دوسرا ٹیسٹ: پاکستان کیخلاف ویسٹ انڈیز کی پہلی اننگز جاری، 2 کھلاڑی آؤٹ
اشاعت کی تاریخ: 25th, January 2025 GMT
پاکستان اور ویسٹ انڈیز کی ٹیموں کے درمیان 2 ٹیسٹ میچز پر مشتمل سیریز کا دوسرا میچ ملتان میں کھیلا جارہا ہے، جس میں ویسٹ انڈیز کی بیٹنگ جاری ہے اور اس کا اب تک 2 کھلاڑی آؤٹ ہوچکے ہے۔
آج دوسرے ٹیسٹ میچ کے پہلے روز ویسٹ انڈیز نے ٹاس جیت کر اپنی پہلی اننگز کا آغاز کیا تو 8 کے مجموعی اسکور پر اس کی پہلی وکٹ گرگئی۔ اوپنر میکائیل لوئس بغیر کوئی رن بنائے ساجد خان کی گیند پر ایل بی ڈبلیو آؤٹ ہوگئے۔
ان کے بعد مجموعی اسکور میں ایک رن کا ہی اضافہ ہوا تھا کہ نئے آنے والے بیٹر عامر جنگو بھی واپس پویلین لوٹ گئے۔ انہوں نے 10 گیندوں پر 4 رنز بنائے اور کاشف علی کی گیند پر محمد رضوان کے ہاتھوں کیچ آؤٹ ہوگئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آؤٹ بولنگ بیٹنگ پاکستان پہلی اننگز دوسرا ٹیسٹ رنز ملتان ویسٹ انڈیز.ذریعہ: WE News
کلیدی لفظ: بولنگ بیٹنگ پاکستان پہلی اننگز دوسرا ٹیسٹ ملتان ویسٹ انڈیز ویسٹ انڈیز
پڑھیں:
سدرہ امین نے ویمنز ون ڈے میں دو ہزار رنز کا سنگ میل عبور کرلیا
پاکستانی اوپنر بیٹر سدرہ امین نے ویمنز ون ڈے میں 2000 رنز کا سنگ میل عبور کرلیا۔
جنوبی افریقہ کیخلاف قذافی اسٹیڈیم میں پہلے ون ڈے میں 33 سالہ سدرہ نے یہ کارنامہ 16ویں اوور کی چوتھی گیند پر سنگل لے کر انجام دیا۔
وہ بسمہ معروف اور جویریہ خان کے بعد یہ سنگ میل عبور کرنے والی تیسری پاکستانی بیٹر بنیں۔
سدرہ امین نے 150 گیندوں پر 121 رنز کی ناقابل شکست اننگز کھیلی۔ ان کی اننگز میں 12چوکے شامل تھے۔
پاکستان کی جانب سے ویمنز ون ڈے میں سب سے زیادہ رنز بسمہ معروف نے 136 میچز میں 3369 بنارکھے ہیں۔
جویریہ خان 116 میچز میں 2885 رنز کے ساتھ دوسرے نمبر پر ہیں۔
سدرہ امین 75 میچز میں 2099 رنز بناکر تیسرے نمبر پر براجمان ہیں۔ ندا ڈار نے 112 میچز میں 1690 رنز بنا رکھے ہیں۔
دریائے چناب میں سیلابی صورتحال، ٹرین سروس معطل