پاکستان قونصلیٹ نیویارک میں وزیر اعلی گلگت بلتستان کے اعزاز میں تقریب
اشاعت کی تاریخ: 26th, January 2025 GMT
امریکہ میں پاکستان کے سفیر رضوان سعید شیخ نے پاکستان، خاص طور پر گلگت بلتستان کی سیاحتی کے شعبے میں موجود وسیع مواقع کو اجاگر کرتے ہوئے نیویارک ٹریول شو میں پاکستان کی نمائندگی پر وزیر اعلیٰ اور ان کی ٹیم کا شکریہ ادا کیا۔ اسلام ٹائمز۔ پاکستان قونصلیٹ نیویارک نے گلگت بلتستان (جی بی) کے وزیر اعلیٰ اور ان کے وفد کے اعزاز میں ایک خصوصی تقریب کا انعقاد کیا۔ یہ تقریب پاکستان قونصلیٹ نیویارک میں منعقد ہوئی، جس میں امریکہ میں پاکستان کے سفیر، پاکستانی کمیونٹی، گلگت بلتستان سے تعلق رکھنے والے افراد، اور ٹور آپریٹرز نے شرکت کی۔ تقریب کا آغاز کونسلر جنرل آف پاکستان احمد ادوزئی کی جانب سے دیے گئے خوش آمدیدی کلمات سے ہوا، جنہوں نے وزیراعلیٰ، امریکہ میں پاکستان کے سفیر اور وفد کا پرتپاک خیرمقدم کیا۔ امریکہ میں پاکستان کے سفیر رضوان سعید شیخ نے پاکستان، خاص طور پر گلگت بلتستان کی سیاحتی کے شعبے میں موجود وسیع مواقع کو اجاگر کرتے ہوئے نیویارک ٹریول شو میں پاکستان کی نمائندگی پر وزیر اعلیٰ اور ان کی ٹیم کا شکریہ ادا کیا۔ اپنے خطاب میں سفیر نے پاکستانی ٹور آپریٹرز اور کمیونٹی کے درمیان روابط مضبوط بنانے کی ضرورت پر زور دیا تاکہ پاکستان میں سیاحت کو فروغ دیا جا سکے اور امریکہ کے ساتھ اقتصادی تعلقات کو بھی مضبوط کیا جا سکے۔ انہوں نے کہا، “آج نیویارک ٹریول شو میں شرکت پاکستان کی سیاحتی شعبے میں ترقی اور خوشحالی کے ایک نئے دور کا آغاز ہو گا۔ ہمیں سیاحوں کو بہتر سہولیات فراہم کرنے ہونگے میں یقین دلاتا ہوں کہ سفارتخانہ اور قونصلیٹ اس مقصد کے حصول میں مکمل تعاون فراہم کریں گے۔” گلگت بلتستان کے وزیر اعلیٰ حاجی گلبر خان نے تقریب سے خطاب کرتے ہوئے امریکہ میں مقیم پاکستانی کمیونٹی کے افراد سے ملاقات پر خوشی کا اظہار کیا، پاکستان اور گلگت بلتستان میں سیاحت کو فروغ دینے میں ان کے کردار کو سراہا۔ وزیر اعلی نے گلگت بلتستان کی بے پناہ سیاحتی صلاحیتوں پر روشنی ڈالتے ہوئے کہا، “جی بی آبادی کے لحاظ سے ایک چھوٹا صوبہ ہے، لیکن خدا نے اسے بے مثال قدرتی خوبصورتی سے نوازا ہے۔ اگرچہ ہمیں سہولیات کی کمی کا سامنا ہے، لیکن گلگت بلتستان اور وفاقی حکومت ان مسائل کے حل کے لیے پُرعزم ہیں۔" وزیر اعلیٰ نے حالیہ کامیابیوں کا ذکر کرتے ہوئے بتایا کہ اسکردو میں ایک بین الاقوامی ہوائی اڈہ قائم کیا گیا ہے۔ وزیر اعلی نے اس موقع پر اعلان کیا کہ گلگت ائیر پورٹ کو بھی بین الاقوامی ایرپورٹ بنانے کے لیے وفاقی حکومت سے رابطہ کیا جائے گا۔ وزیر اعلی نے کہا، “اگر ہم زیادہ سیاحوں کو گلگت بلتستان لا سکیں تو یہ پاکستان کا سب سے امیر ترین صوبہ بن سکتا ہے۔ جی بی دنیا کے سب سے بڑے گلیشیئرز اور بلند ترین پہاڑوں کا مرکز ہے۔" انہوں نے بیرون ملک مقیم پاکستانیوں سے اپیل کی کہ وہ گلگت بلتستان میں بین الاقوامی سیاحت کو فروغ دینے اور پاکستان میں سیاحت کے شعبے میں بہتری کے لیے اپنا کردار ادا کریں۔ وزیر اعلیٰ نے آخر میں سفیر اور تقریب میں موجود شرکاء کا شکریہ ادا کیا۔ وزیر سیاحت گلگت بلتستان غلام محمد نے بھی تقریب سے خطاب کیا۔ انہوں نے نیویارک ٹریول شو کو ایک مشترکہ کوشش قرار دیا جس میں گلگت بلتستان کی حکومت گزشتہ چار سالوں سے حصہ لے رہی ہے اور اس کے مثبت نتائج برآمد ہوئے ہیں۔ انہوں نے پاکستان کے بہترین سیاحتی مقامات کی مارکیٹنگ کی اہمیت پر زور دیا اور بتایا کہ کئی ممالک نے سیاحت کے ذریعے بڑی کامیابیاں حاصل کی ہیں۔ انہوں نے سیاحت کے شعبے میں موجود کمزوریوں پر قابو پانے اور گلگت بلتستان میں سرمایہ کاری کی ضرورت پر زور دیا۔ راجہ ناصر علی خان، وزیر منصوبہ بندی و ترقیات گلگت بلتستان نے بھی تقریب سے خطاب کیا اور سیاحت کے شعبے کو درپیش چیلنجز پر قابو پانے کی ضرورت پر زور دیا۔
.
