سی ایم جی اسپرنگ فیسٹیول گالا کی پروموشنل ویڈیو مختلف ممالک میں نشر
اشاعت کی تاریخ: 26th, January 2025 GMT
سی ایم جی اسپرنگ فیسٹیول گالا کی پروموشنل ویڈیو مختلف ممالک میں نشر WhatsAppFacebookTwitter 0 26 January, 2025 سب نیوز
بیجنگ ()
سی ایم جی اسپرنگ فیسٹیول گالا کی پروموشنل ویڈیو امریکہ کے پانچ بڑے شہروں نیو یارک، واشنگٹن، سان فرانسسکو، لاس اینجلس اور ہیوسٹن کے 78 سینما گھروں میں ایک ہزار سے زائد اسکرینز پر نشر کی جا رہی ہے ۔ اسپرنگ فیسٹیول گالا کی یہ پروموشنل ویڈیو آئندہ چند دن تک 30 ہزار سے زائد مرتبہ نشر کی جائے گی اور توقع ہے کہ اس کے ناظرین کی تعداد ساڑھے چار لاکھ تک پہنچ جائے گی۔
25 جنوری کو سی ایم جی اسپرنگ فیسٹیول گالا کی پروموشنل ویڈیو پہلی بار جرمن سینما گھروں میں نشر کی گئی اور بیک وقت برلن، فرینکفرٹ، ڈریسڈن، ڈورٹمنڈ اور جرمنی کے دیگر اہم شہروں کے 10 سے زائد بڑے سینما گھروں میں پیش کی گئی ۔ یہ پروموشنل وڈیو تقریباً 100 سنیما اسکرینز پر رولنگ پلے بیک کی شکل میں دکھائی گئی ، جس سے جرمن ناظرین کو چینی نئے سال کا جوش و خروش اور خوشی کا ماحول فراہم کیا گیا۔
ادھر 24 جنوری کو اسپرنگ فیسٹیول گالا کی پروموشنل ویڈیو باضابطہ طور پر پیراگوئے کے دارالحکومت آسنسیون کی شاہراہوں پر بڑی اسکرینز پر نشر کی جا رہی ہے اور مسلسل اگلے سات دن تک نشر کی جائے گی۔ یہ پہلا موقع ہے کہ چائنا میڈیا گروپ کے اسپرنگ فیسٹیول گالا کی پروموشنل وڈیو جنوبی امریکہ کے اس ملک میں پیش کی جا رہی ہے۔
.ذریعہ: Daily Sub News
پڑھیں:
لڑکوں کا رنگ گہرا ہی پسند ہے، آر جے مہوش اور چہل کی ڈیٹنگ کی افواہیں پھر سرگرم
بھارتی آر جے مہوش کی نئی ویڈیو سوشل میڈیا پر وائرل ہورہی ہے جس نے ان کی یوزویندر چہل کے ساتھ تعلقات کی افواہوں کو ہوا دے دی ہے۔
آر جے مہوش اپنی ایک نئی ویڈیو کی وجہ سے ایک بار پھر سرخیوں میں ہیں جس میں وہ مردوں کے رنگ پر دلچسپ تبصرہ کرتی نظر آئیں۔ مہوش، جن کا نام حال ہی میں کرکٹر یوزویندر چہل کے ساتھ جوڑا جا رہا ہے، نے اپنی ویڈیو میں کہا، ’گورے لڑکے بھی اچھے لگتے ہیں، لیکن سانولے لڑکوں میں ادرک والی چائے جیسی بات ہے۔ چائے ویسے بھی مزے دار ہوتی ہے، لیکن تھوڑی سی ادرک ہو جائے تو پھر واہ واہ۔‘
مہوش نے مزید کہا، ’ہماری دادی ایسے لڑکوں کو گندمی رنگ والے نمکین چہرے کہتی تھیں۔ اب سمجھ آیا، دادی۔ ہم ہندوستانی لڑکیوں کو اپنی چائے اور لڑکوں کا رنگ تھوڑا گہرا ہی پسند آتا ہے۔ سانولے لڑکوں کو جا کے بتا دو کہ میں objectify نہیں کر رہی، لیکن تم ساڈی دال میں تڑکا ہو۔‘
View this post on InstagramA post shared by Mahvash (@rj.mahvash)
انہوں نے اس ویڈیو کے کیپشن میں پنجابی میں لکھا، ’کالے دے لباس دی شوقین اے کُڑی، پاس پاس آئے تیرے کالے رنگ توں۔‘ دلچسپ بات یہ ہے کہ چہل نے بھی آر جے مہوش کے اس پوسٹ کو لائک کیا، جس سے ان کی ڈیٹنگ کی افواہوں کو مزید تقویت ملی ہے۔
یاد رہے کہ یوزویندر چہل اور دھناشری ورما کی شادی دسمبر 2020 میں ہوئی تھی، تاہم فروری 2025 میں دونوں کو باندرہ فیملی کورٹ کے باہر دیکھا گیا جہاں انہوں نے باہمی رضامندی سے طلاق کی درخواست دی۔ عدالتی فیصلے کے بعد، دونوں کی باقاعدہ طلاق 20 مارچ 2025 کو ہوئی۔ رپورٹس کے مطابق چہل نے ڈاناشری کو 4.75 کروڑ روپے بطور المعونیہ ادا کیے۔
آخری سفر پر جانے سے پہلے جنید جمشید نے کیا کہا، اہلیہ نے پہلی مرتبہ بتادیا