نے کہا کہ جماعت اسلامی کی عوامی ریلیف کےلیے جدوجہد کو سراہتے ہیں، عوامی مینڈیٹ چھیننے سے متعلق جماعت کے بیان پر شکر گزار ہیں، بانی پی ٹی آئی نے جماعت اسلامی قائدین کیلئے نیک تمناﺅں کا پیغام دیا، بانی نے قومی سیاسی جماعتوں سے رابطوں کی ہدایت کی ہے۔
اس موقع پر نائب امیر جماعت اسلامی لیاقت بلوچ نے کہا کہ عوام مہنگائی میں حقیقی کمی چاہتے ہیں، کسی کا وجود مٹانے یا منوانے سے ملک مسائل سے نہیں نکلے گا، مسائل کا حل دانشمندی سے نکل سکتا ہے۔
بیرسٹر سیف نے کرم میں حکومتی کوششوں سے بھی جماعت اسلامی کی قیادت کو آگاہ کیا اور مشاورتی اجلاس میں شرکت کا دعوت نامہ بھی دیا۔
ذریعہ: Jang News
کلیدی لفظ: بیرسٹر سیف نے جماعت اسلامی
پڑھیں:
15برس میں کراچی کی ترقی کے 3360 ارب روپے کھائے گئے: حافظ نعیم
کراچی (سٹاف رپورٹر) امیر جماعت اسلامی پاکستان حافظ نعیم الرحمن نے ملائیشیا سے واپسی پر سینئر صحافیوں کے ساتھ تبادلہ خیال کی نشست میں گفتگو کرتے کہا کراچی کی ابتر حالت پر افسوس ہوتا ہے۔ پیپلز پارٹی کی 17سالہ حکمرانی کے باعث کراچی کے شہری بدترین حالات اور اذیت کا شکار ہیں۔ گزشتہ 15سالو ں میں کراچی کی ترقی کے 3360 ارب روپے کھائے گئے۔ شہر کی تعمیر و ترقی کیلئے مقامی حکومتوں کو با اختیار بنایا جائے، سپریم کورٹ کے حکم اور آرٹیکل 140-Aکے مطابق اختیارات و وسائل نچلی سطح تک منتقل کیے جائیں، آئندہ کراچی میں ووٹ کی حفاظت کو بھی یقینی بنائیں گے۔ ملک میں متناسب نمائندگی کی بنیاد پر انتخابات کا اصول اور طریقہ کار اپنانا چاہیے۔ لینڈ ریفارمز بھی بہت ضروری ہیں۔ پاکستان میں سیاست کا المیہ یہ ہے کہ سیاسی تحریکیں ہائی جیک ہو جاتی ہیں۔ انہوں نے کہا جماعت اسلامی واحد جمہوری جماعت اور حقیقی اپوزیشن ہے ، ہم پاکستان کے لوگوں کو مایوس نہیں کریں گے۔ حافظ نعیم الرحمن نے کہا کے پی کے میں پی ٹی آئی کے طویل اقتدار میں مافیاز پروان چڑھے۔ انہوں نے کہا کہ افغانستان سے پر امن تعلقات چاہتے ہیں، افغانستان کو بھی سمجھنا چاہیے، وہاں سے دراندازی بند ہونی چاہیے۔ 21-22-23 نومبر کو لاہور میں جماعت اسلامی کا اجتماع عام ہو گا، اآئندہ کے لائحہ عمل کا اعلان کیا جائے گا۔
لاہور: اغوا ہونے والا 3 سالہ بچہ چوہنگ سے بازیاب