ذریعہ
ذریعہ: Islam Times
کلیدی لفظ: گلگت بلتستان کی کے شعبے میں نے پاکستان پر زور دیا کرتے ہوئے وزیر اعلی انہوں نے سیاحت کے
پڑھیں:
دبئی کا بڑا اعلان؛ دوستوں اور رشتہ داروں کو سیاحت پر بلائیں، ہزاروں درہم انعام پائیں
مشرقِ وسطیٰ میں جاری جنگ کے باعث سیاحوں کی تعداد میں نمایاں کمی کے بعد دبئی نے سیاحت کو دوبارہ فروغ دینے کے لیے منفرد مہم شروع کر دی ہے۔
عرب میڈیا کے مطابق نئی اسکیم کے تحت متحدہ عرب امارات کے رہائشی اگر اپنے دوستوں یا رشتہ داروں کو دبئی گھومنے کے لیے آمادہ کریں تو انھیں 3 ہزار اماراتی درہم مالیت تک کے انعامات اور سہولتیں دی جائیں گی۔
دبئی کے محکمۂ اقتصادیات و سیاحت کی جانب سے متعارف کرائی گئی اسکیم ’’دبئی اِنوائٹ‘‘ کے تحت یو اے ای میں مقیم افراد اپنے بیرونِ ملک رہنے والے دوستوں اور اہلِ خانہ کو نامزد کرسکتے ہیں۔
اگر کسی شہری کی دعوت پر ان کے دوست یا رشتہ دار سیاحتی ویزے پر دبئی آتے ہیں تو میزبان کو ہوٹل میں قیام، ریستورانوں میں خصوصی رعایت، تفریحی مقامات کے ٹکٹ اور دیگر مراعات پر مشتمل خصوصی پیکیج دیا جائے گا۔
اس اسکیم کے تحت ہر رہائشی زیادہ سے زیادہ تین مہمانوں کے لیے فوائد حاصل کرسکتا ہے بشرطیکہ مہمان 31 اکتوبر سے پہلے دبئی پہنچ جائیں۔ تاہم ان مراعات سے دسمبر تک فائدہ اٹھایا جا سکے گا۔
اس اسکیم سے فائدہ اٹھانے کے لیے ضروری ہے کہ آنے والا فرد یو اے ای کا رہائشی نہ ہو، وہ درست سیاحتی ویزے پر سفر کرے اور اسے صرف ایک مرتبہ ہی نامزد کیا جا سکے گا۔
دبئی حکومت کے یہ اقدام ایسے وقت میں سامنے آئے ہیں جب امریکا، اسرائیل اور ایران کے درمیان کشیدگی کے اثرات خلیجی ممالک تک پہنچنے کے بعد سیاحت شدید متاثر ہوئی ہے۔
رپورٹس کے مطابق ایران کی جانب سے کیے گئے میزائل اور ڈرون حملوں کے بعد دبئی کے بین الاقوامی ہوائی اڈے اور معروف فیئرمونٹ ہوٹل کو نقصان پہنچا جس سے دبئی کی محفوظ سیاحتی مقام کی ساکھ متاثر ہوئی۔
یاد رہے کہ گزشتہ برس 2025 میں دبئی نے تقریباً 2 کروڑ بین الاقوامی سیاحوں کا خیرمقدم کر کے نیا ریکارڈ قائم کیا تھا لیکن حالیہ جنگ کے بعد صورتحال یکسر بدل گئی ہے۔
ہوائی سفر پر سیکیورٹی خدشات بڑھنے کے باعث دبئی آنے والی کئی بین الاقوامی ایئرلائنز نے اپنی پروازیں معطل یا محدود کر دیں جبکہ متعدد طیاروں نے مشرقِ وسطیٰ کی فضائی حدود سے گزرنے سے گریز کیا۔
اس کے نتیجے میں دبئی ایئرپورٹس پر آپریٹ کرنے والی ایئرلائنز کی تعداد میں نمایاں کمی آئی۔ دوسری جانب ہوٹلوں میں بکنگ کم ہونے سے خالی کمروں کی شرح میں اضافہ ہوا ہے اور کئی کاروباری اداروں کی آمدنی میں 50 فیصد سے زائد کمی ریکارڈ کی گئی۔
دبئی کے بعض مشہور ہوٹلوں نے کم طلب کے باعث تزئین و آرائش کے منصوبے قبل از وقت شروع کر دیے ہیں۔ دنیا کے مشہور برج العرب ہوٹل کو بھی بڑے پیمانے پر مرمت اور بحالی کے لیے تقریباً 18 ماہ کے لیے بند کرنے کا اعلان کیا گیا ہے۔
اس کے علاوہ کئی ہوٹل اور سیاحتی ادارے حکومت کی نئی اسکیم کے تحت 45 فیصد تک رعایت اور مفت قیام جیسی خصوصی پیشکشیں بھی دے رہے ہیں۔
مقامی میڈیا کے مطابق دبئی اِنوائٹ اسکیم کے آغاز کے صرف 48 گھنٹوں میں 10 ہزار سے زائد درخواستیں موصول ہو چکی ہیں جس سے ظاہر ہوتا ہے کہ حکومت کو اس منصوبے سے سیاحت کی بحالی کی امیدیں وابستہ ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم